Kurdî  ■  كوردی  ■  عربي
MON, 14 JUL 2025 21:30 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

''پەڕەپێدانی ھاوكاریی کەلتووریی هەرێمی کوردستان لەگەڵ شاری کراکۆڤ لە پۆڵۆنیا تاوتوێ کرا''
| KDP.info


هەولێر -KDP.info- زیاد ڕەئووف، نوێنەری حکوومەتی هەرێمی کوردستان لە وڵاتی پۆڵۆنیا کۆبوونەوەیەکی تایبەتی لەگەڵ بەڕێز، ڕۆبەرت پیاسکۆڤسکی (Robert Piaskowski)، نوێنەری تایبەتی پارێزگاری کراکۆڤ بۆ کاروباری کەلتووری، ئەنجام دا.

لە کۆبوونەوەکەدا باسیان لە پەرەپێدانی زیاتری پەیوەندییە كەلتوورییەكانی نێوان هەرێمی کوردستان و شاری کراکۆڤ کرد و گەشبین بوون بە ئایندەی پەیوەندییەکان و توانای ئەنجامدانی كۆمەڵێك چالاكیی جۆراوجۆر و جێبەجێكردنی چەند پرۆژەیەك.

نوێنەری تایبەتی پارێزگاری کراکۆڤ ئامادەییی خۆی سەبارەت بە ئاڵوگۆڕی پسپۆڕانی پەیوەست بە شوێنەوار و نۆژەنكردنەوەی شوێنە كۆن و مێژووییەكانی كوردستان دەربڕی.

شایانی باسە، شاری كراكۆڤ خاوەنی چەندین شوێنی کەلتووری و شوێنەواری زۆر بەناوبانگە و ساڵانە زیاتر لە ١٠ملیۆن گەشتیار بۆ بینیی شوێنە مێژوویی و گەشتیارییەکان ڕووی تێ دەکەن. ئێستاش بۆ ماوەی دوو ساڵ شاری كراكۆڤ سەرپەرشتیی ڕێكخراوی جیھانیی شارە شوێنەوارییەكان بە ناوی (Organization of World Heritage Cities) دەكا، شاری ھەولێریش لەو ڕێكخراوەیەدا ئەندامە.

ھەردوولا ھاوڕا بوون لەسەر ئاڵوگۆڕی ھونەری لە بوارەكانی شانۆ و موزیك و شێوەكاری و چەند پڕۆگرامێکی هونەریی تر .

نوێنەری تایبەتی پارێزگاری کراکۆڤ سوپاس و پێزانین و خۆشحاڵیی خۆی دەربڕی سەبارەت بەو چالاكییە كەلتوورییانەی نوێنەرایەتیی حكوومەتی هەرێمی کوردستان بەردەوام لە كراكۆڤ بەڕێوەیان دەبات، وەكو پێشانگا و كۆنسێرت و بەشداریكردن لە فیستیڤاڵی فرەكەلتووریی شاری كراكۆڤدا.




دوایین هەواڵەکان

وەزارەتی ناوخۆ ڕوونکردنەوەیەکی لەبارەی ڕووداوەکەی وەرتێ بڵاوکردەوە

MONDAY, 14 JULY 2025 20:07:00

ھەولێر-KDP.info- وەزارەتی ناوخۆی حکوومەتی ھەرێمی کوردستان دەڵێت: لایەنە پەیوەندیدارەکان ڕاسپێدراون بۆ لێکۆڵینەوە و گرتنەبەری ڕێکاری یاسایی لەسەر ڕووداوەکانی شەوی ڕابردووی سنووری شارەدێی وەرتێ.

ھەڵگورد شێخ نەجیب: دۆخی سنوورەکە ئارامە و ئەمڕۆ کێشەی کارەباش چارەسەر دەکرێت

MONDAY, 14 JULY 2025 17:07:04

سۆران -KDP.info- سەرپەرشتیاری ئیدارەی سەربەخۆی سۆران گوتی "ئێستا دۆخی ئیدارەی سەربەخۆی سۆران ئارامە و ئاساییبۆتەوە، ئەو کێشەیەی کارەباش کە ھەبوو ئەمڕۆ چارەسەر دەبێت."

 
باشترین گوندی گەشتیاری لەسەر ئاستی وڵاتان دەستنیشان دەکرێت

MONDAY, 14 JULY 2025 16:07:22

ھەولێر -KDP.info- بەڕێوەبەری بەبازاڕکردن لە دەستەی گەشتوگوزاری ھەرێمی کوردستان گوتی "لەسەر ئاستی عێراق دوو شوێن لە هەریمی کوردستان دیاریکراون کێبڕکێ دەکەن بۆ نازناوی باشترین گوندی گەشتیاری لەسەر ئاستی وڵاتانی عەرەبی، بۆ ئەو مەبەستە ئامادەکاریی تەواو کراوە و پێشبینی دەکەین ئەنجامی باش بەدەست بێنین."

 
ناوەڕۆکی کۆبوونەوەی پارتی دیموکراتی کوردستان و یەکێتی نیشتمانی کوردستان

MONDAY, 14 JULY 2025 16:07:25

 ھەولێر-KDP.info-  دەقی راگەیاندراوی ھاوبەشی کۆبوونەوەی پارتی دیموکراتی کوردستان و یەکێتیی نیشتمانی کوردستان:

سوپاسالاری پێشووی پێشمەرگە بۆ KDP باسی جموجۆڵه‌ تازه‌كانی داعش ده‌كات

MONDAY, 14 JULY 2025 13:07:55

دھۆک-KDP.info- سوپاسالاری پێشووی ھێزی پێشمەرگە دەڵێت، مەترسییەکانی داعش جارێکی دیکە بۆ سەر عێراق زیادیان کردووە و بۆ چارەسەری ئەمەش پێویستە فیرقەیەکی ھاوبەشی پێشمەرگە و سوپا دروست بێت و هەموو بۆشاییەکان پڕ بکرێنەوە، چونکە داعش سوود لە ھەموو دەرفەتەکان وەردەگرێت.

 


 
© 2023 Kurdistan Democratic Party, KDP

Contact