Kurdî  ■  كوردی  ■  عربي
MON, 6 APR 2020 08:11 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ژیان مستەفا: لە دھۆک چاکسازیی لیستی شەھیدان دەستی پێ کردووە
| KDP.info


دهۆک-KDP.info- لە سنووری پارێزگای دھۆک زیاتر لە ١٠ ھەزار شەھید و شەھیدی جینۆساید ھەن و بەڕێوەبەری گشتیی شەھیدانی دھۆکیش دەڵێ، پڕۆسەی پاکسازی لە ناوی وارسی شەھیدان دەستی پێ کردووە.


ژیان مستەفا، بەڕێوەبەری گشتیی شەھیدان و ئەنفالکراوانی دھۆک، بە ماڵپەڕی فەرمیی پارتی دیموکراتی کوردستانی ڕاگەیاند: "ھەر لە سەرەتای پێکھێنانی کابینەی حکوومەتەوە ئێمە وەک وەزارەتی کاروباری شەھیدان ڕاپۆرتێکی وردمان ئامادە کردووە و پێشنیاری ھەموو بەڕێوەبەرایەتییەکان لەبەرچاو گیراوە، ژمارەیەک خاڵ لەبەرچاو گیراون، لەوانە ھەموو وارسێکی شەھید کۆدی بایۆمەتریی ھەبێت و نابێت وەزارەتی شەھیدان لە کاتی گواستنەوەی لیستی شەھیدان بۆ سەر میلاکی بەغدا یەکسەر بە بەغداوە ببەسترێتەوە، چونکە ھەرێمی کوردستان تایبەتمەندیی خۆی ھەیە."

بەڕێوەبەری گشتیی شەھیدانی پارێزگای دھۆک دەڵێت: "یەکێکی دیکە لە بڕیارەکان ئەوەیە لیسی شەھیدان و شەھیدانی جینۆساید یەک بخرێت و ڕێگە نادرێت ھیچ شەھیدێک لە ھیچ شوێنێک لە دوو مووچە سوودمەند بێت، واتە لە دوو شوێن مووچە وەربگرێت."

مستەفا ئاماژەی بۆ ئەوە کرد: "ئێستا پڕۆسەیەکی گرینگ دەستی پێ کردووە، ئەویش پێداچوونەوە و چاکسازی لە لیستی ناوی شەھیدانە، ھەموو ئەوانەی شەھیدی ڕاستەقینەن، جیا دەکرێنەوە، بۆ نموونە، کەس ھەیە لەوانەیە خەباتێکی زۆری کردبێت و ساڵانێکی زۆریش پێشمەرگە بووبێت، بەڵام لە ماڵی خۆی کۆچی دواییی کردبێت، ئەرکی حکوومەتە مووچەیەکی شایستەی بەرامبەر بە خەباتی بۆ خەرج بکات، بەڵام لەناو لیستی شەھیدان نەبێت."

ژیان مستەفا ڕوونی کردەوە: "ئێمە لە سنووری دھۆک ئێستا پاکسازی لە لیستی وارسی شەھیداندا دەکەین، تا بزانین چەند وارس ھەن و چەندیان لە ژیاندا ماون، تا ڕێک بخرێنەوە و بەپێی سیستەمی نوێی چاکسازی ئامادەکاری بۆ پاکسازی بکرێت، کە دڵنیاین ھەنگاوێکی باش دەبێت، تا لە دوای پڕۆسەکە خزمەتی زیاتریش بە کەسوکاری سەربلندی شەھیدان بکەین."

قائید میرۆ




دوایین هەواڵەکان

ڕاگەیێندراوی بارەگای بارزانی لە ساڵیادی جینۆسایدكردنی كوردە فەیلییەكان

SUNDAY, 05 APRIL 2020 22:04:10

هەولێر-KDP.info- چل ساڵ بەسەر تاوانی ئەنفال و جینوسایدكردنی كوردە فەیلییەكان لە لایەن ڕژێمی پێشووی عێراق تێدەپەڕێت، كە تێیدا دوازدە هەزار كوردی فەیلی ئەنفال و شوێنبزر و شەهید كران. جینۆسایدكردنی كوردە فەیلییەكان درێژكراوەی ئەو زنجیرە تاوانانە بوو كە لە سەدەی بیستەمدا لە لایەن ڕژێمە یەك لەدوای یەكەكانی عێراق، دژی گەلی كوردستان ئەنجام دراون.

لەبارەی کەمپینی کۆکردنەوەی پارە هۆشداری دەدرێت

SUNDAY, 05 APRIL 2020 19:04:29

هەولێر-KDP.info-  سەرچاوەیەك لە ئەنجومەنی وەزیرانی هەرێمی كوردستانەوە رایگەیاند، هیچ كەمپینێك بۆ كۆكردنەوەی پارە بەناوی هاوكاری رێگەپێدراو نییە و بۆ هیچ كەسێك یان لایەنێک نییە كەمپین رابگەیەنێت.

دەزگای خێرخوازی بارزانی لە دابه‌شكردنی خۆراك له‌ هه‌ڵه‌بجه‌ و سلێمانی و گه‌رمیان و ڕاپه‌ڕین به‌رده‌وام ده‌بێت

SUNDAY, 05 APRIL 2020 17:04:31

سلێمانی-KDP.info- له‌گه‌ڵ ڕاگه‌یاندنی قه‌ده‌خه‌ی هاتوچۆ به‌هۆی بڵاوبوونه‌وه‌ی ڤایرۆسی كۆرۆنا، ده‌زگای خێرخوازیی بارزانی هه‌ڵمه‌تێكی گه‌وره‌ی له‌ سه‌رتاسه‌ری كوردستان ده‌ست پێ كرد، به‌ دابه‌شكردنی سه‌به‌ته‌ی خۆراك بۆ ئه‌و خێزانانه‌ی پێویستیان پێییه‌تی.

 

"نەخۆشخانەی ڕزگاری دەبێتە ناوەندی چارەسەری کۆرۆنا"

SUNDAY, 05 APRIL 2020 16:04:16

هه‌ولێر-KDP.info-  دوای زیادبوونی ژمارەی تووشبوانی ڤایرۆسی کۆرۆنا، بەڕێوەبەرایەتیی گشتیی تەندروستیی ھەولێر، نەخۆشخانەی ڕزگاریی ئامادە کردووە و بەڕێوەبەری گشتیی تەندروستیی ھەولێریش دەڵێ، نەخۆشخانەی ڕزگاریی ھەولێر ٤٠٠ قەرەوێلەیە و ئامادەیە بۆ چارەسەرکردن.

 

ورده‌كاریی دروستكردنی یه‌كه‌یه‌كی ژمێریاری بۆ وه‌زاره‌تی پێشمه‌رگه‌ له ‌یاسای چاكسازیدا

SUNDAY, 05 APRIL 2020 15:04:21

هه‌ولێر-KDP.info-  سه‌رۆكی لیژنه‌ی پێشمه‌رگەی په‌رله‌مانی كوردستان گوتی، حكوومه‌تی هه‌رێمی كوردستان ده‌ستی به ‌جێبه‌جێكردنی یاسای چاكسازی كردووه‌ و ئه‌و یاسایەدا سوودی زۆری بۆ پێشمه‌رگه‌ ده‌بێت، چونكه‌ هه‌موو هێزه‌كانی پێشمەرگه‌ له ‌چوارچێوه‌ی یه‌ك یه‌كه‌ی ژمێریاریدا مووچه‌ وه‌رده‌گرن و هیچ كه‌سێك ناتوانێ به‌ نایاسایی مووچه‌ وه‌رگرێت و بۆ هه‌ر پێشمه‌رگه‌یه‌ك چه‌ك دروست ده‌كرێت و له‌ بانك مووچه‌ وه‌رده‌گرێت، به‌مه‌ش هه‌موو هێزی پێشمه‌رگه‌ له‌ چوارچێوه‌ی وه‌زاره‌تی پێشمه‌رگەدا‌ ده‌بێت و پاره‌ش له‌ ده‌ست ئه‌وان ده‌بێت.

 



 
© 2020 Kurdistan Democratic Party, KDP