Kurdî  ■  كوردی  ■  عربي
TUE, 2 JUN 2020 18:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سیوەیلی: سیاسەتی ئێمە زۆر روونە.. ھەڕەشەی داعش لەسەر عێراق ھەر ماوە
| KDP.info


ھەولێر-KDP.info- بەرپرسی پەیوەندییەكانی دەرەوەی پارتی رایدەگەیەنێت، دۆخی عێراق نائاساییە و پێویستی بە ھاوكاریی نێودەوڵەتی ھەیە. دەشڵێ،‌ سەرۆك بارزانی چەندین جار ھۆشداریی داوەتە حكوومەتی عێراق. ھاوكات پێشی وایە، دەبووایە دەرفەتی زیاتر بە عادل عەبدولمەھدی بدرابایە.

هۆشیار سیوەیلی، بەرپرسی پەیوەندییەكانی دەرەوەی پارتی دیموكراتی كوردستان، لە لێدوانێكدا بۆ ماڵپەڕی فەرمیی پارتی دیموكراتی كوردستان گوتی، "بەداخەوە ماوەی سێ مانگ زیاترە دۆخی عێراق نائاساییە بە تایبەت لەو كاتەوەی كە خۆپێشاندانەكان بەغدا و شارەكانی تری عێراقی گرتووەتەوە، كە كێشەكان زیاتر قووڵ بوونەوەتەوە بە ھۆی ململانێكانی نێوان ئەمەریكا و ئێران.

ھاوكات ئەو بڕیارەی پەرلەمانی عێراق بۆ دەركردنی ھێزەكانی ئەمەریكا لە عێراق، بە بڕیارێكی نادەستووری دەزانێت و پێی وایە، دۆخێكی وای دروست كردووە كە لە خزمەتی بەرژەوەندیی عێراقدا نەبێت، وەك خۆی دەڵێت،‌ لەم بارودۆخەدا عێراق پێویستی بە ھاوكاریی نێودەوڵەتی ھەیە، بە تایبەت كە ھەڕەشەی داعش لەسەر عێراق ھەر ماوە.

ئەو كێشانەی كە ئێستا لە عێراق رووویان داوە یاخود بە تایبەتی ھۆكاری ئەو خۆپێشاندانانە، بە بڕوای سیوەیلی دەگەڕێتەوە بۆ ئەوەی حكوومەتە یەك لە دوای یەكەكانی عێراق لە دوای ساڵی ٢٠٠٣ـوە نەیانتوانیوە وەكو پێویست وڵات بەڕێوە ببەن، ھەروەھا داخوازیی خۆپێشاندەرانیش ئەوەیە كە حكوومەتێكی وا دروست بكرێت كە وەڵامی داخوازییەكانی ھاووڵاتیان بداتەوە.

بۆ ئەم مەبەستەش، بەرپرسی پەیوەندییەكانی دەرەوەی پارتی رایدەگەیەنێت، كە سەرۆك بارزانی چەندین جار ئەو ھۆشدارییەی داوەتە حكوومەتی عێراق و تەنانەت كۆمەڵگای نێودەوڵەتیش، كە ئەگەر عێراق بەو شێوە بڕوات، كارەساتی گەورەی لێ دروست دەبێـت. ھاوكات كێشە و ململانێكانی لایەنە سیاسییەكانی عێراق، بە تایبەت لایەنە شیعەكان دۆخەكەی ئاڵۆزتر كردووە.

سیوەیلی باوەڕی وایە، دەستلەكاركێشانەوەی سەرۆكوەزیران كارێكی خراپ بوو، چونكە عادل عەبدولمەھدی تا رادەیەك و بەراورد بە سەرۆكوەزیرەكانی تر، تێگەیشتنێكی گشتیی بۆ كێشەكان ھەبوو، بە تایبەت پەیوەندیی نێوان ھەولێر و بەغدا بەرەو باشتر ھەنگاوی نابوو.

ناوبراو پێیشی وایە، دەبووایە دەرفەتی زیاتر بە عادل عەبدولمەھدی بدرابایە، چونكە بەو ماوە كەمەی دەسەڵاتی، نەدەتوانرا كێشەكان وا زوو چارەسەر بكات،‌ ھاوكاتیش شوێنگرتنەوەی كارێكی زەحمەتە.

پەیوەست بە سیاسەتی ھەرێمی كوردستانیش، هۆشیار سیوەیلی دەڵێ، سیاسەتی ئێمە زۆر روونە،‌ ئێمە ھەوڵ دەدەین لەو نێوەندەدا بێلایەن بین، ھاوكات سەرۆك بارزانی و سەرۆكی ھەرێمی كوردستان روونیان كردووەتەوە كە بێلایەن دەبین و بەرژەوەندییەكانی ھەرێمی كوردستان دەپارێزین، ئەگەر بۆشمان بكرێت حەز دەكەین رۆڵێكی ئەرێنی لە ھێوركردنەوەی ئەو كێشانەدا بگێڕین كە بەرۆكی عێراقیان گرتووە.

ناوبراو جەختیش دەكاتەوە، ھەوڵەكان بە یەكگرتوویی و تەبایی لە نێوان لایەنە كوردستانییەكان بەردەوامن و لە پەرلەمانی عێراق بڕیارێكی یەكگرتوومان ھەبوو له‌ هه‌رێمیش كۆبوونەوەی ھەرسێ سەرۆكایەتی و لایەنە سیاسییەكان، دەرخەری ئەوەیە كە كۆدەنگی و تەبایی لە نێو لایەنە كورستانییەكاندا ھەیە، ھەروەھا پەیوەندییەكانی ھەرێمی كوردستان لەگەڵ دەرەوە ھەمیشە بەھێز بوون و بەرپرسە باڵاكانی وڵاتان بە تایبەت ئەمەریكا، سەردانی ھەرێمی كوردستانیان كردووە، یاخود لە رێگەی تەلەفۆنەوە پەیوەندیی بەردەوامیان لەگەڵ بەرپرسانی ھەرێمدا ھەبووە.‌

 

ھەڵكەوت محەمەد  




دوایین هەواڵەکان

ڕێبوار ھادی: لەم مانگەدا ھەرێم و بەغدا ڕێککەوتنی کۆتایی ئیمزا دەکەن

TUESDAY, 02 JUNE 2020 18:06:38

بەغدا – KDP.info -  لە چەند مانگی ڕابردوودا دانوستانی ورد دەربارەی پرسی نەوت و مووچەی فەرمانبەرانی ھەرێمی کوردستان لە نێوان ھەرێمی کوردستان و بەغدا کراوە و سەرۆکی لیژنەی یاساییی پەرلەمانی عێراق ئاشکرای کرد، لەم مانگەدا ڕێککەوتنی کۆتایی دەکرێت.

 

"ئەمڕۆ فراکسیۆنی پارتی بڕیار لە پشکداریکردنی دانیشتنەکەی سبەینێی پەرلەمان دەدات"

TUESDAY, 02 JUNE 2020 17:06:15

هەولێر- KDP.info -  بڕیارە سبەی کۆبوونەوەی ئەنجومەنی نوێنەرانی عێراق بەڕێوە بچێت، گوتەبیژی فراکسیۆنی پارتی لە ئەنجومەنی نوێنەرانی عێراق دەڵێ، ئەمڕۆ فراکسیۆنەکەیان بڕیار لە پشکداریکردن دەدات.

 
وه‌زیری ناوخۆ: ئه‌و كه‌سانه‌ی بانگه‌شه‌ی ئه‌وه‌ ده‌كه‌ن كۆرۆنا نییه‌ ڕووبه‌ڕووی یاسایان ده‌كه‌ینه‌وه‌

TUESDAY, 02 JUNE 2020 17:06:52

هەولێر– KDP.info-  ڕێبه‌ر ئه‌حمه‌د، وه‌زیری ناوخۆ، له‌ كۆنگره‌یه‌كی ڕۆژنامه‌نوسیدا دوای كۆتاییهاتنی كۆبوونه‌وه‌ی وه‌زیری ناوخۆ و ته‌ندروستی و پارێزگارەکان ڕایگه‌یاند: "دوای ئه‌وه‌ی هاووڵاتییان پابه‌ند نه‌بوون به‌ ڕێكاره‌ ته‌ندروستییه‌كان و هه‌ڵكشانی ژماره‌ی تووشبووانی كۆرۆنا له‌ قه‌زای پێنجوێن و پارێزگای سلێمانی، بڕیاری قه‌ده‌غه‌ی هاتوچۆمان ده‌ركرد و، ئه‌مڕۆ له‌ كۆبوونه‌وه‌مان له‌گه‌ڵ وه‌زیری ته‌ندروستی و پارێزگاره‌كان بڕیار درا پێداچوونه‌وه‌ به ‌به‌یانی ژمارە 28دا بكه‌ین و ده‌سه‌ڵات بده‌ینه‌ پارێزگاره‌كان و سه‌رۆكی یه‌كه‌ ئیدارییه‌كان كارئاسانی بكه‌ن، به‌ڵام ڕێكاری توندی خۆپارێزی پێڕه‌و بكرێت، هه‌ركه‌س سه‌رپێچی بكات سزای توند بدرێت.''

 
سه‌رۆكى هه‌رێمى كوردستان و باڵیۆزى ئه‌مه‌ریكا دۆخى عێراق تاوتوێ ده‌كه‌ن

TUESDAY, 02 JUNE 2020 16:06:19

ھەولێر-KDP.info- نیوه‌ڕۆى ئه‌مڕۆ سێشه‌ممه‌ 2/6/2020 به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ماتیو توله‌ر باڵیۆزى ئه‌مه‌ریكا له‌ عێراق كرد.

سەرۆک بارزانی پێشوازی لە باڵیۆزی ئەمەریکا لە عێراق دەکات

TUESDAY, 02 JUNE 2020 16:06:44

ھەولێر-KDP.info- ئەمڕۆ سێشەممە ٢ـی ٦ـی ٢٠٢٠ سەرۆك مەسعود بارزانی لە بارەگای خۆی لە سەڵاحەددین پێشوازی لە بەڕێز ماتیۆ تولەر باڵیۆزی ولایەتە یەکگرتووەکانی ئەمەریکا لە بەغدا کرد.



 
© 2020 Kurdistan Democratic Party, KDP