Kurdî  ■  كوردی  ■  عربي
SAT, 30 MAY 2020 09:01 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

گرانبوونی هێلكە و مریشك پەیوەندی بە بارگرژییەكانه‌وه‌ نییە
| KDP.info


هەولێر-KP.info- ماوەیەكە نرخی هێلكە و مریشك لە بازاڕەكانی كوردستان و عێراق بەرز بووەتەوە، خەڵكیش وای لێكدەدەنەوە كە پەیوەندی بە بارگرژییەكانی ناوچەكەوە هەبێ، بەڵام بەڕێوەبەری گشتیی بازرگانیی هەرێم دەڵێت، گرانبوونی نرخی هێلكە و مریشك، پەیوەندی بە بڕیارێكی ئەنجوومەنی وەزیرانی عێراق و وەزارەتی كشتوكاڵی عێراقەوە هەیە نەك بارگرژییەكانی ناوچه‌كه‌.

نەوزاد ئەدهەم، بەڕێوەبەری گشتیی بازرگانیی هەرێم، بە ماڵپەڕی فەرمیی پارتی دیموكراتی كوردستانی ڕاگەیاند: "گرانبوونی مریشك و هێلكە لە هەرێمی كوردستان، پەیوەندی بە كێشە و بارگرژییەكانی نێوان ئێران و ئەمەریكا نییە لە نێو خاكی عێراق، بەڵكو هۆكارەكە كەمیی هاتنی مریشك و هەروەها كەمیی بەرهەم و زۆریی داواكارییەكان لە نێو بازاڕەكانی هەرێمی كوردستانە، بۆیە بە هۆكاری تەندروستی و بوونی پەتا و ئەنفلۆنزا لە كوردستان، زۆربەی ئەم كێڵگە پەلەوەریانەی مریشك بەرهەم دەهێنن، ئیستا داخراون و مریشكی زیندوو بەرهەم ناهێنن، تەنیا چەند دەواجینێك نەبێت كە مەرجەكانی تەندروستییان تەواو و دروستە، بۆیە هەركات لە بازاڕدا مریشك كەم بوو، نرخی زیاد دەكات".

ئەدهەم گوتیشی: "گرانبوونی هێلكە و مریشكی بەستوو بەپێی بڕیارێكی ئەنجوومەنی وەزیرانی عێراق و وەزارەتی كشتوكاڵی عێراقەوە هەیە، چونكە مریشكی بەستوو ڕاگیراوە و هاوردەی عێراق و هەرێمی كوردستان ناكرێت، كە زیاتر داواكارن لەوانەی خاوەنی دەواجینەكانن بەرهەمی خۆماڵی و ناخۆ زیاتر بكەن و لە دەرەوە هاوردە نەكرێت، چونكە بەپێی لێكۆڵینەوەی وەزارەتی كشتوكاڵی هەرێم و عێراق، بەرهەمی ناوخۆ بەسە و پێویست بە هاوردەكردنی ناكات، كە لە دەرەوەش نەهات، وادەكات نرخ بەرز ببێتەوە، ڕونیشی كردەوە: "‌هاووڵاتیانی كوردستان زیاتر ڕوویان لە هێلكەی توركییە، هەر ئەوەش وای كردووە كە لەسەر سنوورەكان و ئەو مەرزانەی نافەرمین، هێلكە و مریشكی بەسەرچوو لە بازاڕەكانی كوردستان ساغ بكەنەوە، چونكە هێلكە ڕێكەوتی مانگێكی هەیە و دواتر بەسەر دەچێت، بۆیە تاوەكوو لە توركیاوە دەچێتە ئێران و دواتر بۆ عێراق و تا دەگاتە كوردستان، بەسەر دەچێت چونكە لە مانگێك زیاتری پێدەچێت، كەچی بە نایاسایی ساغی دەكەنەوە، بەڵام ئیستا ئەم حاڵەتە كۆنـتڕۆڵ كراوە، بۆیە هێلكە نرخی گران بووە و كەمیش بووە، ئەوەش هۆكارەكەیە كە حكوومەتی عێراق هاوردەكردنی ڕاگرتووە‌."

 

فایزە كۆیی




دوایین هەواڵەکان

پەیامێک لە سەرۆکی حکومەتی هەرێمی کوردستانەوە

FRIDAY, 29 MAY 2020 11:05:40

هەولێر-KDP.info- مەسروور بارزانی سەرۆکی حکومەتی هەرێمی کوردستان لە بارەی مەترسیی تەشەنەکردنی زیاتری پەتای کۆرۆنا پەیامێکی بڵاوكردەوە، ئەمەی خوارەوە دەقی پەیامەكەیە:

 
نێچیرڤان بارزانی سه‌ره‌خۆشی له‌ فه‌رهاد عه‌ونی و ساسان عه‌ونی ده‌کات

THURSDAY, 28 MAY 2020 19:05:00

جه‌نابی سه‌رۆک نێچیرڤان بارزانی له‌ په‌یوه‌ندییه‌کی ته‌له‌فۆنیدا پرسه‌ و سه‌ره‌خۆشی له‌ ڕۆژنامه‌نووس و نووسه‌ری دیار به‌ڕێز فه‌رهاد عه‌ونی و وه‌زیری شاره‌وانی به‌ڕێز ساسان عه‌ونی کرد بۆ کۆچی دواییی خوالێخۆشبووی برایان. 

وەزیری کارەبا: دوو حەفتەی دی، وێستگەی کارەبای خەبات تەواو دەکرێ

THURSDAY, 28 MAY 2020 16:05:23

هەولێر-KDP.info- وەزیری کارەبای حکوومەتی هەرێمی کوردستان ڕایگەیاند، تا ئیستا توانیویانە زیاتر لە ٢٠ سەعات کارەبا بە هاووڵاتییان بدەن و دۆخی کارەباش تا ئێستا جێگیرە.

 

فرسەت سۆفی: رێگەنادەین لەژێر هیچ ناونیشانێک ئارامیی هەولێر تێکبدرێت

THURSDAY, 28 MAY 2020 13:05:09

هەولێر-KDP.info- پارێزگاری هەولێر رایدەگەیێنێت، هەولێر ناوەندێکی سیاسی، ئابووری و بازرگانیی گەورەیە لە عێراق و ناوچەکە، "رێگەش نادەین هیچ کەسێک لەژێر هیچ ناونیشانێک سەقامگیریی ئەم شارە تێکبدات". 

 
دەستەی گشتی گەشتوگوزار ڕوونكردنه‌وه‌یه‌كی بڵاوكرده‌وه‌

THURSDAY, 28 MAY 2020 11:05:43

هەولێر-KDP.info- له‌ روونکردنەوەیەکدا دەستەی گشتی گەشتوگوزاری هه‌رێمی كوردستان له‌ باره‌ی  داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان ڕایگه‌یاند: داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان لە دەسەڵاتی دەستەی گشتی گەشتوگوزار نەبووە و نییە.



 
© 2020 Kurdistan Democratic Party, KDP