Kurdî  ■  كوردی  ■  عربي
FRI, 24 JAN 2020 12:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەمڕۆ نرخی غاز ئاسایی دەبێتەوە
| KDP.info


هەولێر-KDP.info- بەڕێوەبەری كارگەی غازی هەولێر گوتی، بە هۆی گۆڕانكاری لە كۆمپانیای دابینكردنی غاز، هەندێك گرفتی كەمی غاز دروست ببوو، بەڵام لە ئێستادا كێشەكە چارە كراوە و ئەمڕۆ نرخی غاز ئاسایی دەبێتەوە.

بەختیار عەبدوڵڵا، بۆ ماڵپەڕی فەرمیی پارتی دیموكراتی كوردستان رایگەیاند: "هەموو ساڵێك لە كۆتایی ساڵدا كۆمپانیای دانەغاز گرێبەستی نوێ دەكاتەوە و پێش كۆتایی ساڵ غاز بە ئێمە دەفرۆشێت، ئەمساڵیش پێش كۆتایی ساڵ گرێبەستەكە تازە كرایەوە و درا بە كۆمپانیایەكی دیكە، بەڵام تاوەكو ئێستا دەوروتەسلیم نەكراوە، بۆیە ئەو بەشەی ئێمە پێویستمانە، بە دەستمان ناگات، هەر بۆیە وەزارەتی سامانە سرووشتییەكان سەرقاڵی چارەكردنی ئەو گرفتەن".

عەبدوڵڵا گوتیشی: "بە هۆی ئەو گرفتەوە، نرخی غاز هەندێك گران بوو، چونكە لە سلێمانی بە نرخێكی گرانتر و رێژەیەكی كەمتر دەدرایە كارگە ئەهلییەكان، بۆیە داوامان لێ كردن لە سەرچاوەی دیكە پەیدای بكەن لە دەرەوەی وڵات، بۆیە توانرا كێشەكە چارەسەر بكرێت و ئەمڕۆ نرخی غاز ئاسایی دەبێتەوە".

ناوبراو باسی لەوەش كرد: "كارگەی غاز لە سلێمانی هەم غازی كەم بە ئێمە دەدا و هەمیش بە گرانی دەیداینێ، بۆیە پێویستە بازاڕ قۆرغ نەكرێت و ناكرێت بەو شێوەیە بێت و دەبێ چاودێری بكرێن، چونكە شتێك نییە بە ناوی غازی بازرگانییەوە و هەر كەسێك غاز بە گرانی بفرۆشێت، رێگریی لێ دەكرێت".

دەشڵێ، ئەوەی جێگەی دەستخۆشی و خۆشحاڵییە، ئەمڕۆ كێشەكە چارەسەر بووە، چونكە هیچ سكاڵایەكمان بە دەست نەگەیشتووە وەكو رۆژانی ڕابردوو.

 

بڵند ئیبراهیم   




دوایین هەواڵەکان

سه‌رۆكى هه‌رێمى كوردستان له‌گه‌ڵ وه‌زیرى ده‌ره‌وه‌ى عومان كۆبووه‌وه‌

THURSDAY, 23 JANUARY 2020 19:01:25

داڤۆس-KDP.info-  سه‌رۆك نێچیرڤان بارزانى پرسه‌ و سه‌ره‌خۆشیى خۆى بۆ گه‌ل و حكوومه‌تى عو‌مان دووپات كرده‌وه‌ به‌ له‌ده‌ستدانى خوالێخۆشبوو سوڵتان قابووس بن سه‌عید سوڵتانى پێشووى عومان، هه‌روه‌ها پیرۆزباییى ده‌ستبه‌كاربوونى له‌ سوڵتانى تازه‌ خاوه‌نشكۆ هه‌یسه‌م بن تارق ئال سه‌عید كرد و خواستى هه‌رێمى كوردستانى بۆ په‌ره‌پێدانى په‌یوه‌ندییه‌كانى له‌گه‌ڵ عومان ده‌ربڕى.

سەرۆك بارزانی پێشوازی لە وەزیری وەرزش و لاوانی عێراق دەكات

THURSDAY, 23 JANUARY 2020 18:01:38

هەولێر-KDP.info-  ڕۆژی پێنجشەممە 23ـی 1ـی 2020 سەرۆك مەسعود بارزانی پێشوازی لە د. ئەحمەد ریاز تالب وەزیری وەرزش و لاوانی عێراق كرد.

نێچیرڤان بارزانی: سەرهەڵدانەوەی داعش جیدییە و عێراق پێویستی بە ئەمریکایە

THURSDAY, 23 JANUARY 2020 17:01:38

هەولێر-KDP.info-  سەرۆکی هەرێمی کوردستان لە پانێڵێک لە داڤۆس لەبارەی ئاڵۆزی و پشێوییە بەردەوامەکانی رۆژهەڵاتی ناوەڕاست و عێراق قسەیکرد و باسی لە گرژییەکانی عێراق، دۆخی خۆپیشاندانەکان و کاریگەرییەکانی لەسەر هەرێمی کوردستان کرد. نێچیرڤان بارزانی، سەرۆکی هەرێمی کوردستان لە پانێڵەکەدا لە وەڵامی پرسیاری ئایا دەکرێت هەرێمی کوردستان خۆی بەدوور بگرێت لە ئەو دۆخەی لە عێراق هەیە و خۆی جیا بکاتەوە؟ ئاماژەی بەوە کرد، رووداوەکانی عێراق کاریگەرییان لەسەر هەرێمی کوردستان هەیە، هەرێمی کوردستان ناتوانێت خۆی لە عێراق جیابکاتەوە.

"حکوومەت ئامادەکاری بۆ وەرگرتنەوەی پڕۆژەکانی وەبەرھێنان دەکات "

THURSDAY, 23 JANUARY 2020 15:01:31

هەولێر-KDP.info- لە ھەرێمی کوردستان خزمەتگوزاریی نێو پڕۆژەکانی وەبەرھێنان لەلایەن وەبەرھێنەرەوە پێشکەش بە دانیشتووانی نێو یەکەکان دەکرێت و مانگانە پارەیەکی زۆر لە بەرانبەر خزمەتگوزارییەکانی وەک کارەبا و ئاو و فڕێدانی زبڵ و سیکیۆرێتی لە ھاووڵاتیان وەردەگیرێت.

 

لێدوانێک لە گوته‌بێژی حكومه‌تی هەرێمی کوردستانەوە‌

THURSDAY, 23 JANUARY 2020 14:01:33

هەولێر-KDP.info-  ئێوارەی رۆژی هه‌ینی 2020/1/24 کاتژمێر 8:45 ، تەرمی پێنج لە قوربانیانی  بەلەمی نوقومبووی  دەریای ئیجە بە ناوەکانی (رێبین عەباس محەمەد، رەوەند مستەفا، رێبین محەمەد، سیڤەر ستار و یوسف بابەکر) لەسەر ئەرکی حکومەتی هەرێمی کوردستان دەگاتەوە فڕۆکەخانە نێودەوڵەتیی سلێمانی.



 
© 2020 Kurdistan Democratic Party, KDP