Kurdî  ■  كوردی  ■  عربي
THU, 23 JAN 2020 10:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فارس عیسا: شاندێكی حكوومەتی هەرێم سەردانی بەغدا دەكاتەوە
| KDP.info


هەولێر -KDP.info- دوای ڕێككەوتنی ھەولێر و بەغدا لەسەر پرسی بودجە و نەوت، بڕیارە پاش گەیشتنی پڕۆژەیاسای بودجە لە حكوومەتەوە بۆ ئەنجومەنی نوێنەران، شاندێكی حكوومەتی ھەرێم سەردانی كوتلە سیاسییەكانی نێو ئەنجومەنی نوێنەرانی عێراق بكەن، سەرۆكی نوێنەرایەتیی حكوومەتی ھەرێمیش لە بەغدا جەخت دەكاتەوە، كە ھەوڵەكانیان بۆ ئەوەیە ڕێككەوتنەكە وەك خۆی جێبەجێ بكرێت.

فارس عیسا، سەرۆكی نوێنەرایەتیی حكوومەتی ھەرێم لە بەغدا، بە ماڵپەڕی فەرمیی پارتی دیموكراتی كوردستانی ڕایگەیاند: "ڕێككەوتن لە نێوان ھەردوو حكوومەتی ھەرێم و بەغدا لەبارەی بودجە و نەوتەوە كراوە و بڕیار بوو ھەفتەی ڕابردوو پڕۆژەبودجەی ساڵی ٢٠٢٠ی عێراق ڕەوانەی ئەنجومەنی نوێنەران بكرایە، بۆیە ئێمە لای خۆمانەوە چاوەڕێین تاوەكو ئەو پڕۆژەیاسایە بگاتە پەرلەمان و ھەوڵەكانیشمان بۆ ئەوەیە لە پەرلەمانی عێراق وەك خۆی پەسەند بكرێت."

عیسا گوتیشی: "بە گەیشتنی پڕۆژەیاساكەش بۆ ئەنجومەنی نوێنەران، شاندێكی حكوومەتی ھەرێمی كوردستان سەردانی بەغدا دەكات و لەگەڵ كوتلە سیاسییەكانی نێو ئەنجومەن كۆ دەبێتەوە، شاندەكەش بە ھاوكاریی ئەندامانی ئەنجومەنی نوێنەرانی عێراقە، كە ئەو شاندە سیاسییە لە ھەموو كوتلە كوردییەكانی نێو پەرلەمانی عێراق پێک دێت."

جەختیش دەكاتەوە، ڕێككەوتنەكەی نێوان ھەرێم و بەغدا پەیوەست بە بودجە و نەوت، وەك خۆی جێبەجێ دەكرێت.


ھەڵكەوت محەمەد




دوایین هەواڵەکان

"تۆمارکردنی کۆمپانیا ٢٠% زیادی کردووە"

THURSDAY, 23 JANUARY 2020 10:01:47

هەولێر-KDP.info- بەھۆی گەشەکردنی کەرتی ئابووری ھەرێمی کوردستان و ھەبوونی سەقامگیری، رێژەی تۆمارکردنی کۆمپانیاکان بەشێوەیەکی بەرچاو زیادی کردووە، گوتەبێژی وەزارەتی پیشەسازی و بازرگانیش دەڵێ، رۆژ بە رۆژ داواکاری تۆمارکردنی کۆمپانیا زیاتر پێشکەشی وەزارەت دەکرێت.

 
شاندی دانوستانی هه‌رێم له‌باره‌ی رێككه‌وتن له‌گه‌ڵ به‌غدا روونكردنه‌وه‌ ده‌داته‌ په‌رله‌مان

THURSDAY, 23 JANUARY 2020 10:01:51

هه‌ولێر-KDP.info- ئه‌ندامێكی لیژنه‌ی یاسایی ‌په‌رله‌مانی كوردستان دەڵێ، ئه‌مڕۆ په‌رله‌مان كۆده‌بیته‌وه‌ و تێیدا شاندی دانوستانی هه‌رێم له‌باره‌ی رێككه‌وتن له‌گه‌ڵ به‌غدا روونكردنه‌وه‌ ده‌داته‌ په‌رله‌مان.

 
شوان محه‌مه‌د ته‌ها: هەتا حكوومه‌تی نوێ درووست نه‌بێت، خۆپیشاندانه‌كان به‌رده‌وام ده‌بن

THURSDAY, 23 JANUARY 2020 10:01:02

به‌غدا-KDP.info- به‌رپرسی لقی پێنجی پارتی دیموكراتی كوردستان له‌ به‌غدا دەڵێ، هەتا حكوومه‌تی نوێ درووست نه‌بێت، خۆپیشاندانه‌كان به‌رده‌وام ده‌بن، ئه‌گه‌ر حكوومه‌تی نوێش درووست بێت، پێویسته‌ سه‌رۆكوه‌زیران ده‌سته‌ڵاتی ته‌واوی هه‌بێت و، داواكاری خۆپیشانده‌ران جێبه‌جێ بكات و، قه‌ناعه‌تیان پێبكات، چونكه‌ له‌ئێستادا جگه‌ له‌ داواكاری، پرسی كوژرانی خۆپیشانده‌رانیش هاتۆته‌ ئاراوه.

 
سەرۆك بارزانی پێشوازی لە پارێزگاری موسەننا و شاندێكی یاوەری دەكات

WEDNESDAY, 22 JANUARY 2020 17:01:49

هەولێر-KDP.info-  ڕۆژی چوارشەممە 22ـی 1ـی 2020 لە سەلاحەددین سەرۆك مەسعود بارزانی پێشوازی لە ئەحمەد مەنفی جەودە پارێزگاری موسەننا و شاندێكی یاوەری كرد.

سه‌رۆكى هه‌رێمى كوردستان له‌گه‌ڵ سه‌رۆكى ڕێكخراوى جایكا كۆبوه‌وه‌

WEDNESDAY, 22 JANUARY 2020 17:01:49

هەولێر-KDP.info- سه‌رۆكى هه‌رێمى كوردستان نیچیرڤان بارزانى له‌ كۆبوونه‌وه‌یه‌كدا له‌گه‌ڵ به‌ڕێز شینیچى كیتائۆكا سه‌رۆكى ئاژانسى جایكاى ژاپۆنى، سوپاس و پێزانینى هه‌رێمى كوردستانى بۆ كار و پرۆژه‌كانى ڕێكخراوه‌كه‌ ده‌ربڕى كه‌ بۆ ماوه‌ى چه‌ندین ساڵ خزمه‌تیان به‌ هه‌رێمى كوردستان كردووه‌ و جێپه‌نجه‌یان به‌ پرۆسه‌ى ئاوه‌دانكردنه‌وه‌ى هه‌رێمى كوردستانه‌وه‌ دیاره‌.



 
© 2020 Kurdistan Democratic Party, KDP