Kurdî  ■  كوردی  ■  عربي
MON, 9 DEC 2019 02:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دھۆك.. ١٠%ی پڕۆژەی پێوەری زیرەك جێبەجێ كراوە
| KDP.info


دهۆك-KDP.info- بڕیارە لە ماوەی ھەژدە مانگدا پڕۆژەی پێوەری زیرەك لە سەرتاسەری ھەرێمی كوردستان جێبەجێ بكرێت، لە سنووری پارێزگای دھۆكیش پڕۆسەی دانانی پێوەری زیرەك بۆ كۆنتڕۆڵكردنی كارەبا بەردەوامە.

عەبدولكەریم چەمانكی، ئەندامی ئەنجوومەنی پارێزگای دھۆك، بە ماڵپەڕی فەرمیی پارتی دیموكراتی كوردستانی راگەیاند: "لە سنووری پارێزگای دھۆك پڕۆسەی بەستنی پێوەری زیرەك دەستی پێكردووە و نزیكەی ١٠%ی كارەبای دھۆك بە سیستەمی زیرەك بەستراوەتەوە، بەڵام ھێشتا پڕۆژەكە لە قۆناغی سەرەتاییدایە و بڕیارە ھەموو پارێزگای دھۆك بگرێتەوە، ئەویش بۆ كۆنتڕۆڵكردنی كارەبای نیشتیمانییە".

ئەندامەكەی ئەنجوومەنی پارێزگای دھۆك دەشڵێت: "ئێمە وەك ئەنجوومەن چاودێریی كارەكانی حكوومەت دەكەین لە دھۆك و جێبەجێكردنی پڕۆژەی پێوەری زیرەكیش، كاریگەریی خۆی دەبێت لەسەر رەوشی كارەبا، بە تایبەتی ئەوانەی كارەبایان بە زێدەڕۆ راكێشاوە، رێگرییان لێ دەكرێت".

پەیوەست بە سەرپێچییەكانیش، چەمانكی روونی كردەوە: "بێگومان لە دھۆكیش ھاوشێوەی ناوچەكانی ھەرێمی كوردستان خەڵكێك زێدەڕۆیی كردووەتە سەر كارەبای نیشتیمانی، بەڵام ھیچ ئامارێكی دروستمان نییە چەند كەس سەرپێچییان كردووە و لەلایەن تیمەكانی كارەباشەوە رێكاری یاسایی بەرامبەر سەرپێچیكاران دەگیرێتە بەر".

 

قائید میرۆ

 




دوایین هەواڵەکان

بە نوێنەرایەتی سەرۆک بارزانی هێمن هەورامی بەشداری لە ڕۆژی نیشتیمانی ڕۆمانیا کرد

SUNDAY, 08 DECEMBER 2019 23:12:21

هەولێر -KDP.info- ئێوارەی ئەمڕۆ ۸/۱۲/۲۰۱۹  لە شاری هەولێر، بە نوێنەرایەتی جەنابی سەرۆک مسعود بارزانی، هێمن هەورامی بەشداری لە مەراسیمی ڕۆژی نیشتیمانی ڕۆمانیا کرد.

 
فارس عیسا: شاندێكی حكوومەتی هەرێم سەردانی بەغدا دەكاتەوە

SUNDAY, 08 DECEMBER 2019 15:12:09

هەولێر -KDP.info- دوای ڕێككەوتنی ھەولێر و بەغدا لەسەر پرسی بودجە و نەوت، بڕیارە پاش گەیشتنی پڕۆژەیاسای بودجە لە حكوومەتەوە بۆ ئەنجومەنی نوێنەران، شاندێكی حكوومەتی ھەرێم سەردانی كوتلە سیاسییەكانی نێو ئەنجومەنی نوێنەرانی عێراق بكەن، سەرۆكی نوێنەرایەتیی حكوومەتی ھەرێمیش لە بەغدا جەخت دەكاتەوە، كە ھەوڵەكانیان بۆ ئەوەیە ڕێككەوتنەكە وەك خۆی جێبەجێ بكرێت.

 

هاونیشتمانیان: حكوومەت ھەنگاوی كرداریی بۆ چاكسازی و نەھێشتنی رۆتین ناوە

SUNDAY, 08 DECEMBER 2019 13:12:24

هەولێر-KDP.info- ئێوارەی دوێنێ، مەسروور بارزانی، سەرۆكوەزیرانی ھەرێمی كوردستان، گوتارێكی بە بۆنەی ١٠٠ رۆژی دەستبەكاربوونی كابینەی حكوومەت پێكەش كرد و، تێیدا جەختی لە بەرەوپێشبردنی ھەرێمی كوردستان لە ھەموو بوارەكاندا كردەوە و گوتیشی: "ئەوەی ھەیە، بەپێی خواستی ئێمە نییە و پێویستە كاری زیاتری بۆ بكەین". هاونیشتمانیانیش بە ئومێدەوە دەڕواننە ھەنگاوەكانی حكوومەت بۆ چاكسازی و باشتركردنی ژیان و گوزەرانیان.

 

"ئەوانەی رووبەری خانووی زێدەڕۆیان كەمە، بە سوودمەند ھەژمار ناكرێن"

SUNDAY, 08 DECEMBER 2019 12:12:24

هەولێر-KDP.info- هەفتەی رابردوو و دوای گه‌ڕاندنه‌وه‌ى لەلایەن سەرۆكی ھەرێمی كوردستانەوە، پەرلەمانی كوردستان جارێكی دیكە یاسای تاپۆكردنی خانووی زێدەڕۆی پەسەند كرد، ئەندامێكی لیژنەی شارەوانییەكانیش دەڵێ، لە كاتی تاپۆكردنی خانووی زێدەڕۆدا، ئەگەر رووبەرەكەی زۆر زیاد نەبێت، خاوەنەكەی بە سوودمەند ھەژمار ناكرێت.

 
عەلی خەلیل بۆ KDP: داعش لەناو مووسڵ سەرقاڵی خۆڕێكخستنەوەیە

SUNDAY, 08 DECEMBER 2019 11:12:52

مووسڵ-KDP.info- دوای ئەوەی لە سنووری خانەقین و كەركووك داعش دەستی بە جموجۆڵ و كردەوەی تیرۆریستی كرد، ئێستا بە شێوەیەكی بەرچاو سەری هەڵداوەتەوە و جووڵەیان زیادی كردووە، بەرپرسی لقی 14ی پارتیش دەڵێ، لە مووسڵیش بە هەمان شێوە داعش سەرقاڵی خۆڕێكخستنەوەیە. دەشڵێ: "خەڵك داوا دەكەن پێشمەرگە بگەڕێتەوە ناوچەكە".

 


 
© 2018 Kurdistan Democratic Party, KDP