Kurdî  ■  كوردی  ■  عربي
WED, 15 JUL 2020 04:12 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ماڵپەڕی KDP وادەی هەمواركردنەوەی یاسای خانەنشینیی رۆژنامەنووسان ئاشكرا دەكات
| KDP.info


هەولێر-KDP.info- نەقیبی سەندیكای رۆژنامەنووسانی هەرێمی كوردستان دەڵێ، ساڵی نوێ یاسای خانەنشینی دەنێرنە پەرلەمان بە مەبەستی هەمواكردنەوەی، بەو پێیەی یاساكە لەگەڵ ئێستادا ناگونجێ. هاوكات جەختیش دەكاتەوە، ئەگەر یاساكە هەموار نەكرێتەوە، ئەوا رێگەی دیكەیان لە بەرژەوەندیی رۆژنامەنووسان لە بەردەمدایە.

حاكم ئازاد، لە لێدوانێكیدا بۆ ماڵپەڕی فەرمیی پارتی دیموكراتی كوردستان، رایگەیاند، كە یاسای خانەنیشینییان ساڵانێكە هەیە و ئەو یاسایەش كاتێك نووسراوە، كە پارەی عێراق كۆنەكە بووە، نەك ئەمەی ئێستا، بۆیەشە پێویستی بە دەستكاریی پارەكە و سندووقەكەیشی هەیە.

ناوبراو تیشكی خستە سەر چۆنیەتیی بەرنامەی سەندیكاكەیان و گفتوگۆیان لەگەڵ لیژنەی یاسایی پەرلەمان، بەو پێیەی داوا دەكەن، یاساكە هەموار بكرێتەوە و لەگەڵ بارودۆخی ئێستای هەرێم بگونجێت، یانیش رۆژانامەنووسان وەك فەرمانبەرانی حكوومەت خانەنشین بكرێن، كە مەلەفیان لە خانەنشینانی فەرمانبەرانی حكوومەتی هەرێم  بێ و سندووقیان لە سەندیكا، وەك ئەوەی لە عێراقدا سەندیكای رۆژنامەنووسانی عێراق و حكوومەتی عێراق، بەو شێوە رۆژنامەنووسانیان خانەنشین كردووە.

نەقیبی سەندیكای رۆژنامەنووسانی هەرێمی كوردستان، ئاماژەی بەوەش دا، كە لە خولی پێشووی پەرلەمانی هەرێمی كوردستان، بە هۆی بوونی قەیرانی داراییەوە، نەیانتوانیوە یاساكە بە مەبەستی هەمواركردنەوەی بنێرنەوە پەرلەمانی كوردستان، بەڵام لە ئێستادا و دوای نەمانی قەیران، لەگەڵ ئەم خولەی پەرلەمان و لیژنەی یاسایی، لەوبارەوە گفتوگۆیان كردووە و لە سەرەتای ساڵی داهاتووەوە، لەگەڵ لیژنەی یاسایی پەرلەمان گفتوگۆ دەكەنەوە و یاساكەش بۆ پەرلەمان دەنێرنەوە.

هەوڵەكانیشیان ئەوە دەبێ، كە كەمترین مووچەی خانەنشینیی رۆژنامەنووسانیش لە چوارسەد هەزار دینار كەمتر نەبێ، یاساكەش ئەو رۆژنامەنووسانە دەگرێتەوە، كە فەرمانبەری حكوومی نین و ئەندامی كارای سەندیكای رۆژنامەنووسانی هەرێمی كوردستانن.

 

خێڵان بەختیار

 

 




دوایین هەواڵەکان

"ئەنجومەنی شارەوانییەکان پێک دێن"

TUESDAY, 14 JULY 2020 17:07:43

هەولێر -KDP.info-‌  وەزارەتی شارەوانیی ئەنجومەنی شارەوانییەکان سەرلەنوێ پێک دێنێتەوە و وەزیری شارەوانی و گەشتوگوزاریش دەڵێ، بڕیاری پێکھێنانی ئەنجومەنی شارەوانییەکان لەلایەن ئەنجومەنی وەزیرانەوە دەرکراوە.

 
عێراق ٦٢ ساڵی خۆیناوی.. ١٤ی تەممووز شۆڕش یان کۆدەتا؟

TUESDAY, 14 JULY 2020 17:07:31

عێراق - KDP.info - ڕەگ و ڕیشەی مێژووی عێراق پڕە لە کۆدەتا و شۆڕش و هاتنی دەسەڵاتدارە یەک لەدوای یەکەکان و سیستمێکی دەسەڵاتی سیاسی بۆ عێراقییەکان نەبووەتە مایەی خۆشی و شانازی بەو سیستمە بکەن.

 

حكوومەتی ھەرێم ٥٠٠ ملیۆن دینار قەرزی لە بازرگانان وەرگرتووەتەوە

TUESDAY, 14 JULY 2020 15:07:29

ھەولێر-KDP.info- سكرتێری لیژنەی باڵای جێبەجێكردنی یاسای چاكسازی لە ئەنجومەنی وەزیران گوتی، دوای بڕیاری حكوومەت بۆ وەرگرتنەوەی قەرز لە بازرگانان، تا ئێستا ٥٠٠ ملیۆن دینار لە بازرگانان وەرگیراوەتەوە و بەردەوامیش دەبن تا ھەمووی وەردەگرنەوە.

 

بەڕێوەبەری گشتیی باجی ھەرێم: ئەو خاوەن مڵکانەی لە کاتی کەرەنتینەدا باجیان لە کرێچی وەرگرتووە لە وەرگرتنی باج لێیان خۆش نابین

TUESDAY, 14 JULY 2020 15:07:09

ھەولێر-KDP.info- بەڕێوەبەری گشتیی باجی ھەرێمی کوردستان گوتی، حکوومەتی ھەرێمی کوردستان بڕیاری داوە ئەو دوو مانگەی کەرەنتینە ھەبوو لەو دوو مانگە باج لە خاوەنمڵکەکان وەرنەگرێت بە مەرجێک ئەوانیش کرێیان لە کرێچییەکان وەرنەگرتبێت.

 

کونسوڵ: ئەم پڕۆژەیە خاڵی وەرچەرخانە لە پەیوەندیی نێوان كۆریای باشوور و هەرێمی كوردستان

TUESDAY, 14 JULY 2020 13:07:41

هەولێر-KDP.info- کونسوڵی گشتیی کۆریای باشوور رایدەگەیەنێت، پرۆژەکانی وڵاتەکەی لە هەرێمی کوردستان بەردەوام دەبێت و پەرەیان پێدەدرێت.

 


 
© 2020 Kurdistan Democratic Party, KDP

Contact