Kurdî  ■  كوردی  ■  عربي
SUN, 23 FEB 2020 14:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"هەموو لایەنەكان كۆدەنگن کە هەرێمی كوردستان ببێتە خاوەنی دەستووری خۆی"
| KDP.info


هەولێر-KDP.info- ئەندامێكی لیژنەی یاساییی پەرلەمانی كوردستان ڕایگەیاند، هەموو لایەنەكان كۆدەنگن کە هەرێمی كوردستان ببێتە خاوەنی دەستووری خۆی، چونكە دەستوور چەترێكە بۆ هەمووان و زۆربەی كێشەكانی هەرێمی كوردستان چارە دەكات.

خەدیجە عومەر، ئەندامی لیژنەی یاساییی پەرلەمانی كوردستان بۆ ماڵپەڕی فەرمیی پارتی دیموكراتی كوردستانی دیار كرد: "سەرۆكایەتیی پەرلەمان سەردانی هەموو لایەنەكانی كردووە بۆ ئەوەی ڕا و بۆچوونی ئەوان وەربگرێت و لێكتێگەیشتنێك لە نێوان پەرلەمان و لایەنەكان دروست بێت بۆ نووسینەوەی دەستوور، دەبێ لیژنەیەك دروست بكرێت، كە لە خولی پێشووش هەبوو، بەڵام لەو خولەدا هیچ بڕیارێك نەدراوە كە هەر لیژنەی پێشوو دەبێت، یان لیژنەیەكی نوێ دروست دەكرێت، هەموو لایەنەكان كۆدەنگن كە هەرێمی كوردستان ببێتە خاوەنی دەستووری خۆی، وەكو فراكسیۆنی پارتی تەئكید لەسەر ئەو بابەتە دەكەینەوە و پشتگیریشی لێ دەكەین، هەموو هەوڵێكیش دەدەین بۆ نووسینەوەی دەستوور، بۆ ئەوەی هەرێمی كوردستان ببێتە خاوەنی دەستووری خۆی، هەتا سەرۆك بارزانی داوای كردووە كە پێویستە لەم خولەی پەرلەماندا كوردستان ببێتە خاوەنی دەستووری خۆی."

خەدیجە عومەر، ئەوەیشی گوت: "زۆر گرنگە هەرێمی كوردستان ببێتە خاوەنی دەستووری خۆی، چونكە دەستوور چەترێكە بۆ هەمووان، بۆ پاراستنی قەوارەی هەرێمی كوردستان، دەستوور ڕەنگدانەوەی بیروبۆچوونی هەموو لایەنەكان دەبێت، باسی ماف و ئازادیی هەموو كەسێك دەكات، باسی سیستەمی سیاسی دەكات، ئەگەر ئێستا كێشەمان لەسەر یاسایەك هەبێت چەندین بیروبۆچوونی جیاواز دەبێت، بەڵام ئەگەر دەستوورمان هەبێت، ئەگەر ناكۆكییش هەبێت، دەگەڕێینەوە بۆ دەستوور و ئەو حوكم دەكات و دەستوور دەبێتە ناسنامە بۆ كوردستان و زۆربەی كێشەكانی هەرێمی كوردستان چارە دەكات".

ڕابین شێروانی

 




دوایین هەواڵەکان

دانیشتنی سبه‌ی پەرلەمانی عێراق دواخرا

SUNDAY, 23 FEBRUARY 2020 13:02:05

به‌غدا-KDP.info- سەرۆکی فراکسیۆنی پارتی لە ئەنجوومەنی نوێنەرانی عێراق، دەڵێ، کە دانیشتنی ئەنجوومەنەکە بە مەبەستی دەنگدان بە کابینەی عەلاوی لەبەر ئەوە دواخراوە، هەتا سەرجەم لایەنەکان کۆک بن لەسەر کابینەکەی.

 
بایدەمیر: ئه‌و نموونەیەی هەرێم ئیرادەیەکی بەهێزە بۆ پارچەکانی تری کوردستان

SUNDAY, 23 FEBRUARY 2020 12:02:40

هەولێر-KDP.info- سەرلەبەیانیی ئەمڕۆ یه‌كشه‌مه‌ ٢٣/٢/٢٠٢٠، هێمن هەورامی جێگری سەرۆکی پەرلەمانی کوردستان پێشوازیی لە عوسمان بایدەمیر سیاسەتمەداری کورد لە تورکیا کرد.

 
سبەی وەزیری تەندروستی بانگھێشتی پەرلەمان دەكرێت

SUNDAY, 23 FEBRUARY 2020 11:02:56

هەولێر-KDP.info- بڕیارە سبەی وەزیری تەندروستیی حكوومەتی ھەرێمی كوردستان بانگھێشتی پەرلەمان بكرێت، سەرۆكی لیژنەی تەندروستیش لە پەرلەمانی كوردستان ئاشكرای كرد، ھەموو رێكارەكان بۆ بەرەنگابوونەوەی ڤایرۆسی كۆرۆنا گیراونەتە بەر.

 
د. محەمەد بۆ KDP: ئەگەر نەگەینە رێككەوتن، كورد بایكۆتی كۆبوونەوەی پەرلەمانی عێراق دەكات

SUNDAY, 23 FEBRUARY 2020 10:02:57

هەولێر-KDP.info- شاندی ھەرێمی كوردستان بۆ گەیشتن بە رێككەوتن لەسەر پشكی كورد لە كابینەی نوێی حكوومەتی عێراق لە بەغدایە، پەرلەمانتارێكی پارتیش دەڵێ، زۆربەی فڕاكسیۆنە كوردستانییەكان بەشداری لە كۆبوونەوەی پەرلەمانی عێراقدا ناكەن ئەگەر داواكاریی ھەرێمی كوردستان لە بەرچاو نەگیرێت.

 
ئاكرەیی: جموجۆڵی بازرگانی لەگەڵ ئێران بەردەوام ده‌بێت

SUNDAY, 23 FEBRUARY 2020 10:02:55

هەولێر-KDP.info- بەڕێوەبەری پەیوەندییەكانی نێوان هەرێمی كوردستان و ئێران رایگەیاند، دوای داخستنی سنوورەكانی نێوان هەرێم و ئێران بە هۆی ڤایرۆسی كۆرۆنا، سێ سنووری كراوە ماون بۆ ئەوەی هەم هاووڵاتیانی كورد لە ئێرانەوە بگەڕێنەوە و هەمیش جموجۆڵی بازرگانی و هاوردەكردنی كەلوپەل لە ئێرانەوە بۆ هەرێمی كوردستان بەردەوام بێت، بۆیە داخستنی سنوورەكان هیچ كاریگەرییەكی لەسەر جموجۆڵی بازرگانی نەبووە.

 


 
© 2020 Kurdistan Democratic Party, KDP