Kurdî  ■  كوردی  ■  عربي
SUN, 23 FEB 2020 13:57 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"داعش دەیەوێ گورز لە پێشمەرگە و ھێزەکانی عێراق بوەشێنێت"
| KDP.info


کەرکووک -KDP.info-  دوای زیادبوونی جووڵەی چەکدارانی داعش لە ناوچە کوردستانییەکان، ئەمڕۆ فەرماندەیەکی باڵای عێراق لە بەغداوە گەیشتووەتە کەرکووک و بەرپرسێکی پێشمەرگەش ئاشکرای کرد، وەزارەتی پێشمەرگە زانیاریی دەربارەی جووڵەی داعش ھەیە و پێشمەرگە بۆ ھەر ئەگەرێک ئامادەیە.

نووری حەمە عەلی، بەرپرسی میحوەری ڕۆژئاوا و باشووری کەرکووک بە ماڵپەڕی فەرمیی پارتی دیموکراتی کوردستانی ڕاگەیاند: "داعش خۆی ئامادە کردووە بۆ ئەوەی دەستی خۆی بوەشێنێت، ھەروەک چۆن لە دەڤەری کوڵەجۆ دەستی خۆیان وەشاند و ژمارەیەک شەھید و بریندارمان ھەبوون، ئەوانە ھەمیشە ئامادەن بۆ کردەوەی تیرۆریستی و یەک دەرفەت بۆ داعش ‌ڕێکەوێت پەلاماری شوێنەکانی دیکەش دەدات، ئەمڕۆ عەبدولمەئەمیر زەیدی، گەورەفەرماندەی سوپای عێراق، لەبارەی تێکچوونی ڕەوشی کەرکووک و مەترسییەکانی داعشەوە گەیشتووەتە کەرکووک، چونکە مەترسیی زیاتر پەیدا بووە."

فەرماندەکەی پێشمەرگە دەشڵێت: "داعش دەیەوێ کێشەیەکی گەورە بۆ کەرکووک بنێتەوە و وەک مووسڵ وێرانی بکات و داگیری بکات."

لەبارەی ئامادەکارییەکانی ھێزی پێشمەرگەوە، عەلی گوتی: "ھێزەکانی پێشمەرگە ھەر لە ئامادەباشیدان، ھەر فەرمانێکی لەسەرەوە بۆمان بێت جێبەجێی دەکەین، ئێمە چاودێریی ڕەوشەکە دەکەین و وەزارەتی پێشمەرگە زانیاری ھەیە و حکوومەتی ھەرێم لەگەڵیان لەسەر خەتە بۆ ئەوەی بەھۆی ڕەوشی ئێستای عێراق و جووڵەی داعشەوە بۆشاییی ئەمنی دروست نەبێت، ئەگەر عێراق خۆی پێ ناپارێزێت، ھەرکاتێک داوامان لێ بکرێت بۆ بەرگری لە خەڵکی ناوچە کوردستانییەکان ئێمە ئامادەین بگەڕێینەوە ھەر ناوچەیەک و بێ جیاوازی بەرگری دەکەین و بەگژ داعشدا دەچینەوە."

نووری حەمە عەلی ئاماژەی بۆ ئەوە کرد: "پێشمەرگە ئامادەیە بۆ وەڵامدانەوەی ھەرشتێک و لە لایەن ئۆپەڕاسیۆنی وەزارەتی پێشمەرگەوە ئاگادار کراوینەتەوە، کە داعش ئامادەکاری دەکات بۆ ئەوەی گورز لە ھێزەکانی عێراق و پێشمەرگە بوەشێنێت."

قائید میرۆ




دوایین هەواڵەکان

دانیشتنی سبه‌ی پەرلەمانی عێراق دواخرا

SUNDAY, 23 FEBRUARY 2020 13:02:05

به‌غدا-KDP.info- سەرۆکی فراکسیۆنی پارتی لە ئەنجوومەنی نوێنەرانی عێراق، دەڵێ، کە دانیشتنی ئەنجوومەنەکە بە مەبەستی دەنگدان بە کابینەی عەلاوی لەبەر ئەوە دواخراوە، هەتا سەرجەم لایەنەکان کۆک بن لەسەر کابینەکەی.

 
بایدەمیر: ئه‌و نموونەیەی هەرێم ئیرادەیەکی بەهێزە بۆ پارچەکانی تری کوردستان

SUNDAY, 23 FEBRUARY 2020 12:02:40

هەولێر-KDP.info- سەرلەبەیانیی ئەمڕۆ یه‌كشه‌مه‌ ٢٣/٢/٢٠٢٠، هێمن هەورامی جێگری سەرۆکی پەرلەمانی کوردستان پێشوازیی لە عوسمان بایدەمیر سیاسەتمەداری کورد لە تورکیا کرد.

 
سبەی وەزیری تەندروستی بانگھێشتی پەرلەمان دەكرێت

SUNDAY, 23 FEBRUARY 2020 11:02:56

هەولێر-KDP.info- بڕیارە سبەی وەزیری تەندروستیی حكوومەتی ھەرێمی كوردستان بانگھێشتی پەرلەمان بكرێت، سەرۆكی لیژنەی تەندروستیش لە پەرلەمانی كوردستان ئاشكرای كرد، ھەموو رێكارەكان بۆ بەرەنگابوونەوەی ڤایرۆسی كۆرۆنا گیراونەتە بەر.

 
د. محەمەد بۆ KDP: ئەگەر نەگەینە رێككەوتن، كورد بایكۆتی كۆبوونەوەی پەرلەمانی عێراق دەكات

SUNDAY, 23 FEBRUARY 2020 10:02:57

هەولێر-KDP.info- شاندی ھەرێمی كوردستان بۆ گەیشتن بە رێككەوتن لەسەر پشكی كورد لە كابینەی نوێی حكوومەتی عێراق لە بەغدایە، پەرلەمانتارێكی پارتیش دەڵێ، زۆربەی فڕاكسیۆنە كوردستانییەكان بەشداری لە كۆبوونەوەی پەرلەمانی عێراقدا ناكەن ئەگەر داواكاریی ھەرێمی كوردستان لە بەرچاو نەگیرێت.

 
ئاكرەیی: جموجۆڵی بازرگانی لەگەڵ ئێران بەردەوام ده‌بێت

SUNDAY, 23 FEBRUARY 2020 10:02:55

هەولێر-KDP.info- بەڕێوەبەری پەیوەندییەكانی نێوان هەرێمی كوردستان و ئێران رایگەیاند، دوای داخستنی سنوورەكانی نێوان هەرێم و ئێران بە هۆی ڤایرۆسی كۆرۆنا، سێ سنووری كراوە ماون بۆ ئەوەی هەم هاووڵاتیانی كورد لە ئێرانەوە بگەڕێنەوە و هەمیش جموجۆڵی بازرگانی و هاوردەكردنی كەلوپەل لە ئێرانەوە بۆ هەرێمی كوردستان بەردەوام بێت، بۆیە داخستنی سنوورەكان هیچ كاریگەرییەكی لەسەر جموجۆڵی بازرگانی نەبووە.

 


 
© 2020 Kurdistan Democratic Party, KDP