Kurdî  ■  كوردی  ■  عربي
SUN, 23 FEB 2020 13:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەبارەت ھەڵمەتی توندوتیژیی دژ بە ژنان
| KDP.info


سالار عوسمان

کێشە سەرەکییەکە چییە ؟!..

لەمێژە، لەوەتەی پرسی ماف ھەیە و مرۆڤایەتی گفتوگۆ دەکات، بەردەوام باسی ژن و مافەکانی، ژن و یەکسانی، ژن و توندوتیژی دەکرێت و کەچی، شەرمەزارانە، خوێن ھەروا بە جەستەی ژنەوەیە، خوێنێک ھەموو ئەفسانە و ئایین و ئایدیاکان لێی بەرپرسن و ئیتر درەنگە، زۆریش درەنگە بۆ ئەوەی بڵێین: چ شورەییە، بەڵێ چ شورەییە ژن خوێنی لێ بچۆڕێت و پیاوە ئایینییەکان ھاوار بکەن، چ پارادۆکسێکی کلتوورییە، ژن لەنێو ژانی بێمافیدا بتلێتەوە و لەولاتر گۆرانی بگوترێت، چ شەرمەندەییەکە، ئافرەت بکوژرێت و لە بەرامبەریشدا سیاسییەکان بەیاننامە دەربکەن و دادگاکانیش تەرازووەکانیان لاسەنگ ڕۆچێتە نێو بێدەسەڵاتییەوە !.. لەوەتەی مرۆڤایەتی ھەیە و ئیدراک، سەرباری ھەموو ئەو گفتوگۆیانەیش، پرسی ژن و مافەکانی ھەر یەکلانەبووەوە و ئێستایش، دەگەڵ ھەموو ئەو پێشکەوتنانەی، کە مرۆڤایەتی شانازیی پێوە دەکات، کەچی، مخابن، پرسی ژن و یەکسانی جێندەری، ھەر عوقدەی نەکراوەی ئەو پیاوانەن، کە موتەخەللیفانە قاچێکیان لە نێو ڕاڤە چەوتەکانی دەقە ئایینییەکاندایە و قاچێکیشیان وا لە نێو نەبینین، ئەو پیاوانەی، کە شانازیی دەکەن وەک پیاو دەرکەون نەک وەک ئینسان، ئاخر جیاوازییەکی زۆر ھەیە لە نێوان ئینساندەرکەوتن و پیاودەرکەوتندا، ئەوانەی وەک ئینسان دەردەکەون، ژن وەک ئینسان دەبینن و ئەوانەیش، کە دەیانەوێ تەنیا وەک پیاو دەرکەون، ئیتر دەیانەوێت زاڵ بن، جیاوازیی نێوان ئینساندەرکەوتن و پیاودەرکەوتینش، زۆر بە کورتی بریتیە لەوەی، ئینساندەرکەوتن ژن لە ڕیز خۆی و وەک خۆی دەبینێت و پیاودەرکەوتنیش، ژن پلەیەک لەخوار خۆی و بە مەخڵوقی نمارە دوو دەبینێت !.. ئیتر ھەموو کێشەکە لێرەدا دەست پێ دەکات، لە خیلافی نێوان ئینساندەرکەوتن و پیاودەرکەوتندا، بۆیە دەبێ ئەو مەنتالیت و ئەقڵیەتە بگۆڕین، ئەم گۆڕینەیش بە ھەڵتەکاندنەوەی بەشێکی ئەو کلتوورە کوردییە دەکرێت، کە پڕە لە خوێنی بە ناھەقڕژاوی ژن، کە پڕە لە ھاواری کپکراوی ئەو کچانەی کە دەیانەوێت ھەبن و دەنگھەڵبڕن، کلتوورێک کە جەستەی ژن بە شەرم دەزانێ و ھی پیاو بە ئیفتیخار !.. ئەو پیاوانەی ژن وەک ئینسان نابینن، بەر لە ھەر شت ڕقیان لە خودایە، چونکە خودا ئینسانێکی دروست کرد، نیوە پیاو و نیوە ژن!.. ھەمدیس ئەو ئایین و ئایدیایانەی سوکایەتی بە ژن دەکەن، سوکایەتی بە خوا دەکەن، چونکە ژن، یەکێ لە ھەرە جوانترین مەخڵوقەکانی خودایە !.. ئیتر دەبێ ئەو دەرگایانە بشکێنین، ئەو مەنتالیت و ئەقڵیەتانە تێکبشکێنن، کە ژن وەک ئینسان نابینن و باشترین ھێز و شیان و ئیرادەیش بۆ چارەسەر، ژنەکان خۆیانن، ئەو ئینسانە مەزنانەی دەیانەوێت وەک ئینسان بژین و ھیچیتر !.




دوایین هەواڵەکان

دانیشتنی سبه‌ی پەرلەمانی عێراق دواخرا

SUNDAY, 23 FEBRUARY 2020 13:02:05

به‌غدا-KDP.info- سەرۆکی فراکسیۆنی پارتی لە ئەنجوومەنی نوێنەرانی عێراق، دەڵێ، کە دانیشتنی ئەنجوومەنەکە بە مەبەستی دەنگدان بە کابینەی عەلاوی لەبەر ئەوە دواخراوە، هەتا سەرجەم لایەنەکان کۆک بن لەسەر کابینەکەی.

 
بایدەمیر: ئه‌و نموونەیەی هەرێم ئیرادەیەکی بەهێزە بۆ پارچەکانی تری کوردستان

SUNDAY, 23 FEBRUARY 2020 12:02:40

هەولێر-KDP.info- سەرلەبەیانیی ئەمڕۆ یه‌كشه‌مه‌ ٢٣/٢/٢٠٢٠، هێمن هەورامی جێگری سەرۆکی پەرلەمانی کوردستان پێشوازیی لە عوسمان بایدەمیر سیاسەتمەداری کورد لە تورکیا کرد.

 
سبەی وەزیری تەندروستی بانگھێشتی پەرلەمان دەكرێت

SUNDAY, 23 FEBRUARY 2020 11:02:56

هەولێر-KDP.info- بڕیارە سبەی وەزیری تەندروستیی حكوومەتی ھەرێمی كوردستان بانگھێشتی پەرلەمان بكرێت، سەرۆكی لیژنەی تەندروستیش لە پەرلەمانی كوردستان ئاشكرای كرد، ھەموو رێكارەكان بۆ بەرەنگابوونەوەی ڤایرۆسی كۆرۆنا گیراونەتە بەر.

 
د. محەمەد بۆ KDP: ئەگەر نەگەینە رێككەوتن، كورد بایكۆتی كۆبوونەوەی پەرلەمانی عێراق دەكات

SUNDAY, 23 FEBRUARY 2020 10:02:57

هەولێر-KDP.info- شاندی ھەرێمی كوردستان بۆ گەیشتن بە رێككەوتن لەسەر پشكی كورد لە كابینەی نوێی حكوومەتی عێراق لە بەغدایە، پەرلەمانتارێكی پارتیش دەڵێ، زۆربەی فڕاكسیۆنە كوردستانییەكان بەشداری لە كۆبوونەوەی پەرلەمانی عێراقدا ناكەن ئەگەر داواكاریی ھەرێمی كوردستان لە بەرچاو نەگیرێت.

 
ئاكرەیی: جموجۆڵی بازرگانی لەگەڵ ئێران بەردەوام ده‌بێت

SUNDAY, 23 FEBRUARY 2020 10:02:55

هەولێر-KDP.info- بەڕێوەبەری پەیوەندییەكانی نێوان هەرێمی كوردستان و ئێران رایگەیاند، دوای داخستنی سنوورەكانی نێوان هەرێم و ئێران بە هۆی ڤایرۆسی كۆرۆنا، سێ سنووری كراوە ماون بۆ ئەوەی هەم هاووڵاتیانی كورد لە ئێرانەوە بگەڕێنەوە و هەمیش جموجۆڵی بازرگانی و هاوردەكردنی كەلوپەل لە ئێرانەوە بۆ هەرێمی كوردستان بەردەوام بێت، بۆیە داخستنی سنوورەكان هیچ كاریگەرییەكی لەسەر جموجۆڵی بازرگانی نەبووە.

 


 
© 2020 Kurdistan Democratic Party, KDP