Kurdî  ■  كوردی  ■  عربي
SUN, 23 FEB 2020 14:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ماڵ و میوان
| KDP.info


ئاریان فەرەج

كاتێ لە كەموكورتییەكانی نێوخۆمان دەڕوانین، حەقمانە گازندە بكەین و چاوەڕوانیمان زیاتر بێت، بەڵام كە خەڵك لە دورەوە لێمان دەڕوانن و بە دەوروبەرمان بەراورد دەكەن و لە وێنە گەورە تاریكەكەدا وەك تروسكاییەكی روناكی دەمانبینن، ستایشمان دەكەن و بە سەركەوتوومان دەزانن.

ئەمریكایی و رۆژئاواییەكان كە دەكەونە بەر پرسیاری جەدوای ئەو گۆڕانكارییەی حەڤدە ساڵ لەمەوبەر لە عێراق بەرپایان كرد، كوردستان و بە قەولی خۆیان (عێراقەكەی دیكە) بە بەڵگەی بەهەدەرنەچوونی هەوڵەكانیان دەهێننەوە. كوردستانێك سەرباری شەڕپێفرۆشتن و تەنگپێهەڵچنین، لەسەر پێی خۆیەتی، لەسەر رێی دیموكراسی و گەشەپێدان و بیناكردنی ژیانە گەر بەدەم ئازارێكی زۆریشەوە بێت.

ئەوانەی بە سیاسەتی هەڵە و عەقڵیەتی بچوك و تەنگبینی خۆیان بەشەكەی دیكەی عێراقیان لە نائومێدی هەڵكێشا و دۆخی بەغدایان بە رۆژێك گەیاند كە میوان نەتوانێ رووی تێبكات، ئەگەر دەرسێكیان وەرگرتبێ، دەبێ لەسەر ئارامی و سەقامگیری كوردستان، لەسەر شایستەیی هەولێر وەك جێگرەوەی بەغدای نغرۆی كێشە و قەیران، ئومێد هەڵچنن نەك پێی قەڵس و توڕە بن. حەقە ستراتیجی هەرێم كە وەك سەرۆكى هه‌رێمى كوردستان نێچیرڤان بارزانی گوزارشتی لێكرد، درێژكردنەوەی سەقامگیریی كوردستانە بۆ بەشەكەی دیكەی عێراق، بەهەند وەربگرن و كاری جددی لەسەر بكەن. هاندانی شەقامی عێراقی دژی كوردستان لە رابردوودا هەڵەیەكی زەق بوو، هیچیان لێ دەستنەكەوت، بەردەوامی لەسەر ئەو هەڵەیە ئیدی گێلایەتی سیاسی و دەرس وەرنەگرتنە.

ئەوانەی كاتی خۆی نیگەران دەبوون كاتێك وەفدێكی باڵا جگە لە بەغدا، سەردانی هەولێریشی دەكرد، كاریان گەیاندە ئەوەی جێگری سەرۆكی ئەمریكا نەك لە بەغداوە، بەڵكو بێ بەغدا سەردانی هەولێر بكات، دەبێ ئەم ئاماژەیە رایانچڵەكێنێ و قوڵ قوڵ بەخۆدا بچنەوە. دەبێ بزانن ماڵ ماڵ نەبێ، میوانیش رووی تێناكات. حەقیش وایە ئیدی لە پتەوی پێگە و بایەخی هەرێم تێبگەن، ئەو هەرێمەی هیچ نەما لە دژی نەكرێت، شەڕ نەما پێی نەفرۆشرێ، بەڵام دواجار تاكە بەشی لەسەر پێی خۆ وەستاوی عێراقە.

 




دوایین هەواڵەکان

دانیشتنی سبه‌ی پەرلەمانی عێراق دواخرا

SUNDAY, 23 FEBRUARY 2020 13:02:05

به‌غدا-KDP.info- سەرۆکی فراکسیۆنی پارتی لە ئەنجوومەنی نوێنەرانی عێراق، دەڵێ، کە دانیشتنی ئەنجوومەنەکە بە مەبەستی دەنگدان بە کابینەی عەلاوی لەبەر ئەوە دواخراوە، هەتا سەرجەم لایەنەکان کۆک بن لەسەر کابینەکەی.

 
بایدەمیر: ئه‌و نموونەیەی هەرێم ئیرادەیەکی بەهێزە بۆ پارچەکانی تری کوردستان

SUNDAY, 23 FEBRUARY 2020 12:02:40

هەولێر-KDP.info- سەرلەبەیانیی ئەمڕۆ یه‌كشه‌مه‌ ٢٣/٢/٢٠٢٠، هێمن هەورامی جێگری سەرۆکی پەرلەمانی کوردستان پێشوازیی لە عوسمان بایدەمیر سیاسەتمەداری کورد لە تورکیا کرد.

 
سبەی وەزیری تەندروستی بانگھێشتی پەرلەمان دەكرێت

SUNDAY, 23 FEBRUARY 2020 11:02:56

هەولێر-KDP.info- بڕیارە سبەی وەزیری تەندروستیی حكوومەتی ھەرێمی كوردستان بانگھێشتی پەرلەمان بكرێت، سەرۆكی لیژنەی تەندروستیش لە پەرلەمانی كوردستان ئاشكرای كرد، ھەموو رێكارەكان بۆ بەرەنگابوونەوەی ڤایرۆسی كۆرۆنا گیراونەتە بەر.

 
د. محەمەد بۆ KDP: ئەگەر نەگەینە رێككەوتن، كورد بایكۆتی كۆبوونەوەی پەرلەمانی عێراق دەكات

SUNDAY, 23 FEBRUARY 2020 10:02:57

هەولێر-KDP.info- شاندی ھەرێمی كوردستان بۆ گەیشتن بە رێككەوتن لەسەر پشكی كورد لە كابینەی نوێی حكوومەتی عێراق لە بەغدایە، پەرلەمانتارێكی پارتیش دەڵێ، زۆربەی فڕاكسیۆنە كوردستانییەكان بەشداری لە كۆبوونەوەی پەرلەمانی عێراقدا ناكەن ئەگەر داواكاریی ھەرێمی كوردستان لە بەرچاو نەگیرێت.

 
ئاكرەیی: جموجۆڵی بازرگانی لەگەڵ ئێران بەردەوام ده‌بێت

SUNDAY, 23 FEBRUARY 2020 10:02:55

هەولێر-KDP.info- بەڕێوەبەری پەیوەندییەكانی نێوان هەرێمی كوردستان و ئێران رایگەیاند، دوای داخستنی سنوورەكانی نێوان هەرێم و ئێران بە هۆی ڤایرۆسی كۆرۆنا، سێ سنووری كراوە ماون بۆ ئەوەی هەم هاووڵاتیانی كورد لە ئێرانەوە بگەڕێنەوە و هەمیش جموجۆڵی بازرگانی و هاوردەكردنی كەلوپەل لە ئێرانەوە بۆ هەرێمی كوردستان بەردەوام بێت، بۆیە داخستنی سنوورەكان هیچ كاریگەرییەكی لەسەر جموجۆڵی بازرگانی نەبووە.

 


 
© 2020 Kurdistan Democratic Party, KDP