Kurdî  ■  كوردی  ■  عربي
SAT, 7 DEC 2019 06:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ماڵپه‌ڕی KDP هۆكاری هەرزانبوونی نرخی بەنزین ئاشكرا ده‌كات
| KDP.info


هەولێر-KDP.info- لە هەفتەی رابردووەوە تا ئێستا نرخی هەر لیترێك بەنزین نزیكەی (50) دینار دابەزیوە، بەڕێوەبەری نەوت و كانزاكانی هەولێریش رایدەگەیەنێت، هۆكاری یەكەمی هەرزانبوونی نرخی بەنزین، حكوومەتی هەرێمە.

ئاری كاكەشین، بەڕێوەبەری نەوت و كانزاكانی هەولێر، بە ماڵپەڕی فەرمیی پارتی دیموكراتی كوردستانی ڕاگەیاند: "حكوومەتی هەرێم بڕیاری داوە ئاسانكاریی تەواو بۆ هەر بازرگانێك بكرێت، كە بەنزین هاوردەی كوردستان بكات، بەڵام بە مەرجی ئەوەی بەنزینەكە بە گوێرەی رێنماییەكانی كوالێتی كۆنترۆڵ بێت و جۆرەكەی گونجاو بێت، بۆ ئەم مەبەستەش دەرفەتی یەكسان بۆ بازرگانان رەخساوە بۆ ئەوەی بەنزین هاوردە بكەن، كە ئەمەش بووەتە هۆی دابەزینی بەهای بەنزین لە شارەكانی هەرێمی كوردستان بە گشتی و هەولێر بە تایبەتی".

لەبارەی نەوتی سپییەوە، بەرێوەبەری نەوت و كانزاكانی هەولێر ئاماژەی بەوە دا: "لە دوێنێوە لە سنووری سیدەكان دەستمان بە دابەشكردنی نەوتی سپی كردووە، لە سەرەتاشدا لە ناوچە ساردەكان دابەش دەكرێت و پاشان دێینە ناو شار و قەزاكان".

ناوبراو سەبارەت بە نرخی هەر بەرمیلە نەوتێكیش، گوتی: "لە ناوشار بۆ هەر بەرمیلێك (50) هەزار دینار و دەرەوەی شاریش (51) هەزار دینار لە هاونیشتمانیان وەردەگیرێت".

 

هێدی كاكەیی




دوایین هەواڵەکان

پەیامی سەرەخۆشیی سەرۆك بارزانی بۆ خەڵكی شاری سەقز

FRIDAY, 06 DECEMBER 2019 20:12:30

بەناوی خودای بەخشندە و میهرەبان

 
باره‌گاى بارزانى سه‌ره‌خۆشى له‌ خانه‌واده‌ى خوالێخۆشبوو ئالان محێدین ره‌حیم و خانه‌واده‌ى خوالێخۆشبوو عه‌لی شورکه‌ ده‌كات

FRIDAY, 06 DECEMBER 2019 18:12:15

به‌ناوی خودای به‌خشنده‌ و میهره‌بان

 
"وڵاتان بە چاوێکی ئەرێنییەوە لە هەرێمی کوردستان دەڕوانن"

THURSDAY, 05 DECEMBER 2019 18:12:08

سلێمانی -KDP.info- ئه‌ندامێكی پێشووی ئه‌نجومه‌نی نوێنەرانی عێراق ده‌ڵێت، ئەمەریکا لە ئێستا و لە داهاتووشدا هاوپەیمانی هەرێمی کوردستان ده‌بێت، چونکە ئەوە ڕوونە کە ئەو سەقامگیرییەی کە لە هەولێرەوە سەرچاوە دەگرێ، واتا سەقامگیریی تەواوی ناوچەکە و جیهانیش.

پەیامی سەرۆک بارزانی لەبارەی هێرشی تیرۆریستان بۆ سەر پێشمەرگە لە خانەقین

THURSDAY, 05 DECEMBER 2019 16:12:23

بەناوی خودای بەخشندە و میهرەبان

هێمن هەورامی پرسەنامەیەك ئاراستەی خانەوادەی شەهیدانی گەرمیان دەكات

THURSDAY, 05 DECEMBER 2019 15:12:22

هەولێر-KDP.info- هێمن هەورامی، جێگری سەرۆكی پەرلەمانی كوردستان، لە پرسەنامەیەكدا سەرەخۆشیی لە خانەوادەی هەرسێ پێشمەرگەی شەهید، لوقمان نەجم، زیاد خەلیفە و مەعرووف محەمەد کرد، كە شەوی ڕابردوو لە گوندی دەككەی نێوان شاری خانەقین و كوڵەجۆ، لە ئەنجامی پەلاماری تیرۆریستانی داعش بۆ سەر سەنگەرەكانی هێزی پێشمەرگەی كوردستان شەهید بوون. ئەمەی خوارەوە دەقی پرسەنامەكەیە:

 



 
© 2018 Kurdistan Democratic Party, KDP