Kurdî  ■  كوردی  ■  عربي
SAT, 11 JUL 2020 01:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕاگه‌یه‌نراوى كۆبوونه‌وه‌ى سه‌رۆكى هه‌رێمى كوردستان له‌گه‌ڵ حیزب و لایه‌نه‌ كوردستانییه‌كان
| KDP.info


هەولێر-KDP.info-  ئه‌مڕۆ چوارشه‌ممه‌ 16/10/2019 له‌ سه‌رۆكایه‌تیى هه‌رێمى كوردستان له‌ هه‌ولێر، به‌ڕێز نێچیرڤان بارزانى، سه‌رۆكى هه‌رێمى كوردستان له‌گه‌ڵ به‌ڕێزان سكرتێر و سه‌رۆك و نوێنه‌رانى حیزبه‌ به‌شداره‌كانى په‌رله‌مانى كوردستان، كۆبووه‌وه‌.

له‌ ڕوانگه‌ى هه‌ستكردن به‌ هه‌ستیاریى ئه‌م قۆناغه‌ى‌ ناوچه‌كه‌ و عێراق و هه‌رێمى كوردستان پیایدا تێده‌په‌ڕێت و به‌مه‌به‌ستى بیروڕا گۆڕینه‌وه‌ و یه‌كخستنى هه‌ڵوێستى لایه‌نه‌ سیاسییه‌كانى هه‌رێمى كوردستان، له‌سه‌ر داواى فه‌رمیى سه‌رۆكایه‌تیى هه‌رێمى كوردستان ئه‌م كۆبوونه‌وه‌یه‌ ڕێكخرا.

ته‌وه‌ره‌كانى كۆبوونه‌وه‌ بریتى بوون له‌ هه‌ڵسه‌نگاندنى بارودۆخى ناوخۆییى هه‌رێمى كوردستان، په‌یوه‌ندییه‌كانى هه‌رێمى كوردستان له‌گه‌ڵ حكوومه‌تى فیدراڵ، گرفت و ئاڵۆزییه‌كانى ناوچه‌كه‌، كاریگه‌رییه‌كانى جموجۆڵى سه‌ربازى له‌ سووریا و لێكه‌وته‌كانى له‌سه‌ر هه‌رێمى كوردستان و چۆنیه‌تیى مامه‌ڵه‌كردنى هه‌رێم له‌گه‌ڵ ڕووداوه‌كاندا.

ده‌رباره‌ى دۆخى ناوخۆییى هه‌رێمى كوردستان، سه‌رجه‌م ئاماده‌بووان كۆك بوون له‌سه‌ر پێویستیى به‌رده‌وامیى ئه‌م كۆبوونه‌وانه‌ به‌ شێوه‌یه‌كى ده‌ورى به‌پێى به‌رنامه‌یه‌كى داڕێژراو، بۆ ئه‌م هه‌نگاوه‌ش‌ سه‌رۆكایه‌تیى هه‌رێمى كوردستانیان وه‌ك باڵاترین دامه‌زراوه‌ى ده‌ستوورى و یاسایى و نیشتمانیى هه‌رێمى كوردستان و چه‌ترى كۆكه‌ره‌وه‌ى سه‌رجه‌م لایه‌ن و پێكهاته‌كان، به‌ گونجاوترین شوێن دانا كه‌ ئه‌م پرۆسه‌یه‌ به‌رده‌وامى پێ بدات.

ئاماده‌بووان هاوده‌نگ بوون كه‌ ئه‌رك و مافه‌ نیشتمانییه‌كان هى هه‌موو لایه‌ن و پێكهاته‌كانى هه‌رێمى كوردستانه‌ و ده‌بێ ئه‌و ئه‌رك و مافانه‌ له‌سه‌ر بنه‌ماى هاونیشتیمانیبوون پیاده‌ بكرێت و هه‌مووان به‌ ئۆپۆزسیۆن و ده‌سه‌ڵاته‌وه، له‌مه‌دا به‌شدار بن‌.

ده‌رباره‌ى بارودۆخى سه‌رتاسه‌رى عێراق و په‌یوه‌ندییه‌كانى هه‌رێمى كوردستان له‌گه‌ڵ حكوومه‌تى فیدراڵى عێراق، كۆبوونه‌وه‌ به‌ په‌سه‌ندى زانى كه‌ سه‌رجه‌م لایه‌نه‌كان تواناكانیان یه‌ك بخه‌ن و به‌ یه‌ك گوتار له‌گه‌ڵ حكوومه‌تى فیدراڵ و لایه‌نه‌ سیاسییه‌كانى عێراق گفتوگۆ بكرێت بۆ زامنكردنى مافه‌كانى گه‌لى كوردستان له‌ بابه‌ته‌كانى بودجه‌ و چاره‌سه‌رى ناوچه‌ كوردستانییه‌كانى ده‌ره‌وه‌ى ئیداره‌ى هه‌رێم به‌پێى ده‌ستوور و سه‌رجه‌م مافه‌كانى دیكه‌ى هه‌رێمى كوردستان به‌ ڕێگاى گفتوگۆیه‌كى جددى و دامه‌زراوه‌یى، هه‌روه‌ها كاركردن بۆ پێكهێنانى فیدراسیۆنى فراكسیۆنه‌ كوردستانییه‌كان له‌ ئه‌نجومه‌نى نوێنه‌ران و یه‌كخستنى هه‌موو تواناكان له‌ سه‌رۆكایه‌تیى كۆمار و حكوومه‌تى فیدراڵى و نوێنه‌رانى هه‌رێمى كوردستانى له‌ ئه‌نجومه‌نى نوێنه‌ران، به‌ پێویست زانى. كۆبوونه‌وه‌ جه‌ختى له‌ پێویستیى عێراق به‌ سه‌قامگیرى و ڕه‌چاوكردنى دۆخى هه‌ستیارى ناوچه‌كه‌ و داوا ڕه‌واكانى هاووڵاتیان و دووركه‌وتنه‌وه‌ له‌ توندوتیژى و پاراستنى دامه‌زراوه‌كانى ده‌وڵه‌ت كرده‌وه‌.

ده‌رباره‌ى بارودۆخى سووریا و ئاڵۆزییه‌ سه‌ربازییه‌كانى ناوچه‌كه‌، كۆبوونه‌وه‌ به‌ بایه‌خه‌وه‌ هه‌ڵوه‌سته‌ى له‌سه‌ر ئه‌و بابه‌ته‌ كرد و به‌ په‌سه‌ند زانرا سیاسه‌تێكى واقیعیانه‌ بگیرێته‌ به‌ر كه‌ پاراستنى به‌رژه‌وه‌ندییه‌كانى گه‌ل و خاكى هه‌رێمى كوردستان تیایدا پارێزراو بێت و دامه‌زراوه‌كانى هه‌رێم و لایه‌نه‌ سیاسییه‌كان هه‌موو توانا سیاسى و دیپلۆماسییه‌كانیان بخه‌نه ‌گه‌ڕ بۆ هه‌رچى زووتر كۆتاییهاتن به‌ شه‌ڕ و چاره‌سه‌ركردنى كێشه‌كان به‌ ڕێگاچاره‌ى ئاشتیانه‌ و گفتوگۆ كه‌ زامنى مافه‌كانى ته‌واوى پێكهاته‌كانى سووریا بێت.

لایه‌نه‌ به‌شداربووه‌كانى كۆبوونه‌وه‌كه‌:

– پارتى دیموكراتى كوردستان

– یه‌كێتیى نیشتمانیى كوردستان

– بزووتنه‌وه‌ى گۆڕان

– كۆمه‌ڵى ئیسلامیى كوردستان

– یه‌كگرتووى ئیسلامیى كوردستان

– هاوپه‌یمانیی یه‌كێتیی نه‌ته‌وه‌یی

– پارتی گه‌شه‌پێدانی توركمانی

– حیزبى سۆشیالست دیموكراتی كوردستان

– حزبی شیووعیی كوردستان

– بزووتنه‌وه‌ی ئاشووری

– به‌ره‌ی توركمانی

– پارتی كرێكاران و ڕه‌نجده‌رانی كوردستان

– پارتی چاكسازیی توركمانی

– ئه‌نجومه‌نی گه‌لی كلدانی سریانی ئاشوورى

– لیستی میلله‌ت

– لیستی ئه‌رمه‌ن




دوایین هەواڵەکان

"شەش‌ھەزار خانووی زێدەڕۆ لە دھۆک تاپۆ دەکرێن"

THURSDAY, 09 JULY 2020 18:07:30

دهۆک-KDP.info-  بەپێی بڕیاری حکوومەتی ھەرێمی کوردستان شەش‌ھەزار خانووی زێدەڕۆ لە سەنتەری شاری دھۆک تاپۆ دەکرێن و بەرپرسێکی سەرۆکایەتیی شارەوانیی دھۆکیش دەڵێ، ڕێکاری تاپۆکردنیان تەواو بووە و چاوەڕێی ڕێنماییی حکوومەتین بۆ دەستپێکردنی پڕۆسەی تاپۆ.

 
یەکساڵ بەسەر کابینەی نۆ تێدەپەڕێت

THURSDAY, 09 JULY 2020 14:07:56

هەولێر-KDP.info-  یه‌كساڵ به‌سه‌ر كابینه‌ی نۆیه‌می حكوومه‌تی هه‌رێمی كوردستان تێده‌پەڕێت، بەگوێرەی لایەنە سەرەکییەکانی بەشدار لە کابینە، ھەریەک لە هه‌نگاوی چاكسازی و ڕوئیایی حكوومه‌ت بۆ چاره‌سه‌ری گرفته‌كانی هه‌ولێر و به‌غدا و، پرسی ڕووبه‌ڕووبوونه‌وه‌ی نه‌خۆشیی كۆرۆنا لە گرنگترین هه‌نگاوه‌كانی حكوومه‌ت بوون.

 
پەرلەمان: بە ھۆی شەڕی توركیا و پەكەكەوە ١٦٢ ھاووڵاتی لە دھۆك شەھید بوونە

THURSDAY, 09 JULY 2020 14:07:11

دهۆك-KDP.info- رۆژی ١٦ی مانگی رابردوو سوپای توركیا ئۆپەراسیۆنێكی سەربازیی دژی چەكدارانی پارتی كرێكارانی كوردستان "پەكەكە" لەنێو سنووری ھەرێمی كوردستان ئەنجام دا و بووە ھۆی زیانی گیانی و ماڵی بۆ خەڵكی ناوچەكە، ئەندامێكی لیژنەی بەدواداچوونی كێشەكانی سنووریش دەڵێ، بە ھۆی سیاسەتی پەكەكە و ھێرشەكانی توركیاوە، دەیان گوند چۆڵ كراون و نزیكەی ٢٠٠ ھاووڵاتیش بوونەتە قوربانی.

 
لیوا بەهجەت زانیاری لەسەر جێگیركردنی هێزی زێرەڤانی لە سنوورەكان ئاشكرا دەكات

THURSDAY, 09 JULY 2020 12:07:13

هەولێر-KDP.info- بەرپرسی هەواڵگریی گشتیی فەرماندەیی پێشمەرگەی زێرەڤانی، ئاماژە بە هەماهەنگیی هێزی پێشمەرگە و پاسەوانی سنوور دەكات لە سنوورەكانی كوردستان و، روونكردنەوەش لەسەر جێگیركردنی هێزی زێرەڤانی دەدات لەو سنوورانە، پێشی وایە دەبێت هێزی پێشمەرگە لە ناوچە كێشەلەسەرەكانیش رۆڵیان هەبێت.

 
ھێمن قادر: ھەولێر لە دۆخێكی مەترسیدار دایە.. لە شەممەوە بەرنامەی نوێمان دەبێت

THURSDAY, 09 JULY 2020 11:07:08

ھەولێر-KDP.info- وتەبێژی ژووری ئۆپەراسیۆنی ھەولێر رایدەگەیەنێت، دوو رۆژی دیكە بڕیار لە رێكار و رێنمایی نوێ لەبارەی خۆپارێزی لە ڤایرۆسی كۆرۆنا دەدەن.

 


 
© 2020 Kurdistan Democratic Party, KDP