Kurdî  ■  كوردی  ■  عربي
TUE, 2 JUN 2020 18:38 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەرلەمان لەبارەی پڕۆژەیاسای چاكسازییەوە كۆدەبێتەوە.. سەرۆكی حكوومەت چاودێریی پڕۆژەكە دەكات
| KDP.info


هەولێر-KDP.info- ئەندامێكی لیژنەی باڵای چاكسازی لە پەرلەمانی كوردستان رایگەیاند، بڕیارە تاوەكو هەفتەی داهاتوو هەموو لایەنەكان ڕا و بۆچوونی خۆیان لەسەر پڕۆژەیاسای چاكسازی پێشكەشی لیژنەكە بكەن و دەشڵێ، لە ناوەڕاستی هەفتەی داهاتوودا دووەم كۆبوونەوە لەبارەی پڕۆژەیاساكەوە ئەنجام دەدرێت و سەرۆكی حكوومەتیش خۆی چاودێریی پڕۆژەیاساكە دەكات.

محەمەد سەعدەددین، بۆ ماڵپەڕی فەرمیی پارتی دیموكراتی كوردستان گوتی، دوای ئەوەی لیژنەی باڵای حكوومەت و پەرلەمان یەكەم كۆبوونەوەی لەبارەی پڕۆژەیاسای چاكسازی ئەنجام دا، داوا لە هەموو لایەنەكان كراوە تاوەكو هەفتەی داهاتوو ڕا و بۆچوونی خۆیان لەبارەی ئەو پڕۆژەیەوە پێشكەشی لیژنەی باڵا بكەن و لە ناوەراستی هەفتەی داهاتووشدا لیژنەی هاوبەشی حكوومەت و پەرلەمان دووەم كۆبوونەوە لەسەر رای لایەنەكان ئەنجام دەدات.

ئەو ئەندامەی لیژنەی چاكسازی گوتیشی، سەرۆكی حكوومەت خۆی سەرپەرشتی و چاودێریی پڕۆژەكە دەكات و بڕیارە دوای ئەوەی لایەنەكان رای خۆیان پێشكەش دەكەن، حكوومەت پڕۆژەكە ئامادە بكات و بۆ پەرلەمانی رەوانە بكات، بۆ ئەوەی بخرێتە بەرنامەی كارەوە و پەسەند بكرێت.

دەشڵێ، بە شێوەیەكی گشتی هەموو لایەنەكان كۆكن لەسەر تێپەڕاندنی پڕۆژەیاساكە و تەنها هەندێك لایەن هەندێك وردە تێبینییان هەیە، كە ئەوەش بە گفتوگۆ چارە دەكرێت.

 

بڵند ئیبراهیم




دوایین هەواڵەکان

ڕێبوار ھادی: لەم مانگەدا ھەرێم و بەغدا ڕێککەوتنی کۆتایی ئیمزا دەکەن

TUESDAY, 02 JUNE 2020 18:06:38

بەغدا – KDP.info -  لە چەند مانگی ڕابردوودا دانوستانی ورد دەربارەی پرسی نەوت و مووچەی فەرمانبەرانی ھەرێمی کوردستان لە نێوان ھەرێمی کوردستان و بەغدا کراوە و سەرۆکی لیژنەی یاساییی پەرلەمانی عێراق ئاشکرای کرد، لەم مانگەدا ڕێککەوتنی کۆتایی دەکرێت.

 

"ئەمڕۆ فراکسیۆنی پارتی بڕیار لە پشکداریکردنی دانیشتنەکەی سبەینێی پەرلەمان دەدات"

TUESDAY, 02 JUNE 2020 17:06:15

هەولێر- KDP.info -  بڕیارە سبەی کۆبوونەوەی ئەنجومەنی نوێنەرانی عێراق بەڕێوە بچێت، گوتەبیژی فراکسیۆنی پارتی لە ئەنجومەنی نوێنەرانی عێراق دەڵێ، ئەمڕۆ فراکسیۆنەکەیان بڕیار لە پشکداریکردن دەدات.

 
وه‌زیری ناوخۆ: ئه‌و كه‌سانه‌ی بانگه‌شه‌ی ئه‌وه‌ ده‌كه‌ن كۆرۆنا نییه‌ ڕووبه‌ڕووی یاسایان ده‌كه‌ینه‌وه‌

TUESDAY, 02 JUNE 2020 17:06:52

هەولێر– KDP.info-  ڕێبه‌ر ئه‌حمه‌د، وه‌زیری ناوخۆ، له‌ كۆنگره‌یه‌كی ڕۆژنامه‌نوسیدا دوای كۆتاییهاتنی كۆبوونه‌وه‌ی وه‌زیری ناوخۆ و ته‌ندروستی و پارێزگارەکان ڕایگه‌یاند: "دوای ئه‌وه‌ی هاووڵاتییان پابه‌ند نه‌بوون به‌ ڕێكاره‌ ته‌ندروستییه‌كان و هه‌ڵكشانی ژماره‌ی تووشبووانی كۆرۆنا له‌ قه‌زای پێنجوێن و پارێزگای سلێمانی، بڕیاری قه‌ده‌غه‌ی هاتوچۆمان ده‌ركرد و، ئه‌مڕۆ له‌ كۆبوونه‌وه‌مان له‌گه‌ڵ وه‌زیری ته‌ندروستی و پارێزگاره‌كان بڕیار درا پێداچوونه‌وه‌ به ‌به‌یانی ژمارە 28دا بكه‌ین و ده‌سه‌ڵات بده‌ینه‌ پارێزگاره‌كان و سه‌رۆكی یه‌كه‌ ئیدارییه‌كان كارئاسانی بكه‌ن، به‌ڵام ڕێكاری توندی خۆپارێزی پێڕه‌و بكرێت، هه‌ركه‌س سه‌رپێچی بكات سزای توند بدرێت.''

 
سه‌رۆكى هه‌رێمى كوردستان و باڵیۆزى ئه‌مه‌ریكا دۆخى عێراق تاوتوێ ده‌كه‌ن

TUESDAY, 02 JUNE 2020 16:06:19

ھەولێر-KDP.info- نیوه‌ڕۆى ئه‌مڕۆ سێشه‌ممه‌ 2/6/2020 به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ماتیو توله‌ر باڵیۆزى ئه‌مه‌ریكا له‌ عێراق كرد.

سەرۆک بارزانی پێشوازی لە باڵیۆزی ئەمەریکا لە عێراق دەکات

TUESDAY, 02 JUNE 2020 16:06:44

ھەولێر-KDP.info- ئەمڕۆ سێشەممە ٢ـی ٦ـی ٢٠٢٠ سەرۆك مەسعود بارزانی لە بارەگای خۆی لە سەڵاحەددین پێشوازی لە بەڕێز ماتیۆ تولەر باڵیۆزی ولایەتە یەکگرتووەکانی ئەمەریکا لە بەغدا کرد.



 
© 2020 Kurdistan Democratic Party, KDP