Kurdî  ■  كوردی  ■  عربي
MON, 6 APR 2020 07:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نووری حەمەعەلی: هیچ ڕێگایەك دانه‌خراوه‌.. پێشمه‌رگه‌ و هێزەكانی عێراق ترسیان هه‌یه
| KDP.info


هەولێر-KDP.info- بەرپرسی میحوەری ڕۆژئاوای كەركووكی هێزەكانی پێشمەرگە دەڵێ، ھێزەكانی عێراق لە سنووری پردێ ھاوشێوەی ھێزەكانی پێشمەرگە خۆیان بۆ وەرزی زستان ئامادە دەكەن، بێگومان لە دوای ئەم خۆپیشاندان و كێشانەی بەغدا و ناوچەكانی تری عێراق، ترسیان هه‌یه‌، بەڵام ھیچ ڕێگایەكیان دانەخستووە.

نووری حەمەعەلی، بە ماڵپەڕی فەرمیی پارتی دیموكراتی كوردستانی ڕاگەیاند: "ئەو دەنگۆیەی باس لەوە دەكات كە گوایە ھێزەكانی پۆلیسی فیدڕاڵیی عێراق سەرجەم ڕێگاكانیان لە پردێ داخستووە، دوورە لە ڕاستییەوە، بەڵكوو ئەو ڕێگایانەی تایبەتن بە خۆیان، بۆ وەرزی زستان ئامادەیان كردوون و ڕێگاكانی خۆیان چاك كردووە، ئێمەش لەبەر وەرزی زستان ڕێگاكانی خۆمان چاك كردووەتەوە".

بەرپرسی میحوەری ڕۆژئاوای كەركووك دەشڵێ: "ھێزەكانی پۆلیسی فیدڕاڵیی عێراق ترسیان لەو فەوزایە هەیە كە لە بەغدا و ناوچەكانی تری عێراق دروست بووە، بەڵام ھێزی پێشمەرگەی كوردستان تەنھا ئامادەباشیی خۆی وەرگرتووە، بۆ ئەوەی كارەساتی وەك ئەوانەی ڕابردوو ڕوونەداتەوە، چونكە داعش لەو ناوچانە جموجۆڵی زۆرە، نەوەك جووڵێكی نائاسایی بكەن و دواتر كێشەی گەورە بۆ خەڵكی كەركووك و دەوروبەری دروست بكەن."

نووری حەمەعەلی، گوتیشی: "پۆلیسی عێراق ھیچ رێگەیەكی نەگرتووە، تەنھا ترسێكیان ھەیە، چونكە ھێزە عێراقییەكان لە ناوچەی خۆیان نین و ئەو ناوچانە خاكی كوردستانن، كە ئەو ھێزە لە دوای ١٦ـی ئۆكتۆبەرەوە لەو ناوچانە جێگیر كراون".

 

فایزە كۆیی




دوایین هەواڵەکان

ڕاگەیێندراوی بارەگای بارزانی لە ساڵیادی جینۆسایدكردنی كوردە فەیلییەكان

SUNDAY, 05 APRIL 2020 22:04:10

هەولێر-KDP.info- چل ساڵ بەسەر تاوانی ئەنفال و جینوسایدكردنی كوردە فەیلییەكان لە لایەن ڕژێمی پێشووی عێراق تێدەپەڕێت، كە تێیدا دوازدە هەزار كوردی فەیلی ئەنفال و شوێنبزر و شەهید كران. جینۆسایدكردنی كوردە فەیلییەكان درێژكراوەی ئەو زنجیرە تاوانانە بوو كە لە سەدەی بیستەمدا لە لایەن ڕژێمە یەك لەدوای یەكەكانی عێراق، دژی گەلی كوردستان ئەنجام دراون.

لەبارەی کەمپینی کۆکردنەوەی پارە هۆشداری دەدرێت

SUNDAY, 05 APRIL 2020 19:04:29

هەولێر-KDP.info-  سەرچاوەیەك لە ئەنجومەنی وەزیرانی هەرێمی كوردستانەوە رایگەیاند، هیچ كەمپینێك بۆ كۆكردنەوەی پارە بەناوی هاوكاری رێگەپێدراو نییە و بۆ هیچ كەسێك یان لایەنێک نییە كەمپین رابگەیەنێت.

دەزگای خێرخوازی بارزانی لە دابه‌شكردنی خۆراك له‌ هه‌ڵه‌بجه‌ و سلێمانی و گه‌رمیان و ڕاپه‌ڕین به‌رده‌وام ده‌بێت

SUNDAY, 05 APRIL 2020 17:04:31

سلێمانی-KDP.info- له‌گه‌ڵ ڕاگه‌یاندنی قه‌ده‌خه‌ی هاتوچۆ به‌هۆی بڵاوبوونه‌وه‌ی ڤایرۆسی كۆرۆنا، ده‌زگای خێرخوازیی بارزانی هه‌ڵمه‌تێكی گه‌وره‌ی له‌ سه‌رتاسه‌ری كوردستان ده‌ست پێ كرد، به‌ دابه‌شكردنی سه‌به‌ته‌ی خۆراك بۆ ئه‌و خێزانانه‌ی پێویستیان پێییه‌تی.

 

"نەخۆشخانەی ڕزگاری دەبێتە ناوەندی چارەسەری کۆرۆنا"

SUNDAY, 05 APRIL 2020 16:04:16

هه‌ولێر-KDP.info-  دوای زیادبوونی ژمارەی تووشبوانی ڤایرۆسی کۆرۆنا، بەڕێوەبەرایەتیی گشتیی تەندروستیی ھەولێر، نەخۆشخانەی ڕزگاریی ئامادە کردووە و بەڕێوەبەری گشتیی تەندروستیی ھەولێریش دەڵێ، نەخۆشخانەی ڕزگاریی ھەولێر ٤٠٠ قەرەوێلەیە و ئامادەیە بۆ چارەسەرکردن.

 

ورده‌كاریی دروستكردنی یه‌كه‌یه‌كی ژمێریاری بۆ وه‌زاره‌تی پێشمه‌رگه‌ له ‌یاسای چاكسازیدا

SUNDAY, 05 APRIL 2020 15:04:21

هه‌ولێر-KDP.info-  سه‌رۆكی لیژنه‌ی پێشمه‌رگەی په‌رله‌مانی كوردستان گوتی، حكوومه‌تی هه‌رێمی كوردستان ده‌ستی به ‌جێبه‌جێكردنی یاسای چاكسازی كردووه‌ و ئه‌و یاسایەدا سوودی زۆری بۆ پێشمه‌رگه‌ ده‌بێت، چونكه‌ هه‌موو هێزه‌كانی پێشمەرگه‌ له ‌چوارچێوه‌ی یه‌ك یه‌كه‌ی ژمێریاریدا مووچه‌ وه‌رده‌گرن و هیچ كه‌سێك ناتوانێ به‌ نایاسایی مووچه‌ وه‌رگرێت و بۆ هه‌ر پێشمه‌رگه‌یه‌ك چه‌ك دروست ده‌كرێت و له‌ بانك مووچه‌ وه‌رده‌گرێت، به‌مه‌ش هه‌موو هێزی پێشمه‌رگه‌ له‌ چوارچێوه‌ی وه‌زاره‌تی پێشمه‌رگەدا‌ ده‌بێت و پاره‌ش له‌ ده‌ست ئه‌وان ده‌بێت.

 



 
© 2020 Kurdistan Democratic Party, KDP