Kurdî  ■  كوردی  ■  عربي
WED, 11 DEC 2019 13:35 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"لە مەخموور ١٠ چەکداری داعش کوژران"
| KDP.info


مەخموور-KDP.info-  لە سنووری قەزای مەخموور بەھۆی بۆردوومانی فڕۆکەی ھاوپەیمانانی نێودەوڵەتییەوە ژمارەیەک چەکداری تیرۆریستی داعش کوژران و پێشمەرگەش جەخت لە بەھێزبوونی جووڵەی داعش دەکاتەوە.

سەرچاوەیەکی بەرپرس لە میحوەری مەخموور بە ماڵپەڕی فەرمیی پارتی دیموکراتی کوردستانی ڕاگەیاند: "چەکدارانی تیرۆرستی داعش لە سنووری قەزای مەخموور دەستیان بە جووڵە کردووتەوە و لە لایەن ھاوپەیمانانی نێودەوڵەتییەوە بەوردی چاودێریی زیادبوونی جووڵەی چەکدارانی تیرۆریستی داعش دەکرێت، چونکە چەکدارەکانی داعش لە ژمارەیەک گوندی ناوچەکە بڵاوەیان پێ کراوە و بە شێوەی مەفرەزە لەنێو مەخمووردا ھاتوچۆ دەکەن."

ئەو سەرچاویە، کە نەیویست ناوی ببرێت، گوتیشی: "دوێنێ فڕۆکە جەنگییەکانی ھاوپەیمانان لە نزیک گوندی گردەڕەشەی سەر بە قەزای مەخموور کاروانێکی چەکدارانی تیرۆریستی داعشی کردووەتە ئامانج و لە ئەنجامدا ١٠ چەکداری داعش کوژراون و زیانی زۆریان بەرکەوتووە."

سەرچاوەکەی ھێزی پێشمەرگە ئەوەیشی ئاشکرا کرد: "ژمارەیەک گوندی سەر بە مەخموور بەھۆی مەترسیی داعشەوە چۆڵ کراون و ئەو ناوچانەی لە شەقامی سەرەکییەوە دوورن زیاتر داعش تێیاندا چالاکە و بنکە و بارەگایان تێدا جێگیر کردوون، ئەوەش نیشانەی ئەوەیە ھێشتا داعش لەو سنوورە ھەیە و دەیەوێ زیاتر خۆی بەھێز بکات."

قائید میرۆ




دوایین هەواڵەکان

یەکێتی ئافرەتانی کوردستان لە شەست و حەوتەمین ساڵەی دامەزراندنیدا

WEDNESDAY, 11 DECEMBER 2019 13:12:18

د. ڤیان سلێمان

 
جێگری سەرۆکی پارتی دیموکراتی کوردستان، پەیامێک ئاڕاستەی یەکێتی ئافرەتان دەکات

WEDNESDAY, 11 DECEMBER 2019 11:12:46

هەولێر-KDP.info- نێچیرڤان بارزانی جێگری سەرۆکی پارتی دیموکراتی کوردستان، بە بۆنەی ٦٧ەمین ساڵیادی دامەزراندنی رێکخراوەکەیانەوە، پەیامێک ئاڕاستەی یەکێتی ئافرەتانی کوردستان دەکات، و دەڵێ ئەو رێکخراوە خاوەنی مێژوویەکی پڕ سەروەری و تێکۆشانە، ڕۆڵی گرینگ و بەرپرسیارانەی هەبووە لە قۆناغە جیاجیاکانی خەباتی نیشتیمانی و نەتەوەییماندا و، پێشەنگی خەباتی مەدەنی و ڕێکخراوەییە لە کوردستاندا.

 
سارا دڵشاد: پارتی هەمیشە پاڵپشتی پێكهاتەكانە

WEDNESDAY, 11 DECEMBER 2019 11:12:26

هەولێر-KDP.info- پەرلەمانی كوردستان، دوێنێ بە دەنگی ئەندامانی پارتی دیموكراتی كوردستان و كریستیانەكان، خوێندنەوەی یەكەمی بۆ پێشنیازەبڕیارێكی توركمانەكان كرد، پەرلەمانتارێكی كوردستانیش لە فڕاكسیۆنی پارتی گەشەپێدانی توركمان دەڵێت، دەستخۆشی لە پارتی دیموكراتی كوردستان دەكەین، كەوا هەمیشە پاڵپشتی نەتەوەی توركمان و پێكهاتەكانی ترە لە هەرێمی كوردستان.

 
"ئەمڕۆ ئەنجومەنی وەزیران پڕۆژەیاسای چاكسازی و مووچە و دەرماڵە پەسەند دەكات"

WEDNESDAY, 11 DECEMBER 2019 10:12:27

هەولێر-KDP.info- ئەمڕۆ ئەنجومەنی وەزیرانی هەرێمی كوردستان كۆدەبێتەوە و، پڕۆژەیاسای چاكسازی و مووچە و دەرماڵە و بەخشین و ئیمتیازاتەكانی دیكە پەسەند دەكات و رەوانەی پەرلەمانی دەكات، سەرۆكی فراكسیۆنی پارتیش، دەڵێ، هەر كاتێك پڕۆژەكە بگاتە پەرلەمان، رێكارە یاساییەكان دەگرنە بەر.

 
مەیادە نەجاڕ: دەبێ پڕۆژەیاسای بودجەی 2020ی عێراق پێش سەری ساڵ بگاتە پەرلەمان

WEDNESDAY, 11 DECEMBER 2019 10:12:33

بەغدا-KDP.info- پەرلەمانتارێكی كورد لە لیژنەی ئابووری و وەبەرهێنانی ئەنجوومەنی نوێنەرانی عێراق دەڵێ، بۆ ڕەوانەكردنی بودجەی 2020ی عێراق بۆ پەرلەمان، پێویست بە هیچ دەرچەیەكی یاسایی ناكات و كێشەی نییە، دوای پەسەندكردنی پڕۆژەیاسای هەڵبژاردنی ئەنجوومەنی نوێنەرانیش، ڕاستەوخۆ كار لەسەر پڕۆژەیاسای بودجە دەكرێت.

 


 
© 2018 Kurdistan Democratic Party, KDP