Kurdî  ■  كوردی  ■  عربي
MON, 6 APR 2020 09:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

گوندی کۆچۆ شوێنە گەورەکەی کۆمەڵکوژیی ئێزدییان بوو
| KDP.info


 

شنگال-KDP.info- گوندی کۆچۆ بچووکترین گوندی شنگالە، بەڵام گەورەترین کۆمەڵکوژی و قوربانی بەر ئەو گوندە کەوتووە و تا ئێستاش ئاسەواری شەڕ و وێرانکاری بەردەوامن و خەڵكی گوندەکەش لە دەست داعشدان.

 

گوندی کۆچۆ  بە 18 کیلۆمەتر دەکەوێتە باشووری قەزای شنگال و ئێستا حەشدی شەعبی دەستیان بەسەردا گرتووە. پێش هاتنی داعش زیاتر لە 220  خێزان، واتە 1700 کەس لەو گوندەدا دەژیان.

 

لە کاتی هاتنی داعشدا بۆ شنگال، بەتایبەت بۆ گوندی کۆچۆ، لە ڕۆژێکی وەک ئەمڕۆدا (١٥-٨-٢٠١٤)خەڵكی گوندەکەیان کۆ کردەوە و ئافرەت و پیاویان لێک جیا کردنەوە و و منداڵەکانیشیان بردنە شارەکانی ڕەقە و مووسڵ، یەکەم کاریشیان ئەوە بوو کە لە تەنیشت گوندەکە هەموو پیاوانی گوندەکەیان کۆمەڵکوژ کرد و منداڵەکانیشیان بردن بۆ سەربازەگەکان و مەشقیان پی کردن، دواتریش کڕین و فرۆشتنیان بە ئافرەتەکان کرد و دەستدرێژییان کردە سەریان.

 

لە (١٥-٣-٢٠١٩)دا حکوومەتی هەرێمی کوردستان و حکوومەتی عیراق بە هاوئاهەنگی یەکەم گۆڕی بەکۆمەڵییان لە ڕێوڕەسمێکی تایبەتدا و بە ئامادەبوونی کەسوکاری قوربانیان و کەسایەتییە ئێزدییەکان هەڵدایەوە.

 

ماڵپەڕی KDP دوایین ئاماری وردی گۆڕی بەکۆمەڵی ئێزدییان لە گوندی کۆچۆ بڵاو دەکاتەوە

 

گرنگیدەری ئامارەکانی جینۆسایدی ئێزدییان لەبارەی گۆڕە بەکۆمەڵەکانی ئێزدییانەوە دەڵێت، تا ئێستا قۆناغەکانی هەڵدانەوەی گۆڕە بەکۆمەڵەکان بەردەوامە و لە مانگی داهاتووشدا چەندین گۆڕی تر هەڵدەدرێنەوە.

داود موراد خەتاری، لە لێدوانیکی تایبەتیدا بۆ ماڵپەڕی فەرمیی پارتی دیموکراتی کوردستان گوتی: ''تا ئێستا ٧٣ گۆڕی بەکۆمەڵ لە لایەن شوێنە پەیوەندیدارەکانەوە دۆزرانەتەوە."

خەتاری  گوتی: "لە کۆی ١٧ گۆڕی بەکۆمەڵی گوندی کۆچۆ تا ئێستا ١٦ گۆڕیان هەڵدراونەتەوە و لەو گۆڕە بەکۆمەڵانەشدا ٢٣٥ ڕوفات جەستەی تەواویان هەبوو، ٢٥ ڕوفاتیش هەندێك بەشی جەستەیان هەبوو."

گوتیشی: "بڕیارە لە دەستپێکی مانگی ئەیلوولدا گۆڕی تری گوندی کۆچۆ هەڵبدرێنەوە کە پێشبینیی ٤٣ ڕوفات تلەو گۆڕەدا دەکرێت و سەرجەمی هەمووشیان دەگاتە ٢٧٨ ڕوفات. هەروەها ٢٥ ڕوفات کە جەستەیان تەواو نییە، زۆربەی ئەو ڕوفاتانە بەڵگەنامەکانیان لەگەڵن، وەک ناسنامە و ڕەگەزنامەی عێراقی."

کــاروان بــاعەدری




دوایین هەواڵەکان

ڕاگەیێندراوی بارەگای بارزانی لە ساڵیادی جینۆسایدكردنی كوردە فەیلییەكان

SUNDAY, 05 APRIL 2020 22:04:10

هەولێر-KDP.info- چل ساڵ بەسەر تاوانی ئەنفال و جینوسایدكردنی كوردە فەیلییەكان لە لایەن ڕژێمی پێشووی عێراق تێدەپەڕێت، كە تێیدا دوازدە هەزار كوردی فەیلی ئەنفال و شوێنبزر و شەهید كران. جینۆسایدكردنی كوردە فەیلییەكان درێژكراوەی ئەو زنجیرە تاوانانە بوو كە لە سەدەی بیستەمدا لە لایەن ڕژێمە یەك لەدوای یەكەكانی عێراق، دژی گەلی كوردستان ئەنجام دراون.

لەبارەی کەمپینی کۆکردنەوەی پارە هۆشداری دەدرێت

SUNDAY, 05 APRIL 2020 19:04:29

هەولێر-KDP.info-  سەرچاوەیەك لە ئەنجومەنی وەزیرانی هەرێمی كوردستانەوە رایگەیاند، هیچ كەمپینێك بۆ كۆكردنەوەی پارە بەناوی هاوكاری رێگەپێدراو نییە و بۆ هیچ كەسێك یان لایەنێک نییە كەمپین رابگەیەنێت.

دەزگای خێرخوازی بارزانی لە دابه‌شكردنی خۆراك له‌ هه‌ڵه‌بجه‌ و سلێمانی و گه‌رمیان و ڕاپه‌ڕین به‌رده‌وام ده‌بێت

SUNDAY, 05 APRIL 2020 17:04:31

سلێمانی-KDP.info- له‌گه‌ڵ ڕاگه‌یاندنی قه‌ده‌خه‌ی هاتوچۆ به‌هۆی بڵاوبوونه‌وه‌ی ڤایرۆسی كۆرۆنا، ده‌زگای خێرخوازیی بارزانی هه‌ڵمه‌تێكی گه‌وره‌ی له‌ سه‌رتاسه‌ری كوردستان ده‌ست پێ كرد، به‌ دابه‌شكردنی سه‌به‌ته‌ی خۆراك بۆ ئه‌و خێزانانه‌ی پێویستیان پێییه‌تی.

 

"نەخۆشخانەی ڕزگاری دەبێتە ناوەندی چارەسەری کۆرۆنا"

SUNDAY, 05 APRIL 2020 16:04:16

هه‌ولێر-KDP.info-  دوای زیادبوونی ژمارەی تووشبوانی ڤایرۆسی کۆرۆنا، بەڕێوەبەرایەتیی گشتیی تەندروستیی ھەولێر، نەخۆشخانەی ڕزگاریی ئامادە کردووە و بەڕێوەبەری گشتیی تەندروستیی ھەولێریش دەڵێ، نەخۆشخانەی ڕزگاریی ھەولێر ٤٠٠ قەرەوێلەیە و ئامادەیە بۆ چارەسەرکردن.

 

ورده‌كاریی دروستكردنی یه‌كه‌یه‌كی ژمێریاری بۆ وه‌زاره‌تی پێشمه‌رگه‌ له ‌یاسای چاكسازیدا

SUNDAY, 05 APRIL 2020 15:04:21

هه‌ولێر-KDP.info-  سه‌رۆكی لیژنه‌ی پێشمه‌رگەی په‌رله‌مانی كوردستان گوتی، حكوومه‌تی هه‌رێمی كوردستان ده‌ستی به ‌جێبه‌جێكردنی یاسای چاكسازی كردووه‌ و ئه‌و یاسایەدا سوودی زۆری بۆ پێشمه‌رگه‌ ده‌بێت، چونكه‌ هه‌موو هێزه‌كانی پێشمەرگه‌ له ‌چوارچێوه‌ی یه‌ك یه‌كه‌ی ژمێریاریدا مووچه‌ وه‌رده‌گرن و هیچ كه‌سێك ناتوانێ به‌ نایاسایی مووچه‌ وه‌رگرێت و بۆ هه‌ر پێشمه‌رگه‌یه‌ك چه‌ك دروست ده‌كرێت و له‌ بانك مووچه‌ وه‌رده‌گرێت، به‌مه‌ش هه‌موو هێزی پێشمه‌رگه‌ له‌ چوارچێوه‌ی وه‌زاره‌تی پێشمه‌رگەدا‌ ده‌بێت و پاره‌ش له‌ ده‌ست ئه‌وان ده‌بێت.

 



 
© 2020 Kurdistan Democratic Party, KDP