Kurdî  ■  كوردی  ■  عربي
WED, 22 JAN 2020 23:19 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شێروان دووبەردانی: كاتی ئەوە هاتووە ئەنجوومەنی باڵای فیدڕاڵی پێك بهێندرێت
| KDP.info


بەغدا-KDP.info- ئەندامێكی ئەنجوومەنی نوێنەرانی عێراق باس لەوە دەكات، كاتی ئەوە هاتووە كە لایەنە عێراقییەكان بگەنە ئەو باوەڕەی ئەنجوومەنی باڵای فیدڕاڵی پێك بهێندرێت، كە بەشێكی زۆری گرفتەكان چارەسەر دەكات.

شێروان دووبەردانی، پەرلەمانتاری پارتی لە ئەنجوومەنی نوێنەرانی عێراق، بۆ ماڵپەڕی فەرمیی پارتی دیموكراتی كوردستان گوتی: "زۆر پرس هەبوون لە ماوەی چەند ساڵی رابردوودا گەنگەشە كراون بە بێ ئەوەی كورد رۆڵی تێیاندا هەبێت، بە تایبەت پرسی یاسای نەوت و گاز و هەناردەی نەوتی عێراق بۆ دەرەوە، هەروەها پرسی وەزارەتی بەرگری و سوپای عێراق و بودجە، كە سەرجەمیان دەرئەنجامی ئەوەن تاكبڕیاری لە عێراقدا هەیە و لایەنەكانی دیكە وەك هاوبەش سەیر ناكرێن".

دووبەردانی گوتیشی: "وەك پارتی پێشتریش داوامان كردووە ئەنجوومەنی باڵای فیدڕاڵی لە عێراق دروست بكرێت، كە لە دەستووری عێراقدا ئاماژەی پێدراوە، ئەم ئەنجوومەنەش بڕیار لە دەست تاكە لایەنێكدا ناهێڵێتەوە، چونكە ئێستا زۆربەی بریارەكان بە دەست لایەنە شیعەكانەوەن".

دەشڵێ: "ئەگەر ئەم ئەنجوومەنە دروست بكرێت، زۆربەی بڕیارەكان لە عێراق بە تەوافوقی دەدرێن و ئەمەش بۆ سەرجەم عێراق باش دەبێت، بەڵام بەداخەوە هەست دەكەین جددییەت لە دروستكردنی ئەو ئەنجوومەنەدا نییە، بۆیە گرینگە هەرێمی كوردستانیش مەرجی دروستكردنی ئەنجوومەنی فیدڕاڵی لە عێراقدا ببەسێتەوە بە رێككەوتنی سیادیی نێوان هەولێر و بەغدا و رێككەوتنی نەوت، چونكە دروستكردنی ئەو ئەنجوومەنە، كە نوێنەری كوردی تێدا بێ لەگەڵ نوێنەری پێكهاتەكان و نوێنەری سوننە و شیعە، دەبێتە رایەڵەیەكی گرینگ لە نێوان پەرلەمان و دەسەڵاتی سیادی و تەشریعیدا".

ئەو پەرلەمانتارە راشیگەیاند، نزیكەی ٥٠ خاڵ لە دەستووری عێراقدا جێبەجێ نەكراون، كە بەشێكی زۆری هۆكارەكەی ئەوەیە، ئەو ئەنجوومەنە لە عێراقدا نییە.

كارزان هه‌ورامی




دوایین هەواڵەکان

سەرۆك بارزانی پێشوازی لە پارێزگاری موسەننا و شاندێكی یاوەری دەكات

WEDNESDAY, 22 JANUARY 2020 17:01:49

هەولێر-KDP.info-  ڕۆژی چوارشەممە 22ـی 1ـی 2020 لە سەلاحەددین سەرۆك مەسعود بارزانی پێشوازی لە ئەحمەد مەنفی جەودە پارێزگاری موسەننا و شاندێكی یاوەری كرد.

سه‌رۆكى هه‌رێمى كوردستان له‌گه‌ڵ سه‌رۆكى ڕێكخراوى جایكا كۆبوه‌وه‌

WEDNESDAY, 22 JANUARY 2020 17:01:49

هەولێر-KDP.info- سه‌رۆك نیچیرڤان بارزانى له‌ كۆبوونه‌وه‌یه‌كدا له‌گه‌ڵ به‌ڕێز شینیچى كیتائۆكا سه‌رۆكى ئاژانسى جایكاى ژاپۆنى، سوپاس و پێزانینى هه‌رێمى كوردستانى بۆ كار و پرۆژه‌كانى ڕێكخراوه‌كه‌ ده‌ربڕى كه‌ بۆ ماوه‌ى چه‌ندین ساڵ خزمه‌تیان به‌ هه‌رێمى كوردستان كردووه‌ و جێپه‌نجه‌یان به‌ پرۆسه‌ى ئاوه‌دانكردنه‌وه‌ى هه‌رێمى كوردستانه‌وه‌ دیاره‌.

ئەنجومەنی وەزیران پەیڕەوی پیادەکردنی پیشەی ژمێریاریی و وردبینی لە هەرێمی کوردستان پەسەند کرد

WEDNESDAY, 22 JANUARY 2020 17:01:40

هەولێر-KDP - ئەمڕۆ چوارشەممە 2020/1/22 ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆک وەزیران کۆبوونەوەی ئاسایی خۆی ئەنجامدا.

سه‌رۆكى هه‌رێمى كوردستان چاوى به‌ سه‌رۆك وه‌زیرانى ئوردن كه‌وت‌

WEDNESDAY, 22 JANUARY 2020 17:01:54

هەولێر-KDP.info-  هه‌ر له‌ په‌راوێزى به‌شداریكردنیدا له‌ كۆڕبه‌ندى ئابووریى جیهان له‌ داڤۆس، پاشنیوه‌ڕۆى ئه‌مڕۆ چوارشه‌ممه‌ 22/1/2020 به‌ڕێز نێچیرڤان بارزانى، سه‌رۆكى هه‌رێمى كوردستان، چاوى به‌ به‌ڕێز عومه‌ر ئه‌لڕه‌زاز سه‌رۆك وه‌زیرانى ئوردن كه‌وت.

نێچیرڤان بارزانى له‌گه‌ڵ وه‌زیرى ده‌ره‌وه‌ى سعوودیه‌ كۆبووه‌وه‌

WEDNESDAY, 22 JANUARY 2020 17:01:03

هەولێر-KDP.info-  سه‌رۆك نێچیرڤان بارزانى له‌گه‌ڵ وه‌زیرى ده‌ره‌وه‌ى عه‌ره‌بستانى سعوودیه‌ دۆخى عێراق و خۆپیشاندانه‌كانى به‌غدا و پارێزگاكانى دیكه‌ى وڵات و داواكارییه‌كانیان و داهاتووى پرۆسه‌ى سیاسى له‌ عێراق تاوتوێ ده‌كه‌ن و جه‌خت له‌ هه‌وڵى هێوردكردنه‌وه‌ى گرژییه‌كان و ڕێگرى له‌ په‌ره‌نه‌سه‌ندنى ئاڵۆزییه‌كان ده‌كه‌نه‌وه‌.



 
© 2020 Kurdistan Democratic Party, KDP