Kurdî  ■  كوردی  ■  عربي
SAT, 6 JUN 2020 04:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەزارگەکانی ئێزدییان ئاوەدان کرانەوە
| KDP.info


دەشتی نەینەوا-KDP.info- نەک هەر شنگال، بگرە ناوچە ئێزدینشینەکانی دەشتی نەینەواش کەوتنە بەر پەلاماری ڕێکخراوی تیرۆریستیی داعش و ناوچاکانیان کاول کرد. ئێزدییەکانی دەشتی نەینەوا لە هی شنگال جیاواز بوون، هیچیان نەکەوتنە دەست داعش، بەڵام هاوشێوەی شنگال ناوچەکانیان خاپوور کرا و هەموو مەزارگە و نیشانگە ئایینییەکانیان لەناو بران.

هەر ڕفاندن و کوشتن و ئاوارەکردن نا، بگرە لە لایەن داعشەوە هەموو پیرۆزەییە ئایینییەکانی ئێزدیانیان لەنێو بران و لە گرتە ڤیدیۆییەکانیشدا بە گاور لەقەڵەمیان دان.

لە دەشتی نەینەوا چەند ناوچەی ئێزدییان کەوتنە دەست داعش، وەکو ناحیەی باشیک و ناوچەی بەحزان و کۆمەڵگای بابیری کە دەکەوێتە سەر قەزای تلکێف لە دەشتی نەینەوا.

بەگوێرەی داتاکانی بەڕێوبەرایەتیی کاروباری ئێزدییان لە وەزارەتی ئەوقاف، ٦٨ مەزارگە و نیشانگەی ئایینیی ئێزدییان لە لایەن داعشەوە خاپوور کراون.

ئێزدییەکانی دەشتی نەینەوا هەموو مەزارگەکانیان لەسەر حیسابی خۆیان و لە ڕێگای خێرخوازانی نێو خەڵکەوە ئاوەدان کردەوە، کەچی حکوومەتی عێراق هیچ گرنگییەکیشی پێ نەداون.

نەسر حەجی دوملی، یەکێک لە خزمەتکارانی ئایینی ئێزدی لە باشیک دەڵێت: "داعش ٤٠ مەزارگە و نیشانگەی ئایینیی لەنێو بردبوون، بەڵام ئێمە بە هاوکاریی خێرخوازان هەموومان ئاوەدان کردنەوە وەک تەحەدایەک بۆ داعش و هاوبیرەکانیان."

نەسر حەجی دوملی بە ماڵپەڕی فەرمیی پارتی دیموکراتی کوردستان دەڵێ: "بۆ هەر مەزارگەیەکی ئایینی ٢٥ تا  ٣٠ هەزار دوڵاری تێچوو بووە، بەڵام تێچووی نیشانگەکان بە ڕێژەیەکی کەمتر بووە."

لە ٦/٨/٢٠١٤ داعش هێرشی کردە سەر تلکێف و کۆمەڵگای بابیری، کە دانیشتووەکانیان کوردی ئێزدین، بۆیەش هەرچی مەزارگە و نیشانگەیان هەبوو، لە لایەن داعشەوە خاپوور کران.

لەو بارەیەشەوە، فاڕووق شێخ فەخری، بەرپرسی ڕاگەیاندنی نووسینگەی لالشی ڕۆشنبیریی کۆمەڵگای بابیری ڕایگەیاند: "ئێمە چوار مەزارگەمان لە کۆمەڵگاکەمان هەیە، کە بریتین لە شەخسێ باتێ، شێخ موخفی و، دوو مەزارگەی مەلک شێخسن. کاتێک داعش هات هەر چواریان ڕووخاندن."

فاڕووق دەڵێ: "١٥ ڕۆژ کۆمەڵگاکەمان لە ژێر دەستی داعشدا بوو، دوواتر لە لایەن پێشمەرگەوە ڕزگار کرا، کەچی شارێکی کاول و پڕ لە ترس دیار کەوت."

فاڕووق بە ماڵپەڕی فەرمیی پارتی دیموکراتی کوردستان دەڵێ: "دوواتر کە هاتینەوە ناوچەکەمان بە هاوکاریی خێرخوازان و کەسایەتییە ئێزدییەکان دەستمان کرد بە ئاوەدانکردنەوەیان، وەک وەڵامدانەوەیەک بۆ دوژمنان، بۆ ئەوەی نەڵێن ئێزدی لە ناوچەکە نەماون، چونکە ئامانجیان لەنێوبردنی پێکهاتەکان و بەتایبەت ئێزدییەکان بوو لە ناوچەکەدا."

ئێزدییەکان بە جلوبەرگی ڕەسەنی ئێزدییان و نزاکردن بۆ خوا و پێشکێشکردنی خۆراک بۆ میوانان و هەژارانی ناوچەکە، هەموو مەزارگەکانیان بە ڕێوڕەسمی تایبەت، کە بابەشێخ، باوکی ڕۆحیی ئێزییان و تەواوی پیاوە ئایینییەکان و چەندین کەسایەتی تێیدا ئامادە بوون، کردەوە.

لەو بارەیەشەوە، جەعفەر سمۆ، بەڕێوبەری کاروباری ئێزدییان لە دهۆک، بە ماڵپەڕی فەرمیی پارتی دیموکراتی کوردستان دەڵێ: "هەرکاتێک زانیمان دەسەڵاتی عەسکەرتاری لە ناوچەکانی دەشتی نەینەوا و شنگال نامێنێت، هەموو مەزارگەکان نۆژەن دەکەینەوە."

سمۆ گوتیشی: ''ئێمە بەردەوامین لە نوژەنکردنەوەی تەواوی مەزارگەکانی ئێزدییان لە پارێزگای دهۆک و هاوکاری و هاوئاهەنگییش دەکەین بۆ ئەوانەی تر لە شنگال و دەشتی نەینەوا."

کــاروان بــاعەدری

 




دوایین هەواڵەکان

بڵند ئیسماعیل: پارتی لەگەڵ یەکڕیزییە لەسەر پرسە نیشتمانی و ستراتیژییەکان

THURSDAY, 04 JUNE 2020 17:06:10

هەولێر – KDP.info -  بەرپرسێکی پارتی دیموکراتی کوردستان ئاشکرای کرد، پارتی لەگەڵ یەکڕیزیی لایەنە سیاسییەکانە و دەشڵێ، پارتی و یەکێتی لەبارەی پرسە ستراتیژی و نیشتمانییەکان دەگەنە ڕێککەوتن و پارتی ئامادەیە بۆ تەباییی نێوان لایەنەکان لەپێناو بەرەژەوەندیی گشتی.

 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌

THURSDAY, 04 JUNE 2020 15:06:19

به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

 

خۆشناو: تاكه‌ هۆكاری كۆنه‌بوونه‌وه‌ی پەرلەمان خۆپارێزییه له‌ ڤایرۆسی كۆرۆنا نه‌ك بابه‌تی سیاسی

THURSDAY, 04 JUNE 2020 15:06:27

هەولێر-KDP.info- سەرۆكی فراکسیۆنی پارتی دیموكراتی كوردستان لە پەرلەمان كوردستان ئاشكراى کرد، حه‌فته‌ی داهاتوو كۆبوونه‌وه‌ی سه‌رۆكایه‌تیی په‌رله‌مان و سه‌رۆكفراكسیۆنه‌كانی په‌رله‌مان به‌ڕێوه‌ ده‌چێت و ڕێوشوێنه‌كانی ئه‌نجامدانی كۆبوونه‌وه‌ی پەرلەمانیش ده‌گیرێته‌ به‌ر. ده‌شڵێ: تاكه‌ هۆكاری كۆنه‌بوونه‌وه‌ی پەرلەمان خۆپارێزییه‌ له‌ ڤایرۆسی كۆرۆنا نه‌ك بابه‌تی سیاسی  .

 

شاندی حکوومەتی هه‌رێمی كوردستان دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌

THURSDAY, 04 JUNE 2020 14:06:11

به‌غدا-KDP.info-  سه‌رۆكی نوێنه‌رایه‌تیی حکوومەتی هه‌رێمی كوردستان له ‌به‌غدا گوتی، بڕیاره‌ ڕۆژی شه‌ممه‌ی داهاتوو ده‌نگ له‌سه‌ر ته‌واوكردنی كابینه‌ی نوێی حکوومەتی عێراق بدرێت و دواتر شاندی حکوومەتی هه‌رێمی كوردستان دێته‌ به‌غدا و دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌. ئه‌وانیش دارایی و ئه‌وه‌ی دیكه‌ش نه‌وت، چونكه‌ تا ئێستا وه‌زیری نه‌وت نییه، بۆیه‌ چاوه‌ڕێی وه‌زیری نه‌وت ده‌كرا و هه‌ركاتێك دانرا ئه‌وكات شاندی حکوومەتی هه‌رێم ئاماده‌یه‌ بۆ گفتوگۆ و چاوه‌ڕێی حکوومەتی عێراقە.

 

ئەكرەم ساڵح بۆ KDP: سەرەداوی تەقەكردن لە لیژنەی ناوچەی كفری دەست كەوتووە

THURSDAY, 04 JUNE 2020 11:06:24

گەرمیان-KDP.info- بەرپرسی لقی گەرمیانی پارتی دیموكراتی كوردستان، زانیاریی ورد لەبارەی تەقەكردن لە بارەگای لیژنەی ناوچەی پارتی لە سنووری كفری ئاشكرا دەكات و، باس لە هۆكارەكانی ئەو تەقەكردنە دەكات.

 


 
© 2020 Kurdistan Democratic Party, KDP