Kurdî  ■  كوردی  ■  عربي
MON, 20 JAN 2020 23:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

گوڕە بەکۆمەڵەکانی شنگال سووتاون
| KDP.info


شنگال-KDP.info- شنگالییەکان جیا لەوەی کە ئاوارە و دەربەردەر بوون و زیاتر لە هەزاران کەسیان لێ کوژراوە و زیاتر لە ٦ هەزار کەسیان لێ ڕفێنراوە و ٦٨ گۆڕی بەکۆمەڵ و تاکیان هەیە، ئێستا ئاگر بەربووەتە گۆڕە بەکۆمەڵەکانیان.

تا ئێستا چەندین زەویی کشتوکاڵی سووتاون، بەڵام سووتانی زەوییە کشتوکاڵییەکانی شنگال دوو جۆرە زیانیان هەیە، یەکێک زیانی بەروبوومە کشتوکاڵییەکانە و، ئەوەی دیکەش کە زیاتر شنگالییەکان ئازار دەدات سووتانی گۆڕەکانیانە.

تا ئێستا تۆمەتی ئاگربەردان لە شوێنێک بۆ شوێنیكی تر جیاوازە، هەندێک پێیان وایە داعش لەپشت ئەو کردەوانەوەیە و هەندێکیش دەڵێن دەستی لایەنە سیاسییەکان و کەسایەتی و هۆزەکانی لەپشتەوەیە.

لە شنگال ٦٨ گۆڕی بەکۆمەڵ هەن، جگە لە گۆڕی تاک. خدر دیڕۆ خانەسۆری، کەسایەتیی شنگالی دەڵێ: "داعش چەندین گۆڕی بەکۆمەڵی ئێزدییانی سوتاندووە، ئێستاش مەترسی لەسەر گۆڕە بەکۆمەڵەکانی تر هەیە."

خدر، کە ڕاوێژکاری ئەنجومەنی ڕۆحانیی ئێزدییانە، بە ماڵپەڕی فەرمیی پارتی دیموکراتی کوردستان دەڵێ: "داوا لە تەواوی جیهان دەکەین هەرچیی زووە کارێک بۆ ئەم گۆڕە بەکۆمەڵانە بکەن و بیانپارێزن."

ئێستا زۆر هێز و لایەن لە شنگالدا هەن، کەچی نەک توانای پاراستنی شنگالیان نییە، بگرە ناتوانن گۆڕێکی بەکۆمەڵیش بپارێزن.

دایە شەمی، یەکێک لەو قوربانیانەیە و ٧ کەسی خێزانەکەی لە گۆڕێکی بەکۆمەڵدان، بەڵام خۆی دەوروبەری گۆڕەکەی پاک کردووەتەوە، بۆ ئەوەی لە مەترسیی ئاگر بیپارێزیت.

دستەی کۆکردنەوەی بەڵگەی بۆ بەجینۆسایدناساندنی کەیسی ئێزدییان بە ماڵپەڕی فەرمیی پارتی دیموکراتی کوردستانی ڕاگەیاند، توانیویانە بە مەبەستی پشکنین و لێکۆڵینەوە، ١٣٨ ڕووفاتی ئێزدییان لەو گۆڕە بەکۆمەڵانە ڕەوانەی بەغدا بکەن.

کــاروان بــاعەدری




دوایین هەواڵەکان

ڕێکخراوی ناحکوومیی سویدی لە هاوکاریی مرۆیی و گەشەپێدان بۆ کوردستان بەردەوام دەبێت

MONDAY, 20 JANUARY 2020 19:01:42

هه‌ولێر-KDP.info- بەرپرسی ڕێکخراوی ناحکوومیی (سوێدۆ)ی سوێدی بۆ پرسەکانی هاوکاریی مرۆیی و گەشەپێدان لە هەرێمی کوردستان و عێراق و سووریا سەردانی مەکتەبی پەیوەندییەکانی دەرەوەی پارتی دیمۆکراتی کوردستانی کرد و لە لایەن بەڕێزان، هۆشیار سیوەیلی، بەرپرسی مەکتەب و ژمارەیەک لە ستافی پەیوەندییەکانی دەرەوەی (پ.د.ک) بە گەرمی پیشوازی کران.

 
لە داڤۆسی ٢٠٢٠ هەرێمی کوردستان لەنێو وڵاتە ئابووری و سیاسییەکانی جیهاندایە

MONDAY, 20 JANUARY 2020 19:01:48

دهۆک-KDP.info- فۆکسی هەموو دنیا و میدیاکان لەسەر کۆڕبەندی  ئابووریی جیهانی داڤۆسە. لەگەڵ نزیکبوونەوەی کۆڕبەندی ساڵانە، بە ئامادەبوونی سیاسەتمەداران و ئابووریناسان، وڵاتانی جیهان تاوتویی پرسە گرنگەکانی جیهان دەکەن، ئەمەش لە دوای گۆڕینی ئابووری و جیۆسیاسیی جیهانە.

 

وه‌زیری گواستنه‌وه‌ و گه‌یاندن: نووسراومان كردووه‌ بۆ كه‌مكردنه‌وه‌ی نرخی كارتی مۆبایل

MONDAY, 20 JANUARY 2020 16:01:57

هەولێر-KDP.info- وه‌زیری گواستنه‌وه‌ و گه‌یاندن ئاماژه‌ به ‌كاری كۆمپانیاكانی گواستنه‌وه‌ ده‌كات و باس له‌وه‌ ده‌كات نووسراویان كردووه‌ بۆ ئه‌وه‌ی كرێی كارتی مۆبایل كه‌م بكرێته‌وه‌.

 

زێدان برادۆستی: ئەمساڵ پڕۆسەی دامەزراندن دەست پێ دەکات

MONDAY, 20 JANUARY 2020 15:01:44

هەولێر-KDP.info- بڕیارە حکوومەتی ھەرێمی کوردستان دوای پێداچوونەوە و گەڕانەوەی داھات لە چوارچێوەی جێبەجێکردنی یاسای چاکسازیدا ژمارەیەک فەرمانبەری نوێ دابمەزرێنێت. پەرلەمانتارێکیش جەخت لەوە دەکاتەوە کە ئەمساڵ پڕۆسەی دامەزراندن دەست پێ دەکات.

 

مامۆستایەکی زانکۆ: لە داڤۆس پێوەندییە دیپلۆماسییەکانی دنیا دادەرێژرێتەوە

MONDAY, 20 JANUARY 2020 15:01:35

هەولێر-KDP.info - سەرۆک نێچیرڤان بارزانی بەشداری لە کۆڕبەندی ئابووریی داڤۆس دەکات، کە لەسەر ئاستی سەرۆکدا وڵاتانی جیهان بەشداریی تێدا دەکەن و، لەگەڵ سەرۆکی ئەمەریکا و چەندین سەرۆک و سەرۆکوەزیرانی تری وڵاتان دیدار و کۆبوونەوەیان دەبێت.

 



 
© 2020 Kurdistan Democratic Party, KDP