Kurdî  ■  كوردی  ■  عربي
TUE, 14 JUL 2020 09:20 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

به‌ڵێن عەبدوڵڵا: ڕێوڕەسمی سوێندخواردنه‌كه‌ی سه‌رۆكی هه‌رێم ئاشته‌واییی سیاسیی گەڕانده‌وه‌
| KDP.info


 
هەولێر -KDP.info- ئه‌ندامی ده‌سته‌ی سه‌ركردایه‌تیی حزبی زه‌حمه‌تكێشانی كوردستان ده‌ڵێت، خه‌ڵكی كوردستان چاوه‌ڕوانی زووپێكهێنانی حكوومه‌تن. پێشی وایه‌ یه‌كڕیزی، تاكه‌ چاره‌سه‌ری گرفته‌كانه‌.
 
بەڵێن عەبدوڵڵا، بۆ ماڵپەڕی فه‌رمیی پارتی دیموكراتی كوردستان گوتی: "کوردستان لە ماوەی ساڵانی ڕابردوودا بە قۆناغێکی سەخت و دژواردا تێپەڕی، دوای تێکشکاندنی داعش و چارەسەری بەشێک لە کێشەکان لەگەڵ بەغداد، ئێستا ھەرێمی کوردستان ھەنگاو بەرەو قۆناغێکی نوێ دەنێت، بەتایبەتی دوای ھەڵبژاردنەکانی پەرلەمانی کوردستان لە سەروبەندی پێکھێنانی حکوومەتداین، ئەو دوو ڕووداوەی ڕوویان دا بۆ ھەرێمی کوردستان گرنگ بوون، بەتایبەت ھەڵبژاردنی نێچیرڤان بارزانی بۆ سەرۆکی ھەرێم و كاك مەسروور بارزانی بۆ سەرۆکی حکوومەت. خەڵکی ھەرێمی کوردستان لە چاوەڕوانی ئەوەدان کابینەی حکوومەتی ھەرێم زوو پێک بھێنرێت، ڕەوشێکی نوێی سیاسی بێتە ئاراوە و کوردستان بەرەو ئایندەیەکی گەشتر ھەنگاو بنێت و دەسپێکێکی باش بێت بۆ یەکڕیزی و چارەسەریی ناوخۆمان بۆ ئەوەی ھەموو لایەکمان ئەرک و بەرپرسیاریەتیی دۆخەکە بگرینە ئەستۆ".
 
بەڵێن عەبدوڵڵا گوتیشی: "ڕۆژھەڵاتی ناوەڕاست ڕووبەڕووی مەترسیی گەورە بووەتەوە. ھەرێمی کوردستان پێگەیەکی بەھێزی لەو ھاوکێشە سیاسییانەدا ھەیە ئەمە وا دەکات ئێمە دەست بە دەستەکەوتەکانی خۆمانەوە بگرین و بیر لە یەکڕیزی و تەبایی بکەینەوە بۆ ئەوەی ئەو قۆناغە تێپەڕێنین، ئەمە جگە لەوەی خەڵک چاوەڕێی ئەوە دەکات بە بەرپرسیارییەکی گەورەوە بێینە مەیدانەکەوە، جگە لەوەش، لە بەرانبەر بەرپرسیارییەکی مێژوویداین."
 
بەڵێن عەبدوڵڵا ڕایشیگەیاند: "سوێندخواردنی کاک نێچیرڤان بارزانی ڕووداوێکی گەورە بوو، بەشداریی ئەو میوانانە لە ڕێوڕەسمەکەدا کوردستانی خستەوە ناو پێگەیەکی بەھێز و ڕێوڕەسمەکە ئاشتەواییی گەڕاندەوە بۆ ناو ھێزە سیاسییەکانی کوردستان."
 
 
كارزان سه‌باح  هه‌ورامی
 



دوایین هەواڵەکان

"لە دھۆک داواکاری بۆ تاپۆکردنی خانووی زێدەڕۆ پێشکەش دەکرێن"

MONDAY, 13 JULY 2020 18:07:13

ھەولێر -KDP.info-  دوای دەرچوونی یاسای تاپۆکردنی خانووی زێدەڕۆ لە سنووری بەڕێوەبەرایەتیی گشتیی شارەوانییەکانی دھۆک، پڕۆسەی وەرگرتنی مامەڵەی ھاووڵاتییان دەست پێ دەکات و بەرپرسێکی شارەوانییەکانیش دەڵێ، پێویستە ھەر ھاووڵاتییەک داواکارییەک بۆ تاپۆکردن پێشکەشی حکوومەت بکات.

 

سەرۆک بارزانی سه‌ره‌خۆشی له‌ سیسی ده‌كات

MONDAY, 13 JULY 2020 17:07:25

هەولێر-KDP.info-  پاش نیوەڕۆی ئەمڕۆ ۲۰۲۰/۷/۱۳، هێمن هەورامی، ئەندامی سەرکردایەتیی پارتی دیموکراتی کوردستان، بە نوێنەرایەتیی جەنابی سەرۆک مەسعوود بارزانی سەردانی کونسووڵخانەی گشتیی میسری لە شاری هەولێر کرد.

 
ئه‌كره‌م ساڵح: هێزی سوپای عێراق هێڵی سنووری خۆیان به‌زاندووه‌ و هاتوونه‌ته‌ قه‌راخ كفری

MONDAY, 13 JULY 2020 17:07:49

گەرمیان -KDP.info-  به‌رپرسی لقی 22ی گه‌رمیانی پارتی دیموكراتی كوردستان ئاماژه‌ به‌وه‌ ده‌كات كه‌ هێزی سوپای عێراق نزیك به ‌كفری بوونه‌ته‌وه‌ و له ‌به‌شێكی ناوچه‌ی گه‌رمیان هێڵه‌كانی خۆیان هێناوەته‌وه‌ پێشه‌وه‌ و سنووریان به‌زاندووه‌.

 
د. محەمەد قادر: دەرمانەکەی کۆرۆنا کاریگەریی لەسەر چاکبوونەوەی نەخۆشەکان دەبێت

MONDAY, 13 JULY 2020 16:07:53

هەولێر-KDP.info- ئەمڕۆ دەرمانی چارەسەری کۆرۆنا لە سەرتاسەری عێراق و ھەرێمی کوردستان دەخرێتە بەردەست و گوتەبێژی وەزارەتی تەندروستیش دەڵێ، دەرمانی ''Favipiravir'' کاریگەریی لەسەر چارەسەرکردنی نەخۆشەکان دەبێت.

 

سەرۆکی حکومەتی هەرێمی کوردستان سەرپەرشتی کۆبوونەوەیەکی لیژنەی باڵای ڕووبەڕووبوونەوەی کۆڕۆنا دەکات

MONDAY, 13 JULY 2020 15:07:54

ئەمڕۆ دووشەممە 2020/7/13 مەسرور بارزانی سەرۆکی حکومەتی هەرێمی کوردستان لە ڕێگەی ڤیدیۆ کۆنفرانسەوە، سەرپەرشتی لیژنەی باڵای وەزاری بۆ ڕووبەڕووبوونەوەی کۆڕۆنا کرد.

 


 
© 2020 Kurdistan Democratic Party, KDP

Contact