ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بە بۆنەی (٢٢)یەمین ساڵیادی دامەزراندنی ڕادیۆ و تەلەفزیۆنی دەروازە، پەیامێکی پیرۆزبایی ئاراستەی بەڕێوەبەر، ستافی بەڕێوەبردن، ھونەرکاران و سەرجەم کارمەندانی ڕادیۆ و تەلەفزیۆنی دەروازە کرد.
دەقی پەیامی بەشی ڕۆشنبیری و ڕاگەیاندنی پارتی دیموکراتی کوردستان.
بۆ (٢٢)یەمین ساڵیادی دامەزراندنی ڕادیۆ و تەلەفزیۆنی دەروازە.
بەڕێزان / بەڕێوەبەر، ستافی بەڕێوەبردن، ھونەرکاران و سەرجەم کارمەندانی ڕادیۆ و تەلەفزیۆنی دەروازە.
لە ساڵیادی دامەزراندنی ڕادیۆ و تەلەفزیۆنی دەروازەدا، پیرۆزباییەکی گەرم لە ئێوەی ھێژا و بیسەرانی ئازیزی ڕادیۆکەتان دەکەین، ئومێدەوارین بۆ لەمەودواش ھەنگاوی باشتر بنێن و زیاتر خزمەتی بواری ڕاگەیاندن و ڕۆشنبیریی کوردی بکەن و لە ئاست ئەو ئەرکە پیرۆزەتاندا بن.
مایەی دەستخۆشییە کە ڕادیۆ و تەلەفزیۆنی دەروازە لەو ماوەی تەمەنی کارکردنیدا، توانیویەتی بەرپرسانە ڕۆڵی شیاوی خۆی ببینێت و لە خزمەت پەیامەکەی و خواست و ویستی ھاووڵاتییاندا بێت.
لەو دەرفەتەدا پشتیوانیی خۆمان بۆ زیاتر پێشکەوتنی ڕادیۆ و تەلەفزیۆنی دەروازە دووپات دەکەینەوە و ھەمیشە بەردەوام و سەرکەوتوو بن.
بەشی ڕۆشنبیری و ڕاگەیاندنی پارتی دیموکراتی کوردستان
١١ی ئەیلوولی ٢٠٢٦