دھۆک-KDP. info- ئەڤرۆ ٢٦ێ تەباخا ٢٠٢٦ێ، ڕێڤەبەرییا گشتی یا شەهید و ئەنفالکریان ل دهۆکێ و سەنتەرێ ڤەکۆلینێن جینۆسایدێ ل زانکۆیا دهۆک، ڕێوڕەسمەکێ شایستە ب هەلکەفتا ٣٨ مین سالیادا تاوانا ڕەش یا ئەنفالێن بەهدینان ل هۆلا کۆنفرەسان هاتە ڕێکئێخستن.
ئەڤ ڕێوڕەسمە ب ئامادەبوونا بەڕێزان سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پ.د.ک ل بەھدینان، د. عەلێ تەتەر، پارێزگارێ دھۆکێ، د. ناڤسەر نوری بریکارێ وەزارەتا شەھید و ئەنفالکریان، " بەهرام عریف یاسین، بەرپرسێ لقا ١٨ ،لقێن ١ و ٢٠، دگەل دەستەیا لقا ١٨ و بەرپرسێن ناوچان، کەس و کارێن سەربلندێن ئەنفالکریان و ژمارەکا بەرچاڤ یا بەرپرسێن میری، حزبی و جەماوەرەکێ بەرفرەھ هاتە سازکرن.
د چوارچۆڤێ بەرنامێ ڕێوڕەسمێ دا، د. عەلی تەتەر پەیڤەک پێشکەشکر و ب بەرفرەھی ل سەر ڤێ تاوانا مەزن یا ڕێژێما بەعسا ژناڤچووی ڕاوەستیا. پاشان پەیڤا کەس و کارێن ئەنفالکراوان ژ لایێ کچەکا ئێزدی یا ڕزگاربوویا ئەنفالان ھاتە پێشکەشکرن.
ل تەوەرەکێ دی یێ ڕێوڕەسمێ دا، بەڕێز سەربەست لەزگین د دیبەیتەکێ دا باس ل هۆکارێن ئەنجامدانا ڤێ تاوانێ ژ لایێ ڕژێما بەعسا ژ ناڤچوویڤە کر، ھەروەسا وێنەیەکێ زەلال ل سەر تراژیدیایا مرۆڤی و پەنابەربوونا ب دەھان ھزار کەسان بۆ وەڵاتێ ترکیا ڤەگوھازت، هەروەسا ڕۆڵێ مێژوویی و مرۆڤایەتی یێ خەلکێ باکوورێ کوردستانێ د حەواندن و هەمبێزکرنا خەلکێ مە دا بلند نرخاند.
ل دووماھیا ڕێوڕەسمان، خەلاتێن ڕێزلێنانێ ب سەر کەس و کارێن سەربلندێن ئەنفالکریان دا هاتنە دابەشکرن.