ھەولێر-KDP.info- بارەگای بارزانی، لە ڕاگەیەندراوێکدا، ئیدانەی ئەو هێرشە درۆنییەی کرد کە بەرەبەیانیی ئەمڕۆ پیرمامی کردە ئامانج. لە ڕاگەیەندراوەکەدا جەخت لەوە کراوەتەوە کە هەرێمی کوردستان هیچ کاتێک بەشێک نەبووە لە شەڕ و گرژییەکانی ناوچەکە، بەکارهێنانی درۆن و مووشەکیش هیچ کێشەیەک چارەسەر ناکات.
دەقی ڕاگەیەندراوەکەی بارەگای بارزانی:
بەناوی خودای بەخشندە و میهرەبان
زۆر بە توندی ئیدانەی ئەو هێرشە درۆنیە دەكەین كە بەرەبەیانیی ڕۆژی دووشەممە 17ی ئابی 2026 لەو دیوی سنووری ئێرانەوە كرایە سەر نووسینگەی سەرۆك وەزیران و شوێنی حەوانەی بەڕێوەبەری ئاژانسی پاراستنی لە پیرمام.
هەرێمی كوردستان هیچ كاتێك بەشێك نەبووە لەم شەڕ و گرژییانەی لە ناوچەكەدا هەیە و ئەم جۆرە هێرشە ناڕەوایانە كە هیچ بیانوویەك هەڵناگرن، هەوڵدانە بۆ تێكدانی سەقامگیریی هەرێمی كوردستان. بە دڵنیاییەوە بەكارهێنانی درۆن و موشەك چارەسەری كێشەكان ناكات.
بارەگای بارزانی
17ی ئابی 2026