هەولێر-KDP.info- ئێوارەی ئەمڕۆ یەکشەممە ١٥ـی شوباتی ٢٠٢٦، دکتۆر هێمن هەورامی، ئەندامی مەکتەبی سیاسیی پارتی، بە نوێنەرایەتی سەرۆک مەسعود بارزانی، بەشداریی لە ڕێوڕەسمی یادی ٦٦ ساڵەی لەدایکبوونی ئیمپراتۆری ژاپۆن کرد، کە وەک ڕۆژی نیشتمانیی ئەو وڵاتە لە هەولێری پایتەخت بەڕێوەچوو.
لە مەراسیمەکەدا، دکتۆر هێمن هەورامی پیرۆزبایی گەرمی سەرۆک بارزانی گەیاندە باڵیۆزی ژاپۆن لە عێراق و کونسوڵی گشتیی ژاپۆن لە هەرێمی کوردستان. هەروەها جەخت لەسەر خواستی هەرێمی کوردستان و سەرۆک بارزانی کرایەوە بۆ پەرەپێدانی زیاتری پەیوەندییە دووقۆڵییەکان لە بوارە جیاجیاکاندا و سوپاسی ڕۆڵی ژاپۆن کرا لە پشتگیریکردنی گەشەپێدانی هەرێمی کوردستان.
