هەولێر-KDP.info- بەڕێوەبەری پۆلیسی پارێزگای هەولێر ڕایدەگەیەنێت، پلانی ئەمنیی ڕۆژانی پشووی سەری ساڵ 100% سەركەوتوو بووە و سەروماڵی هاووڵاتییان پارێزراو بوو.
بەڕێوەبەری پۆلیسی پارێزگای هەولێر (عەمید کامل بەرزنجی)، تایبەت بە ماڵپەڕی فەرمیی پارتی دیموکراتی کوردستانی ڕایگەیاند، ئەو پلانە ئەمنییەی هێزەكانی بەڕێوەبەرایەتیی پۆلیسی پارێزگای هەولێر بە هەماهەنگیی گشت هێزە ئەمنییەكانی تر بۆ ڕۆژانی پشووی سەری ساڵ دامانڕشتبوو، 100% سەركەوتوو بوو.
(عەمید کامل بەرزنجی) باسی لەوەش کرد، لە سەرجەم ڕۆژەکانی پشووی سەری ساڵدا، هاووڵاتییان و گەشتیاران لەوپەڕی ئارامیدا بۆنەکەیان بە خۆشی و بێ هیچ گرفتێک بەڕێکرد.
بەڕێوەبەری پۆلیسی پارێزگای هەولێر دەشڵێ، سەرکەوتنی ئەو پلانە ئەمنییەی دانرابوو، جێگەی دڵخۆشییە كە ئەو بۆنەیەش بە سەلامەتی و بێ كێشە بەڕێوە چوو، ئێمەش وەك هەمیشە پارێزەری سەر و سامانی هاووڵاتییانین و خۆمان بە خزمەتكاری ئارامی راستەقینەیان دەزانین.
ئومێد بابان