نهینهوا -KDP.info- یاریدهدهری بهرپرسی مهكتهبی ڕێكخستنی پارتی له نهینهوا ئاماژهی بۆ ئهوه كرد "پارتی لهگهڵ ئیدارهی نهینهوا بهردهوام له ههوڵ دابووه خزمهتگوزاری پێشكهش به هاووڵاتییان بكات."
مهحموود ئێزدی، یاریدهدهری بهرپرسی مهكتهبی ڕێكخستنی پارتی له نهینهوا به ماڵپهڕی فهرمیی پارتی دیموكراتی كوردستانی ڕاگهیاند "نزیكهی سێ ساڵه مهكتهبی ڕێكخستنی پارتی له نهینهوا دهستبهكار بووه، بهپێی ئهو پلانهی ههمانه لهگهڵ ئیدارهی نهینهوا، بهتایبهتی پارێزگاری نهینهوا، عهبدولقادر دهخیل و جێگری پارێزگاری نهینهوا سیروان ڕۆژبهیانی، دەربارەی خزمهتگوزاری كهمتهرخهمیمان نهكردووه، چونكه بهردهوام لهگهڵ پارێزگاری نهینهوا و جێگری پارێزگار لهسهر خهت بووینه و ئهوهندەی توانیبێتمان وهك حزب داواكاری خهڵكی نهینهوامان گهیاندووەته ئیداره و ئەنجامیشی ههبووه."
یاریدهدهری بهرپرسی مهكتهبی ڕێكخستنی پارتی له نهینهوا گوتیشی "پارتی بهبێ جیاوازی خزمهتی ههموو خهڵكی نهینهوای كردووه، به ههموو پێكهاته نهتهوهیی و ئاینییەکانەوە، ههتا لهڕووی ئهمنیهوه كێشهی هاووڵاتییانمان چارهسهر كردووه، بهتایبهتی ئهو كێشانهی له بازگهكان بۆ خهڵك دروست دهكران."
مهحموود ئێزدی ئاماژهی بۆ ئهوه كرد "ئێمه خۆمان به غریب نابینین له پارێزگای نهینهوا، چونكه پارتی ههر له دامهزارندنیهوه تا ئێستا لە نهینهوا پێگهیهكی بههێزی ههبووه، نهینهوا پارێزگای پێكهوهژیانی ههموو پێكهاتهكانه، فهرمانی سهرۆك بارزانییه ئێمه خزمهتی خهڵك بكهین و لهگهڵ داواكاری ڕهوای خهڵك بین بهبێ جیاوازی."
قائید میرۆ