فازڵ عومه‌ر
١٦ی ئاب ڕۆژی له‌دایكبوونی ڕابه‌رێكه، كه له‌ئێستادا تاكه مه‌رجه‌ع و هیوا و هێزی نه‌ته‌وه‌كه‌یه‌تی، یادی دامه‌زراندنی پارتێكه خاوه‌ن ڕابردووی پڕ شكۆ و مێژووی پڕ له شانازیی و سه‌روه‌رییه، خاوه‌ن ئێستایی خۆنه‌چه‌ماندن و روئیا و ستراتیژه بۆ ئاینده‌یی نیشتمان و نه‌ته‌وه‌كه‌ی، خۆبه‌خش و قوربانیده‌ر و خاوه‌ن هه‌زاران شه‌هیده له پێناوی دۆزی ڕه‌وا و پاراستنی خاكی پیرۆزی كورستان و شكۆی تاكی كورد.
ئه‌مڕۆژه رۆژێكی دیرۆكییه له ئاستێكی به‌رزدا شیاوی یادكردنه‌وه و به‌رز ڕاگرتنه له‌كاتێكدا یادی ئه‌مڕۆژه ده‌كه‌ینه‌وه ٧٨ ساڵ، به‌سه‌ر دامه‌زراندنی گه‌وره‌ترین و پڕ جه‌ماوه‌ریترین پارتی سیاسی و له دایكبوونی رابه‌ره‌كه‌یدا تێده‌په‌ڕێت، خه‌بات و قوربانیدان و سه‌روه‌ری و ده‌ستكه‌وته‌كانی به ئه‌ندازه‌یه‌كن كه مرۆڤ شانازیی ده‌كات ئینتمایی بۆ ئاوها پارتێك و ڕابه‌ره‌كه‌ی هه‌بێت له‌گه‌ڵیدا خه‌بات بكات بۆ به‌دیهێنانی ئه‌و ئامانجه ڕه‌وایانه‌ی له پێناویدا دامه‌زراوه.
گرنگه هه‌موولایه‌ك ئه‌و ڕاستیه بزانن ٧٨ ساڵه ئه‌م پارته به‌پێوه وه‌ستاوه درێژه پێده‌ری ڕێبازه پیرۆزه‌كه‌ی بارزانی نه‌مره و هیچ هێز و بارودۆخێك نه‌یتوانیووه بیچه‌مێنێت، زیاتر له‌وه هه‌ر موئامه‌ره‌یه‌ك دژی ده‌كرێت به‌هێز و به‌هێزتری ده‌كات، ئاسان نیه و به‌ڵكو له ئه‌سته‌م نزیكه له‌ناو ئه‌و هه‌لومه‌رجه ئیقلیمی و ناوخۆییه‌دا ڕۆژبه‌ڕۆژ گه‌شه ده‌كات و تادێت ئه‌و ڕاستیه زیاتر روون ده‌بێته‌وه كه ئه‌م پارته تاكه نوێنه‌ر و ناسنامه‌یی نه‌ته‌وه‌كه‌یه‌تی.
له‌گه‌ڵ هه‌موو ئه‌و پیلانه‌ی دوژمنان و ناحه‌زانی دۆزی نه‌ته‌وه‌كه‌مان ده‌رهه‌ق به‌م پارته‌ی ده‌كه‌ن بۆ له‌حزه‌یه‌كیش سازشی له‌سه‌ر بستێك خاكی كوردستان نه‌كردووه و پێداگری ده‌كات له‌م پێناوه‌دا.
ئه‌م پارته و خه‌باتی ڕه‌وایی وایكردووه پێگه‌ی له‌چوارچێوه‌یی حیزبێكی لۆكاڵیدا نه‌مێنێته‌وه، پێگه‌ی ئیقلمی و ته‌واجودی له مه‌حفه‌لی نێوده‌وڵه‌تیدا پێبه‌خشیووه، به‌شێوه‌یه‌ك مامه‌ڵه له‌گه‌ڵ دۆزی كورد یه‌كسانه به مامه‌ڵه له‌گه‌ڵ پارتی و ڕابه‌ر و سه‌ركردایه‌تیه‌كه‌ی.
ئه‌م پارته و ڕابه‌ر و سه‌ركردایه‌تیه‌كه‌ی له‌سۆنگه‌ی ئه‌و بڕوایه‌یی كه ئه‌ركی پاراستنی كوردستان و دۆز و ده‌ستكه‌وته‌كانی له ئه‌ستۆی ئه‌واندایه، هه‌میشه زه‌مینه‌سازییان كردووه بۆ پێكه‌وه ژیان و لێبورده‌بووه و زۆرجار له پێناو سه‌قامگیری و یه‌كپارچه‌یی خاكه‌كه‌ی ته‌نازولی له‌حه‌قی خۆیی كردووه بۆ ئه‌وانی دی، ده‌رفه‌تی به‌شداری بۆ ته‌واوی پێكهاته و نه‌ته‌وه و ئاین و ئاینزاكانی تر ره‌خساندووه هه‌میشه له‌و پێناوه‌دا تێكۆشاوه كه هه‌رێمی كوردستان وه‌ك تابلۆیه‌كی ڕه‌نگا و ڕه‌نگ نیشانی ده‌ره‌وه‌ی خۆی بدات و بكات به‌پێوه‌رێك بۆ هه‌ڵسه‌نگاندنی هه‌رێمی كوردستان له‌سه‌ر ئاستی ئیقلمی و نێوده‌وڵه‌تی.
له ئێستادا كه به‌ره‌و هه‌ڵبژاردنی په‌رله‌مانی كوردستان ده‌چین، سه‌ره‌ڕای ئه‌و ئاڵه‌نگارییانه‌ی كه هه‌یه ئه‌م پارته به‌و په‌ڕی بڕوا و متمانه به‌خۆیی و لایه‌نگره‌كانی پشتبه‌ست به به‌ڵێنی ڕابه‌ره‌كه‌ی كه له‌به‌هاری ١٩٩١ له‌وتارێكدا پێشكه‌شی خه‌ڵكی راپه‌ڕیووی كوردستانی كرد، له پێناو دیموكراسی به‌شداری راسته‌وخۆیی هاووڵاتیان له‌دیاریكردنی نوێنه‌ری دڵخوازی خۆیان، ئاماده‌كاری ده‌كات و دڵنیایه و هیچ گومانی له‌وه نیه كه وه‌ك پارتی ژماره‌یه‌ك له گۆڕه‌پانی سیاسی هه‌رێمی كوردستاندا ده‌مێنێته‌وه، تێده‌كۆشێت له‌پێناو دانانی به‌ردی بناغه‌ی ئاینده‌یه‌كی نوێ له پێناو پارێزگاری له‌كیانی هه‌رێمی كوردستان و ده‌ستكه‌وته‌كانی و پارێزگاریكردن له به‌رهه‌می خوێنی شه‌هیدان.
به‌م دروشمه‌وه یادی ئه‌م رۆژه ده‌كه‌ینه‌وه ئه‌م رێبازه له‌بیر ناكه‌ین په‌یمانه، رێی بارزانی و كوردستان یان نه‌مانه به‌رز و پیرۆز بێت ئه‌م یاده، ته‌مه‌نی درێژ بۆ ڕابه‌رمان سه‌رۆك بارزانی و له‌پێشه‌نگدا بمێنێته‌وه پارتیمان پارتی دیموكراتی كوردستان.