Kurdî  ■  كوردی  ■  عربي
SAT, 25 MAY 2024 16:41 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

مەکتەبی سیاسیی پارتی پیرۆزبایی لە حزبی سۆسیال دیموکراتی کوردستان دەکات
| KDP.info


ھەولێر-KDP.info- بەبۆنەی کۆتایی ھاتنی ھەشتەمین کۆنگرەی حزبی سۆسیال دیموکراتی کوردستان، مەکتەبی سیاسیی پارتی پەیامێکی پیرۆزبایی ئاراستەی سەرۆکی حزبی سۆسیال دیموکراتی کوردستان کرد.


دەقی پەیامی پیرۆزبایی مەکتەبی سیاسی پارتی بۆ حزبی سۆسیال دیموکراتی کوردستان.

بەڕێز/ کاک محەممەدی حاجی مەحموود، سەرۆکی حزبی سۆسیال دیموکراتی کوردستان.

بەبۆنەی بەستن و بەسەرکەوتوویی کۆتایی ھاتنی ھەشتەمین کۆنگرەی پارتەکەتان و ھەڵبژاردنەوەی بەڕێزتان وەک سەرۆکی حزبی سۆسیال دیموکراتی کوردستان، گەرمترین پیرۆزبایی لە بەڕێزتان و ئەندامانی سەرکردایەتی و سەرجەم کادیر و ئەندام و لایەنگرانی حزبە تێکۆشەرەکەتان دەکەین و، ھیوای سەرکەوتنتان بۆ دەخوازین.

ئومێدەوارین بڕیار و ڕاسپاردە و ئەنجامەکانی کۆنگرەکەتان لە ئاست گۆڕانکارییەکان و پێداویستی قۆنەغەکە دابن و خزمەتی ئامانجە ھاوبەشەکانمان و دۆزی ڕەوای گەلەکەمان بکەن.

لەم دەرفەتەدا جەخت لە ھەماھەنگی و ھاوڕیزی نێوانمان و سەرجەم حزب و لایەنە سیاسییەکانی کوردستان دەکەینەوە لە پێناو خۆشگوزەرانی ھاووڵاتیان و پاراستنی ھەرێم و ھێنانەدی بەرژەوەندییە باڵاکانی گەلی کوردستان.

جارێکی دیکە پیرۆزباییتان لێدەکەین و ھەر سەرکەوتووبن. 
                                                                     
مەکتەبی سیاسیی پارتی دیموکراتی کوردستان
٦ـی نیسانی ٢٠٢٤




دوایین هەواڵەکان

بەرپرسی لقی یەکی پارتی بۆ KDP: بووینەتە ڕایەڵەیەکی گرنگی نێوان خەڵک و حکوومەت

SATURDAY, 25 MAY 2024 12:05:02

دھۆک-KDP.info- بەرپرسی لقی یەکی پارتی دیموکراتی کوردستان رایگەیاند، کابینەی نۆیەمی حکوومەتی ھەرێمی کوردستان بە سەرۆکایەتیی مەسروور بارزانی، خزمەتێکی گەورەی پارێزگای دھۆکی کردووە و دەشڵێ؛ ئێمە بووینەتە ڕایەڵەیەکی گرنگی پەیوەندیی نێوان خەڵک و حکوومەت بۆ گەیاندنی داواکارییەکانیان و حکوومەتیش داواکارییەکانی ئێمە زۆر بە باشی لەبەر چاو دەگرێت.

 
سەرۆک بارزانی پێشوازی لە شاندێکی وەزارەتی دەرەوەی قەتەر دەکات

SATURDAY, 25 MAY 2024 11:05:54

هەولێر-KDP.info- ڕۆژی شەممە 25ی ئایاری 2024 لە سەلاحەددین سەرۆک مەسعود بارزانی پێشوازی لە شاندێکی وەزارەتی دەرەوەی قەتەر کرد کە پێکهاتبوو لە بەڕێز ئەحمەد بن حەسەن ئەلحمادی ئەمینداری گشتیی وەزارەتی دەرەوەی قەتەر و بەڕێز سوڵتان بن موبارەک ئەلکوبەیسی باڵیۆزی قەتەر لە عێراق و بەڕێز حوسێن بن علی ئەلفەزالە کونسوڵی گشتیی قەتەر لە هەولێر.

 
ئەمڕۆ فوئاد حوسێن سێ پارچەی گرانبەهای شوێنەواری عێراقی وەرگرتەوە

FRIDAY, 24 MAY 2024 22:05:09

سویسرا-KDP.info- وەزیری ناوخۆی سویسرا سێ پارچەی شوێنەواری عێراقی رادەستی وەزیری دەرەوەی عێراق کردەوە. وەزارەتەکە دەڵێت: "گومان دەکەین بە رێگەیەکی نایاسایی لە عێراق برابێتنە دەرەوە." 

 
سه‌رۆکی هه‌رێمی کوردستان گه‌ڕایه‌وه‌ هه‌رێمی کوردستان

FRIDAY, 24 MAY 2024 22:05:18

هه‌ولێر-KDP.info- ئێواره‌ی ئه‌مڕۆ هه‌ینی ٢٠٢٤/٥/٢٤ به‌ڕێز نێچیرڤان بارزانی، سه‌رۆکی هه‌رێمی کوردستان، دوای ته‌واوبوونی به‌رنامه‌ی سه‌ردانه‌ فه‌رمییه‌که‌ی بۆ ئیمارات و کۆبوونه‌وه‌ی له‌گه‌ڵ سه‌رۆکی ئیمارات به‌ڕێز شێخ محه‌مه‌د بن زاید ئال نه‌هیان له‌ ئه‌بو زه‌بی، گه‌ڕایه‌وه‌ هه‌ولێر.

 

لیوا عەبدولخالق بۆ KDP: بازگەکانی کەرکووک ڕادەستی ھێزەکانی پۆلیس کران

FRIDAY, 24 MAY 2024 22:05:14

کەرکووک-KDP.info- نوێنەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق  گوتی، بەبڕیاری سەرۆکوەزیرانی عێراق دەست بە جێبەجێکردنی پلانی ڕادەستکردنی ئەمنیەتی بازگەکان بە ھێزەکانی پۆلیس کرا و لە دەست سوپا نەماوە.

 


 
© 2023 Kurdistan Democratic Party, KDP

Contact