Kurdî  ■  كوردی  ■  عربي
SAT, 9 DEC 2023 01:17 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

وردەکاری پەسەندکردنی مادده‌كانی پڕۆژەیاسای بودجە كه‌ پەیوەستن بە ھەرێمی کوردستان
| KDP.info


بەغدا-KDP.info- ئەندامێکی لیژنەی نەوت و غاز لە پەرلەمانی عێراق باسی وردەکاری پەسەندکردنی ئەو مادانەی پەیوەست بە ھەرێمی کوردستانن لە پڕۆژە یاسای بوودجە ھەروەھا ئەو مادەی ماوەش پەسەند بکرێت دەکات و دەڵێت، تاوەکو ئێستا ئەو مادانەی پەسەند کراون ئێمە پێی ڕازین و بەھۆی ناڕەزایەتی ئێمەش ماددەی 14 بۆ ئەمڕۆ دواخراو چاوەرێ دەکرێت ئەمڕۆ بوودجە بە تەواوی پەسەند بکرێت.

ئەندامی لیژنەی نەوت و غاز لە پەرلەمانی عێراق، دکتۆر سەباح سوبحی، بۆ ماڵپەڕی فەرمیی پارتی دیموکراتی کوردستان گوتی: "ھەردوو ماددەی 12 و 13ی تایبەت بە پشکی ھەرێمی کوردستان لە پڕۆژە یاسای بوودجەی گشتی عێراق تێپەری و ماددەی 14 ماوە، ئێمە لە خاڵی حەوتەم کێشەمان ھەبوو کە حکوومەتی ھەرێم و بەغدا لیژنەیەکی ھاوبەش پێکدێنن بۆ ئەوەی ئەگەر ھات ھەر کێشەیەک ھەبێت، ڕاسپاردەی خۆیان بەرزبکەنەوە بۆ سەرۆکوەزیرانی عێراق و ئەو رێکارەکان بگرێتەبەر و بڕیار بدات، ھەروەھا ئەگەر ئەویش دەستکاری کرا و سەرۆکوەزیرانیش لابرا نابێت لە دەستوور لابدات و ئەگەر کێشە ھەبوو بڕیاری دادگای فیدراڵی جێبەجێ بکرێت بە بڕینی بوودجە ئێمەش ئەوەمان قبوڵ نەکرد کە مادەیەکی زۆر مەترسیدارە، چونکە دەتوانن دژی ئێمە بەکاری بێنن و بیانومان پێبگرن، بۆیە ئەو مادەیە دەنگی لەسەر نەدرا و بۆ ئەمڕۆ دواخرا و لەسەر مادەکانی دیکە گفتووگۆ کرا، کە بڕیارە ئەمڕۆ کاتژمێر 5:00ی ئێوارە کۆبوونەوە دەست پێدەکات".

دکتۆر سەباح سوبحی گوتیشی: "ماددەی 12 پەسەندکرا کە باس لەوە دەکات ھەرێمی کوردستان داھاتی خۆی ھەیە چۆن سەرفی دەکات و قەرزەکانی چۆنە، واتا ھەموو وردەکارییەکەی تێدایە و لە مادەی 13 دوو بڕگە لەخۆدەگرێت، یەکێک باسی تەسویاتی مالی نێوان ھەرێم و بەغدا لە 2004 تا ئێستا بکرێت و لە بڕگەی دووەم باسی پابەندبوون دەکات کە ھەرێمی کوردستان 400 ھەزار بەرمیل نەوت بفرۆشێت بە رێگای بەندەری جەیھان بە ھەماھەنگی لە نێوان کۆمپانیای سۆمۆ لەگەڵ وەزارەتی سامانە سروشتییەکان و ئەگەر نەتواندرا بیفرۆشن لە ناوخۆ بەکار دەھێندرێت و وەزارەتی دارایی قەرەبووی ھەرێمی کوردستان دەکات لە تێچووی بەرھەمھێنان و گواستنەوە و دەرھێنانیش کە بەغدا پارە دەدات و ھەرێمی کوردستانیش پێویستە داھاتە نانەوتییەکان پێیەوە پابەندبێت، بۆیە مانگانە زیاتر لە ترلیۆنێک دینار بۆ ھەرێمی کوردستان دێت".

سوبحی باسی لەوەشکرد: "بڕگەی پاشەکەوت لابرا بەھۆی ئەوەی وەزارەتی دارایی حکومەتی عێراق ئامادە نەبوو بوودجەی بۆ دابین بکات و ئەو بڕگەی باسی ئەوە دەکات بە شێوەی جیا مامەڵە لەگەڵ پارێزگاکانی ھەرێم بکرێت ئەوەش لادرا، بۆیە پێموایە ئەمڕۆ پڕۆژە یاساکە پەسەند دەکرێت بە تەواوی، چونکە گفتووگۆ دانوستان بەردەوامە".

 

بڵند ئیبراھیم

 




دوایین هەواڵەکان

سه‌رۆكى هه‌رێمى كوردستان به‌دواداچوون بۆ ڕووداوه‌ دڵته‌زێنه‌كه‌ى سۆران ده‌كات

SATURDAY, 09 DECEMBER 2023 00:12:28

ئیمشه‌و هه‌ینى 2023/12/8 به‌ڕێز نێچیرڤان بارزانى، سه‌رۆكى هه‌رێمى كوردستان له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز هەڵگورد نەجیب، سەرپەرشتیاری ئیدارەی سەربەخۆی سۆران، به‌دواداچوونى بۆ ڕووداوى ئاگركه‌وتنه‌وه‌ له‌ باڵاخانه‌یه‌كى سۆران كرد كه‌ له‌ ئه‌نجامدا ژماره‌یه‌ك له‌ نیشته‌حێبووانى گیانیان له‌ده‌ستدا و ژماره‌یه‌كى دیكه‌ش بریندار بوون.

 
پەیامێک لە سەرۆک بارزانییەوە

SATURDAY, 09 DECEMBER 2023 00:12:40

بەبیستنی هەواڵی ناخهەژێنی ئاگركەوتنەوە لە باڵاخانەیەكی نیشتەجێبوون لە شاری سۆران زۆر خەمبار بووم، كە بەداخەوە لەو ڕووداوەدا ژمارەیەك هاووڵاتی گیانیان لەدەستداوە و ژمارەیەكی تریش بریندار بوون. پرسە و سەرخۆشیی خۆم ئاراستەی بنەماڵە و كەسوكاری قوربانیانی ئەو كارەساتە دەكەم و خۆم بە هاوبەشی خەمیان دەزانم.

پەیامێک لە سەرۆک بارزانییەوە

SATURDAY, 09 DECEMBER 2023 00:12:24

هه‌ولێر-KDP.info- سەرۆک بارزانی لەبارەی رووداوی ئاگرکەوتنەوە لە باڵەخانەیەکی نیشتەجێبوونی سۆران پەیامێکی سەرەخۆشی بڵاوکردەوە.

 
هەڵگورد نەجیب: لیژنەیەک بۆ ئاشکراکردنی هۆکاری روداوەکە پێکدەهێنرێت

FRIDAY, 08 DECEMBER 2023 23:12:42

سۆران-KDP.info- سەرپەرشتیاری ئیدارەی سه‌ربه‌خۆی سۆران رایگەیاند، ئەو کەسانەی لە روداوی ئاگرکەوتنەوەکە گیانیان لەدەستداوە 10یان پیاون و 4یان ژنن دۆخی بریندارەکان لە ئێستادا جێگیرە، لیژنەیەکی تایبەت بە لێکۆڵینەوە لەسەر روداوەکەش پێکدەهێنرێت.

 
مەسروور بارزانی پەیوەندیی بە سەرپەرشتیاری ئیدارەی سەربەخۆی سۆرانەوە کرد

FRIDAY, 08 DECEMBER 2023 22:12:34

هه‌ولێر-KDP.info- سەرۆکی حکوهومەتی هەرێمی کوردستان لەبارەی رووداوی ئاگرکەوتنەوە لە باڵەخانەیەکی سۆران، پەیوەندی بە بەرپرسی ئیدارەی سەربەخۆی سۆران دەکات و دامەزراوە پەیوەندیدارەکانی حکوومەتی راسپارد کە هەرچی پێویستە بۆ هاوکاری و بەهاناوەچوونی لێقەوماوانی رووداوەکە بکەن.

 


 
© 2023 Kurdistan Democratic Party, KDP

Contact