مەکتەبی سیاسی: ماڵپەڕی KDP سەرچاوەیەکی گرنگی متمانەی خوێنەرە

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

TUE, 28 FEB 2023 14:59 | KDP.info

هەولێر-KDP.info- مەکتەبی سیاسیی پارتی دیموکراتی کوردستان، بە بۆنەی (12)هەمین ساڵیادی دامەزراندنی ماڵپەڕی فەرمیی پارتی دیموکراتی کوردستان، پیرۆزبایینامەیەکی بڵاو کردەوە. دەقی پیرۆزبایینامەکە:

بەڕێزان/ بەڕێوەبەر و ستافی بەڕێوەبردن و نووسەرانی ماڵپەڕی فەرمیی پارتی دیموکراتی کوردستان (KDP.info).

ئەمڕۆ (12) ساڵ بەسەر دامەزراندنی ماڵپەڕی فەرمیی پارتی دیموکراتی کوردستان (KDP.info) تێدەپەڕێ، ئەو کەناڵە گرنگەی شانبەشانی ئۆرگان و دامودەزگاکانی دیکەی راگەیاندنی پارتیمان رۆڵی شیاوی خۆی بینیوە لە بواری میدیای ئەلکترۆنیدا، هەروەها لەو تەمەنەی کارکردنیدا توانیویەتی خزمەتێکی بەرچاو پێشکەش بکات و بە پێی سیستەمێکی گونجاو و راستگۆیانە هەواڵ و پەیامی خۆی بە خوێنەرانی بگەیەنێت.

ماڵپەڕی فەرمیی (KDP) کە ئۆرگان و زمانحاڵی فەرمیی پارتیمانە، بە راستگۆیی و پەیامە نەتەوەیی و نیشتمانییەکەی، پێگەیەکی دیار و ناوەند و سەرچاوەیەکی گرنگی جێگای باوەڕی خوێنەرانیەتی، کە ئەمەش مایەی پێزانین و دەستخۆشییە، ئومێدەوارین کارنامەی داهاتووتان بە پلانێکی سەردەمی و گونجاوتر رەنگڕێژ بکەن بۆ پێشکەوتنی زیاتر لە هەموو روویەکەوە.

بەو بۆنەیەوە و وێڕای گەرمترین پیرۆزباییمان لە ئێوەی بەڕێز و نووسەر و خوێنەرانی ماڵپەڕی فەرمی(KDP)، پشتیوانیی بەردەوامی خۆشمان بۆ ماڵپەڕەکەتان دووپات دەکەینەوە. هەر سەرکەوتوو بن.

مەکتەبی سیاسیی
پارتی دیموکراتی کوردستان
٢٨ـی٢ـی٢٠٢٣

دوایین هەواڵەکان

سه‌رۆكى هه‌رێمى كوردستان له‌گه‌ڵ باڵیۆزى ئه‌مه‌ریكا كۆبووه‌وه‌

THURSDAY, 08 JUNE 2023 21:06:13

ئێواره‌ى ئه‌مڕۆ پێنجشه‌ممه‌ 8/6/2023 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ خاتوو ئالینا ڕۆمانۆوسكى، باڵیۆزى ئه‌مه‌ریكا له‌ عێراق كرد.

دڵشاد شهاب": کۆمسیۆنی عێراق ئامادەیە بۆ بەڕێوەبردنی هەڵبژاردنی هەرێم"

THURSDAY, 08 JUNE 2023 18:06:13

گوتەبێژی سەرۆکایەتی هەرێمی کوردستان ئاشکرایکرد، شاندێکی سەرۆکایەتی هەرێم سەردانی بەغدای کردووە، لەبارەی پرسی هەڵبژادنی هەرێمی کوردستان، کۆمسیۆنی باڵای هەڵبژاردنەکانی عێراق ئامادەیی خۆی دەربڕیوە بۆ بەڕێوەبردنی هەڵبژاردن.

قایمقامی باتۆفا": لە ئایندەیەکی نزیک دەست دەکرێت بە دروستکردنی نەخۆشخانەی باتۆفا"

THURSDAY, 08 JUNE 2023 17:06:32

بڕیارە لە ئایندەیەکی نزیکدا لە قەزای باتۆفە دەست بکرێت بە دروستکردنی نەخۆشخانەیەکی گشتی، قایمقامی قەزاکەش دەڵێ: بە دروستکردنی نەخۆشخانەکە ھاووڵاتیان لە خزمەت گوزاری تەندروستی سوودمەند دەبن.

سەرۆکی حکومەتی هەرێمی کوردستان پێشوازی لە باڵیۆزی ئەمەریکا لە عێراق دەکات

THURSDAY, 08 JUNE 2023 17:06:03

ئەمڕۆ پێنجشەممە 6/8، مەسرور بارزانی سەرۆکی حکومەتی هەرێمی کوردستان ، پێشوازی لە ئەلینا رۆمەناوسکی باڵیۆزی ئەمەریکا لە عێراق کرد .

سەرۆك بارزانی پێشوازیی لە ژمارەیەك لە هونەرمەندانی كوردستان دەكات

THURSDAY, 08 JUNE 2023 17:06:14

ڕۆژی پێنجشەممە 8ی حوزەیرانی 2023 لە سەلاحەددین سەرۆك مەسعود بارزانی پێشوازی لە ژمارەیەك لە هونەرمەندانی كوردستان كرد.

وتاری سەرۆک مسعود بارزانی لە ساڵیادی هەڵگیرسانی شۆرشی گوڵان لە باڵەکایەتی خوێندرایەوە

ئەمڕۆ پێنجشەممە 25ی ئایاری 2023، لە دەڤەری باڵەکایەتی ئاهەنگێکی جەماوەری بە بۆنەی چل و حەفتەمین ساڵیادی هەڵگیرسانی شۆڕشی گوڵان بەڕێوەچوو، لە ئاهەنگەکەدا وتاری سەرۆک مەسعود بارزانی خوێندرایەوە.

ئەنجومەنی وەزیران هەر هەموارکردن و گۆڕانکارییەک لە پڕۆژەی بودجەی عێراق رەتدەکاتەوە

ئەمڕۆ چوارشەممە 5/24 ، بە سەرپەرشتی سەرۆک وەزیران مەسرور بارزانی و بە ئامادەبوونی قوباد تاڵەبانی جێگری سەرۆک وەزیران، ئەنجومەنی وەزیرانی هەرێمی کوردستان کۆبووەوە.

مەسرور بارزانی رەزامەندی لەسەر چارەسەرکردنی کێشەی زەوییەکانی کەرتی 21ـی تۆبزاوە ئەحمەد دا

مەسرور بارزانی، سەرۆکوەزیرانی هەرێمی کوردستان رەزامەندی دا لەسەر چارەسەرکردنی کێشەی زەوییەکانی کەرتی 21ـی تۆبزاوە ئەحمەد و گرتنەبەری رێکكاری یاسایی بەرامبەر ئەو کەسانەی ببوونە هۆکاری دروستبوونی ئەو کێشەیە.