Kurdî  ■  كوردی  ■  عربي
THU, 30 MAR 2023 04:49 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

مەحمود محەمەد: پارتی داوای گه‌یشتن به‌ چاره‌سه‌ری سیاسی كێشه‌ چه‌قبه‌ستووه‌كانی عێراق ده‌كات
| KDP.info


ھەولێر-KDP. info-  گوتەبێژو ئەندامی مەکتەبی سیاسی پارتی دیموکراتی کوردستان، مەحمود محەمەد لە لێدوانێکی رۆژنامەوانیدا ئەمڕۆ لە ھەولێر رایگەیاند کە، پارتی داوای گه‌یشتن به‌ چاره‌سه‌ری سیاسی كێشه‌ چه‌قبه‌ستووه‌كانی عێراق ده‌كات.

له‌ دوای به‌شداریكردنی له‌ پرسه‌ی عومه‌ر میرانی، نوێنه‌ری پێشووی پارتی دیموكراتی كوردستان له‌ توركیا، مه‌حموود محه‌ممه‌د له‌ باره‌ی ده‌ستپێشخه‌رییه‌كانی پارتی بۆ چاره‌سه‌ری كێشه‌ سیاسییه‌كان رایگەیاند، پارتی روونكردنه‌وه‌یه‌ك ده‌دات به‌ خه‌ڵكی عێراق، كه‌ ئه‌م كێشه‌ و بنبه‌سته‌ سیاسییه‌ی ئێستا هه‌یه‌ پێویسته‌ به‌ گفتوگۆ و له‌یه‌كتێگه‌یشتن و یه‌كدی خوێندنه‌وه‌ چاره‌سه‌ر بكرێت.

گوتیشی: سه‌ره‌ڕای ئه‌وه‌ی جیاوازیمان هه‌یه‌، پێویسته‌ دانیشین و باس له‌و جیاوازیانه‌ بكه‌ین و بزانین چۆن چاره‌سه‌ر ده‌كرێت.

هه‌روه‌ها گوتی: پێویسته‌ گه‌یشتن به‌ چاره‌سه‌ر خه‌می هه‌مووان بێت بۆ ده‌ربازبوون له‌م ره‌وشه‌ی هه‌یه‌.

دووپاتیشیكرده‌وه‌، پارتی له‌ رێی لیژنه‌ی دانووستانییه‌وه‌، گفتوگۆ ده‌كات و گفتوگۆی له‌گه‌ڵ هه‌موو لایه‌نه‌كان به‌رده‌وامه‌.

له‌ باره‌ی كاندیدی پارتی بۆ پۆستی سه‌رۆك كۆماری عێراق، مه‌حموود محه‌ممه‌د گوتی: تا ئێستا هیچ كاندیدێكی هاوبه‌شمان نییه‌، كاندیدی ئێمه‌ و ئه‌وان دیاره‌، به‌ڵام گفتوگۆش به‌رده‌وامه‌ له‌ نێوان لایه‌نه‌ سیاسییه‌ كوردستانی و عێراقییه‌كان.

ئاماژه‌ی به‌وه‌شدا، جه‌نابی سه‌رۆك بارزانی جه‌ختیكردووه‌ته‌وه‌ له‌سه‌ر دۆزینه‌وه‌ی رێگه‌چاره‌یه‌ك بۆ چه‌قبه‌ستوویی سیاسی عێراق، نزیكه‌ی ساڵێكه‌ هه‌ڵبژاردن كراوه‌، به‌ڵام تا ئێستا لایه‌نه‌ سیاسییه‌كان نه‌یانتوانیوه‌ زمانێكی هاوبه‌ش بدۆزنه‌وه‌ بۆ چاره‌سه‌ری كێشه‌كان.




دوایین هەواڵەکان

سەرۆک بارزانی سەرەخۆشی لە سەید عەمار حەکیم دەکات

WEDNESDAY, 29 MARCH 2023 22:03:25

ئێوارەی ڕۆژی چوارشەممە 29ی ئاداری 2023 سەرۆک مەسعود بارزانی لەڕێی تەلەفۆنەوە پرسە و سەرەخۆشیی خۆی بە سەید عەمار حەکیم ڕاگەیاند بۆ کۆچی دوایی سەید سادق حەکیم کوڕی ئایەتوللا عوزما محەمەد باقر حەکیم.

"سێیەم کاروانی ھاوکاریی دھۆک ڕەوانەی باکوور و ڕۆژئاوای کوردستان کرا

WEDNESDAY, 29 MARCH 2023 16:03:47

دهۆک -KDP.info- ئەمڕۆ لە پارێزگای دھۆک سێیەم کاروانی ھاوکاری ڕەوانەی باکوور و ڕۆژئاوای کوردستان کرا و جێگری پارێزگاری دھۆکیش دەڵێ، ھاوکارییەکان بۆ زیانلێکەوتووانی بوومەلەرزە وەک ئەرکێکی مرۆڤایەتی بەردەوام دەبێت.

 

سەرۆکی حکومەت سەرەخۆشی لە بنەماڵەی ئەلحەکیم دەکات

WEDNESDAY, 29 MARCH 2023 16:03:34

ئەمڕۆ چوارشەممە 29 ی ئادار، مەسرور بارزانی سەرۆکی حکومەتی هەرێمی کوردستان ، پرسەنامەیەکی ئاراستە سەرۆکی ڕەوتی حیکمە عەممار ئەلحەکیم و بنەماڵەی ئەلحەکیم کرد بۆ کۆچی دوایی سەید سادق ئەلحەکیم ، کوڕی ئایەتوڵلای عوزما محەمەد باقر ئەلحەکیم .

 
حاكم ئازاد: ئه‌وه‌ی زه‌ڕه‌یه‌ك ئه‌خلاقی سیاسیی هه‌بێت پاره ‌ناداته‌ ئه‌و په‌یجانه‌ی ڕۆژانه‌ دڵی نه‌یارانی كوردستان خۆش ده‌كه‌ن

WEDNESDAY, 29 MARCH 2023 15:03:19

هەولێر -KDP.info- نه‌قیبی سه‌ندیكای ڕۆژنامه‌نووسانی كوردستان باس له‌ هه‌بوونی ئه‌و هه‌موو سایت و په‌یجانه‌ ده‌كات کە له‌لایه‌ن گرووپه‌ سیاسییه‌كانه‌وه‌ سه‌پۆرت ده‌كرێن به ‌مه‌به‌ستی سیاسی و ئاماژه‌ به‌وه‌ ده‌كات پرۆژه‌یه‌كیان هه‌یه‌ بۆ جیاكردنه‌وه‌ی میدیاكان.

 

لە ئاکرێ سێ جۆر بەرهەمی ناوخۆ هەناردەی دەرەوەی وڵات دەکرێن

WEDNESDAY, 29 MARCH 2023 15:03:09

ئاکرێ -KDP.info- بەڕێوەبەری کشتوکاڵی ئاکرێ گوتی، لە قەزای ئاکرێ کارگەیەک هەیە کە بەرهەمی خۆماڵی هەناردەی دەرەوە دەکات و بە هەموو شێوەیەک پشتگیری و ئاسانکاریی بۆ دەکەن، چونکە ئەمە هەنگاوێکی باشە بۆ ساخکردنەوەی بەرهەمی ناوخۆ و پشتگیریکردنی جووتیارانیش.

 



 
© 2023 Kurdistan Democratic Party, KDP

Contact