Kurdî  ■  كوردی  ■  عربي
MON, 4 JUL 2022 18:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"دەستپێشخەریی پارتی دۆخەکەی ئارام کردووەتەوە"
| KDP.info


ھەولێر -KDP.info- بەرپرسی لقی ٢٤ی سەفینی پارتی دیموکراتی کوردستان لە شەقڵاوە گوتی، دەستپێشخەریی پارتی دیموکراتی کوردستان بۆ یەکڕیزیی ناوماڵی کوردی وای کردووە کە ئارامی لە ھەرێمی کوردستان دروست بێت و مەکتەبی سیاسییش ڕاسپێردراوە کە پەیوەندی لەگەڵ ھەموو لایەنەکان ئاسایی بکرێتەوە و ئەگەر گرفتێکیشمان لەگەڵ بەغدا ھەبێت لەناو کێشەکانی خۆماندا چارەسەری بکەین.

ھیوا ئەحمەد مستەفا، بەرپرسی لقی ٢٤ی سەفینی پارتی دیموکراتی کوردستان لە شەقڵاوە، بۆ ماڵپەڕی فەرمیی پارتی دیموکراتی کوردستان گوتی: ''لە بنەماکانی ئێمەدایە لە بنەڕەتدا پێکەوە کار بکەین و یەکڕیزیی کورد بپارێزین، ئەو بنەمایانەی ھەرێمی کوردستان بەھێز دەکەن، بۆیە پێمان باشە و لە کۆتا کۆبوونەوەی ئەنجومەنی سەرکردایەتیی پارتی لەژێر سەرپەرشتیی سەرۆک بارزانیدا مەکتەبی سیاسی ڕاسپێردرا کە خەریکی ئەو بنەمایانە بێت و مەکتەبی سیاسی ھەندێک ھەنگاوی ناوە لەو باریەوە و ئەوە دەمێنێت لە ئایندەدا چۆن درێژە بە گفتوگۆکان بدرێت و ئێمە نامانەوێت پەیوەندییەکان ساردییان تێ بکەوێت و لە بەغداش گرفتێک ھەبێت، ئێمە گرفتەکانی خۆمان لە ناوخۆ چارەسەر بکەین و نەیانبەین بۆ بەغدا، بۆ ئەوەی کورد خاڵی لاوازی خۆیان نیشانی بەغدا نەدەن، بەتایبەت لە بەغدا، بۆیە ئێمە لەگەڵ ئەوەداین ئەگەر گرفتێکمان ھەبێت، باشترە دوور لە ڕاگەیاندن چارەسەری بکەین.''

ھیوا ئەحمەد مستەفا گوتیشی: ''ھەموومان پێکەوە ئەو وڵاتە بەڕێوە ببەین و پەیوەندی نەپچرێنین، چونکە ئەوە وڵاتی ھەموومانە و ھەموومان لێی بەرپرسین، باش بێت بۆ ھەمووانە و خراپیش بێت بۆ ھەمووانە و ھەمووشمان لە کەشتییەکداین و ئارامی ھەبێت بۆ ھەمووانە و خوانەخواستە تێکیش بچێت، ئەوەی ھەوڵی تێکدانی ھەرێم بدات لێی بەرپرسیارە و نەوەکانمان قبووڵی ناکەن.''

مستەفا باسی لەوەش کرد: ''ئەو دەستپێشخەرییەی پارتی بێگومان دۆخەکەی ئارام کردووەتەوە و پارتی خۆمان ڕاگەیەندراوێکمان بۆ دامودەزگاکانی خۆمان ھەیە بۆ دەزگای ڕۆشنبیری و ڕاگەیاندنی خۆمان ھەیە کە ھەموو ھێرشێکی بۆ ئەو لایەنانەی تۆمەت بۆ پارتی دروست دەکەن ڕابگرن و ئەگەر وەڵامێکی ھەبێت، وەڵامێکی مەنتقی و سیاسییانە بێت و بەدوور بێت لە خراپە و لە ھەموو حاڵەتەکان ئەو بابەتە پێداگریی لەسەر کرا کە پارتی نابێت دابەزێتە ئەو ئاستە، چونکە لە کولتووری پارتی ناوەشێتەوە و پێویستە خۆمانی لێ بەدوور بگرین، بۆیە ھەمووان نابێت دابەزنە ئاستی خوارەوە''.

 

بڵند ئیبراھیم




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact