Kurdî  ■  كوردی  ■  عربي
MON, 4 JUL 2022 18:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیامی مەكتەبی سیاسی پارتی بەبۆنەی (٤٨)ەمین ساڵوەگەڕی بۆردومانی شاری قەڵادزێ
| KDP.info


ئەمڕۆ (٤٨) ساڵ بەسەر  بۆمبارانكردنی شاری خۆڕاگری قەڵادزێ لەسەر دەستی رژێمی بەعس تێدەپەڕێت، كە سەر لە بەیانی رۆژی (٢٤ـی نیسانی) ساڵی  (١٩٧٤) فرۆكە جەنگیەكانی رژێمی بەعس بە بۆمبی ناپاڵمی قەدەغەکراو شاری قەڵادزێ و زانكۆی سلێمانی، كە ئەو دەمە لە سەروەختی شۆڕشی مەزنی ئەیلوولدا قەڵادزێی ئازاد لە خۆی گرتبوو، بۆمباباران كرد و دەیان قوتابی و هاوڵاتی شەهید و بریندار بوون.

بەدرێژایی مێژوو دەڤەری پشدەر لانەی خۆڕاگری و شۆڕشە یەك لەدوای یەكەكانی كوردستان بووە و، هەمیشە لە ڕیزی پێشەوەی قوربانیدان بووە لە شۆڕش و خەباتی نەپساوەی گەلی كوردستان و بزووتنەوەی رزگایخوازیماندا، بەتایبەتی لە شۆڕشی مەزنی ئەیلوولدا سەنگەری بە هێزی  بەرگری و لانكەی خەبات و تێكۆشان بوو، بۆیە لەدوای پەشیمان بووەنەوەی رژێمی بەعس لە رێكکەوتنامەی (١١ـی ئادار)،  پشدەر بەگشتی و قەڵادزێ بە تایبەتی پەناگەی مانەوە و خۆڕاگری ئازادیخوازانی شارەكانی تری كوردستان بوو، تەنانەت لەسەر فەرمانی (بارزانی نەمر) ئەوسا زانكۆ تاقانەكەی كوردستان كە زانكۆی سلێمانی بوو گوازرایەوە بۆ شاری قەڵادزێ و لەوێوە بەردەوامی بە پرۆسەی خوێندن و زانست و مەعریفی درا.

رژێم لەوێ رۆژێدا رەشترین رق و قینی خۆی بەسەر قەڵادزێدا باراند و ویستی بە تەواوی ئیڕادەی ژیان دۆستی و شارستانی شارەكە لەناوبەرێ و بە چەكی ناپاڵمی قەدەغەكراوی نێودەوڵەتی شاری قەڵادزێ و زانكۆی سلێمانی خەڵاتانی خوێن كرد و نزیکەی (١٦٠) هاوڵاتی و قوتابیانی زانكۆی شەهید و زیاتر لە (٢٠٠) هاوڵاتی تریش بریندار بوون سەرەڕای خاپوور بوونی دەیان خانوو و نشینگەی سڤیلی هاوڵاتیان.

ئەم كارەساتە ئەوەندە گەورە و پر سۆ بوو، لەلایەن بارزانی نەمر وەكوو رۆژی (ماتەمینی گەلی كوردستان) ناوزەد كرا.

هەر لەم یادەدا و لە (٢٤ـی ٤ـی ١٩٨٢) خۆپیشاندانێكی جەماوەی بەرفراون سازكرا كە دیسانەوە لەلایەن دامودەزگا داپلۆسێنەرەكانی بەعس بەتوندترین شێوە رووبەڕووی خۆپیشاندەرانی سڤیل بوونەوە و چەندان هاوڵاتی شەهید و برینداربوون سەرەڕای رەشبگیری زیندانی كردنی دەیان قوتابی و هاوڵاتی شارەكە.

لەم بۆنەیەدا ئەو بیر دەخەینەوە كە خۆڕاگری خەڵكی قەڵادزێ و تەواوی شارو شارۆچكەكانی كوردستان و ئیڕادەی پۆلاینی ژیان دۆستی و ئاوەدانكردنەوە و شارستانی گەلەكەمان سەركەوت، ویست و حەزە ستەمكاریی و  مەرگدۆستی رژێمیش تیداچوو، لە ئێستادا لە شوێنی زانكۆیەكی شەهید، كوردستان خاوەنی دەیان زانكۆی سەردەمیانەیە.

لەم یادەدا سەری رێز و نەوازش بۆ شەهیدانی قەڵادزێ و تەواوی شەهیدانی كوردستان سەروەریان بارزانی نەمر و کاک ئیدریسی ھەمیشە لەیاد دادەنوێنین...

دروود و سڵاو بۆ  گیانی پاكی شەهیدانی بۆمبابارانی (٢٤ـی ٤ـی ١٩٧٤) و راپەڕینە پیرۆزەكەی (٢٤ـی ٤ـی ١٩٨٢)ی قەڵادزێ...

سڵاو و دروود بۆ شەهیدانی رێگای رزگاریی و سەرفرازی و هەموو ئەو قارەمانانەی گیانی خۆیان لەپێناوی نیشتیمانەكەیاندا بەخشی...

مەكتەبی سیاسی
پارتی دیموكراتی كوردستان
٢٤ـی نیسانی ٢٠٢٢




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact