Kurdî  ■  كوردی  ■  عربي
MON, 4 JUL 2022 19:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فڕۆکەخانەی مووسڵ دروست دەکرێتەوە
| KDP.info


مووسڵ-KDP.info- بڕیارە فڕۆکەخانەی نێودەوڵەتی مووسڵ دروست بکرێتەوە و جێگری پارێزگاری مووسڵیش دەڵێت، ئەمساڵ لەسەر بودجەی ڕاگیراوی مووسڵ دەست بە جێبەجێکردنی پڕۆژەی فڕۆکەخانەی مووسڵ دەکرێت و یەکێک دەبێت لە پڕۆژە ستراتیژییەکانی شارەکە.

ڕەفعەت سمۆ، جێگری پارێزگاری مووسڵ، بە ماڵپەڕی فەرمیی پارتی دیموکراتی کوردستانی ڕاگەیاند: "دوای داگیرکاریی مووسڵ لەلایەن داعشەوە یەکێک لەو شوێنانەی زۆرترین زیانی بەر کەوتووە و وێران کراوە فڕۆکەخانەی مووسڵە، بەڵام سەرۆکوەزیرانی عێراق ڕەزامەندیی نیشان داوە بۆ سەرلەنوێ دروستکردنەوەی فڕۆکەخانەی مووسڵ و لیژنەیەک لە بەغداوە بۆ ئامادەکاریی پڕۆژەی فڕۆکەخانەکە سەردانی مووسڵی کردووە".

جێگری پارێزگاری مووسڵ  گوتیشی: ''لەلایەن وەزارەتی ئاوەدانکردنەوە و نیشتەجێکردنی فیدڕاڵ دەست بە ئامادەکارییەکان کراوە و لیژنەیەک ھاتووەتە مووسڵ بۆ ئەوەی زانیاریی ورد لەبارەی دروستکردنی فڕۆکەخانەی مووسڵ ئامادە بکرێت و پێشبینی دەکرێت ئەمساڵ دەست بە جێبەجێکردنی پڕۆژەکە بکرێت".

ڕەفعەت سمۆ ئاماژەی بۆ ئەوەشکرد: "پێشتر بڕیاربوو لەسەر قەرزی فەرەنسا فڕۆکەخانەی مووسڵ دروست بکرێتەوە، بەڵام دیارە ئەوە سەری نەگرتووە و فڕۆکەخانەکە لەسەر بودجەی ڕاگیراوی مووسڵ دروست دەکرێتەوە، چونکە لە سەردەمی ھاتنی داعش و داگیرکردنی مووسڵەوە بودجەیەکی زۆری مووسڵ لە بەغداوە خەرج نەکرابوو، بەو پارەیە فڕۆکەخانەکە دروست دەکرێتەوە".

 

قائید میرۆ




دوایین هەواڵەکان

پرسەنامەیەک لە سەرۆکی حکومەتی هەرێمی کوردستان

MONDAY, 04 JULY 2022 19:07:00

بۆ کۆچی دوایی شاعیر و نووسەری ناسراو نەوزاد رەفعەت، پرسە و سەرەخۆشی ئاراستەی کەسوکار و بنەماڵە بەڕیزەکەی و هاوڕێ و دۆستانی خوالێخۆشبوو دەکەم.

 
سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.



 
© 2021 Kurdistan Democratic Party, KDP

Contact