Kurdî  ■  كوردی  ■  عربي
MON, 4 JUL 2022 19:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بودجەیەکی تایبەت بۆ بەڕێوەبردنی کاروباری حکوومەت پەسەند دەکرێت
| KDP.info


بەغدا-KDP.info-  ئەندامێکی لیژنەی داراییی پەرلەمانی عێراق ڕایگەیاند، دوای دەستبەکاربوونی لیژنەی دارایی، حکوومەت بودجەیەکی تایبەت بۆ پەرلەمان ڕەوانە دەکات بەھۆی نەبوونی بودجەی گشتییەوە بۆ ئەوەی کاری لەسەر بکرێت و ببێتە یاسا، ئەمەش بۆ پشتگیریکردن لە ئاسایشی خۆراک و گەشەپێدانی پارێزگاکان و بەڕێوەبردنی کاروباری حکوومەت.

ئەندامی لیژنەی داراییی پەرلەمانی عێراق، خەلیل غازی حەسەن، بۆ ماڵپەڕی فەرمیی پارتی دیموکراتی کوردستان گوتی: "لیژنەی دارایی پێک ھاتووە و لە پەرلەمانیش پەسەند کراوە و ئەو لیژنەیە ئێستا دەستبەکار بووە و کار لەسەر بودجەیەک دەکات و دادەنرێت بە ناوی بودجەی پشتگیریی ئاسایشی خۆراک و گەشەپێدانی پارێزگاکان کە بڕەکەی ٢٥ ترلیۆن دینارە، بۆ ئەوەی کاروبارەکان و پڕۆژەکانی پێ جێبەجێ بکرێت، کە بەشێک لە پڕۆژەکان وەستاون، چونکە لیژنەی دارایی نەبێت ناتوانێت کاری لەسەر بکات، بۆیە لیژنەی دارایی پێک ھاتووە و کار لەسەر بودجەیەک دەکات کە حکوومەت ڕەوانەی دەکات".

خەلیل غازی حەسەن گوتیشی: "بەھۆی ئەوەی بودجە نییە، بودجەیەکی تایبەت تەرخان دەکرێت بۆ ئەوەی کاروباری حکوومەت بەڕێوە ببردرێت، کە ھەموو جۆرە پڕۆژە و کارێک لەخۆی دەگرێت و پشکی ھەرێمیشی تێدا دەبێت و ئێمە پێداگری لەسەر ئەوە دەکەین کە ڕێژەیەکی باش لەو بودجەیە بۆ ھەرێم تەرخان بکرێت".

 

بڵند ئیبراھیم


 




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact