Kurdî  ■  كوردی  ■  عربي
SAT, 18 SEP 2021 01:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیوەندییەکانی دەرەوەی پارتی پێشوازی لە بەربژێرێکی کورد بۆ هەڵبژاردنی گشتی و فیدرالی لە ئەڵمانیا كرد
| KDP.info


هەولێر-KDP.info- لە پەیوەندییەکانی دەرەوەی (پ.د.ک)، لە لایەن بەرپرسی مەکتەب و ژمارەیەک لە هەڤاڵانی دێسکی ئەورووپای پەیوەندییەکانی دەرەوە، پێشوازی کرا لە بەڕێز هاکان تاش، ئەندامی پەرلەمانی هەرێمی لە بەرلین  و سەرۆکی کۆمیسیۆنی ئاساییش و خۆگونجاندن و ناوخۆ و گوتەبێژی فراکسیۆن بۆ کاروباری سیاسی و بەربژێری پارتی چەپی ئەڵمانیا ( DIE LINKE) بۆ پەرلەمانی فیدراڵی ئەڵمانیا بۆندستاگ.

لە یەکەمین سەردانیدا بۆ هەرێمی کوردستان، هاکان تاش،  پەرلەمانتاری پارتی چەپ ( DIE LINKE)ی ئەڵمانیا، سەردانی مەکتەبی پەیوەندییەکانی دەرەوەی پارتی دیموکراتی کوردستانی کرد و لەلایەن هۆشیار سیوەیلی، بەرپرسی مەکتەب و ژمارەیەک لە هەڤاڵانی دێسکی ئەورووپا بە گەرمی پێشوازی کران.

لە دیدار لەگەڵ پەرلەمانتەر هاکان تاش دا، هۆشیار سیوەیلی بە فراوانی باسی پەیوەندییەکانی ناوخۆیی، ناوچەیی و نێودەوڵەتیی هەرێمی کوردستان و هەڵوێست و دیدگای پارتی دیموکراتی کوردستان و پەیوەندییە نێودەوڵەتییەکانی پارتی کرد و، باسی پەیوەندییەکانی ڕابردوو و ئێستای هەرێمی کوردستان و حکوومەتی عێراقی فیدراڵ و بە تایبەتی لەسەر پرسی مافە دەستوورییەکان و شایستە داراییەکانی هەرێمی کوردستان و پەیوەندییەکان لەگەڵ وڵاتانی ناوچەکە کرد لەسەر بنەمای ڕێزگرتن لە بەرژەوەندییەکان نێوان هەردوو لا و ئاسایش و سەقامگیری لە ناوچەکەدا کرد.

هەروا  باسی مافە دەستوورییەکانی خەڵکی هەرێمی کوردستان کرد لە چوارچێوەی دەستووری عێراقی فیدراڵدا کرد و ئاماژەی بە ڕێککەوتنەکان و هەنگاوەکانی بەرەوپێشچوونی پەیوەندییەکانی نێوان هەولێر و بەغدا کرد لە چەندین بواردا.

پرسی داعش و پۆست داعش و هەروا ئەنجامدانی ڕێفراندۆم و ڕەهەندەکانی پۆست ڕێفراندم و دۆخی هەرێمی کوردستان دوای ١٦ ی ئۆکتۆبەر و هەڕیشە و مەترسییە بەردەوامەکانی داعش و میلیشیاکان و دەستێوەردانی ناوچەیی لە دۆخی هەرێمی کوردستان و بەتایبەتیش شەڕی ئێستای نێوان سوپای تورکیا و چەکدارانی پەکەکە لە نێو قۆڵایی خاکی هەرێمی کوردستان و سنووربەزاندنی تورکیا بە بەهانەی بوونی هێزەکانی پەکەکە لە ناوچە سنوورییەکان کە بەهۆیەوە سەدان گوند بە درێژایی سنوور لەگەڵ باکووری کوردستان خاپوور کراون و ڕێگری کراوە لە ئاوەدانکردنەوەی ناوچەکە  و ئاوارەبوونی هەزاران کەس لە دانیشتووانی ڕەسەنی ناوچەکەش کە زەرەرمەند بوون بە هۆی شەڕی چەندین ساڵەی نێوان تورکیا و پەکەکەوە لە نێو سنوورەکانی هەرێمی کوردستاندا، کە جیا لەوەی زیانێکی گەورە بە ژینگە و سامانی سرووشتی ناوچەکە کەوتووە بەردەوام بە هۆی هێرش و پەلامارەکانی نێوان هەردوو لا ئاسایش و سەقامگیریی هەرێمی کوردستان و گوزەرانی دانیشتوانی گوندنشینی ناوچە سنوورییەکانیشی خستووەتە بەردەم مەترسی جدییەوە، کە بەردەوام  لەسەر ئاستی ناوخۆیی و ناوچەیی و نێودەوڵەتییەوە داوا کراوە هەردوو لا ڕێز لە سەروەری خاکی هەرێمی کوردستان بگرن و کێشەکانی نێوانیان لە رێگەی سیاسی و بە ئاشتی و  دیالۆگەوە چارەسەر بکەن.

لە تەوەرێکی تری دیدارەکەشدا، باسی هەوڵەکانی ناوخۆیی و ناوچەیی و نێودەوڵەتی لایەنی کوردی و بیانی کرا بۆ ڕێگریکردن لە تەشەنەکردنی شەڕی نێوان تورکیا و پەکەکە لە نێو خاکی هەرێمی کوردستان کە ئۆباڵی سەرەکی شەڕ و پەلکێشکردنی سوپای تورکیا بۆ نێو خاکی هەرێمی کوردستان و شەهید و بریندارکردنی ژمارەیەک پێشمەرگە و هاوڵاتی سڤیل دەکەوێتە ئەستۆی چەکدارانی پەکەکە کە رێز لە یاسا و سەروەریی خاكی هەرێمی کوردستان ناگرن و بەردەوام ڕێگە خۆش دەکەن بۆ سوپای تورکیا کە پەلاماری ناوچە سنوورییەکانی هەرێم بدات و  ڕێگە لە گەڕانەوەی گوندنشینەکان دەگرن بۆ سەر گوندەکانیان و گێچەڵ بە هێزەکانی پێشمەرگە و هێزەکانی پاسەوانی سنوور دەکات کە ئاسایش و سەقامگیری بگەڕێنێتەوە بۆ ناوچە سنوورییەکان.

لە دیدار لەگەڵ پەرلەمانتەر هاکان تاش دا، باسی پەیوەندیی دۆستانە و چالاکییەکانی ناوبراو کرا لە نێو ڕەوەندی کوردستانی لە ئەڵمانیا، بەڵام ڕەخنە لە سیاسەت و هەڵوێستی ڕابردووی پارتی چەپ (DIE LINKE ) گیرا کە دژایەتیی پێدانی چەکی کرد لە نێو پەرلەمانی ئەڵمانیای فیدراڵ بۆ هێزەکانی پێشمەرگەی کوردستان لە شەڕی تێکشکاندنی تیرۆریستان لە ناوچەکە دا کە بەرەیەکی جەنگییان بە درێژایی نزیکەی ١٠٥٠ کیلۆمەتر  هەبوو  دژ بە تیرۆریستان، کە هەرێمی کوردستان و هێزەکانی پێشمەرگە جیا لەوەی هەڕەشە و مەترسییەکانی تێرۆریستانی داعشیان لەسەر خەڵک و خاکی هەرێمی کوردستان و بۆ سەر پێکهاتەکانی ئایینی و ئیتنی دوورخستەوە بەهەمان شێوە کۆمەڵگای جیهانی و مرۆڤایەتیشیان لە مەترسیدارترین ڕێکخراوی تیرۆریستی پاراست و ئەوە ئەرکێکی مرۆیی و ئەخلاقی کۆمەڵگای نێودەوڵەتی بوو کە  پشتیوانی لە هەرێم و هێزەکانی پێشمەرگەی کوردستان بکەن.

لە لایەکی تریشەوە، ڕەخنەی لە هەڵوێستی چەند پەرلەمانتارێکی بە ڕەچەڵەک کوردی نێو پارتی چەپ (دێلینکە) گرت، کە چەندین جار بە ناڕەوا پەلاماری ئەزموونی هەرێمی کوردستان و حکوومەتەکەی و سەرکردایەتیی پارتی دیموکراتی کوردستانیان داوە و زانیاریی چەوت و بێ بنەمایان بڵاو کردۆتەوە، هەر بۆیە داوا دەکەین بۆ ئاشنابوون بە دۆخی هەرێمی کوردستان و ئەزموونی سیاسی و دیمۆکراسی  هەرێمی کوردستان و زیانی کە لە ئەنجامی شەڕ و پەلاماردانی سەربازی تورکیا و چەکدارانی پەکەکە بە درێژایی ناوچە سنوورییەکان بە گوندنشینان و ژینگەی ناوچەکە کەوتووە سەردانی هەرێمی کوردستان بکەن. 

هەروا  بۆ پەرلەماتار هاکان تاش و بەربژێرە کوردەکانی تر کە کاندیدی پارتە سیاسییەکانی ئەڵمانیای فەدەراڵن بۆ بۆندستاگ، هیوای سەرکەوتنیان خواست کە هەروا لۆبی بۆ دۆزی ڕەوای گەڵەکەیان بکەن و باشتر پرسی گورد بە کۆمەڵگای ئەڵمانیا و پەرلەمان و  دامەزراوەکانی ئەڵمانیای فیدراڵ بناسێنن.

هاکان تاش، ئەندامی پەرلەمانی هەرێمی لە بەرلین و سەرۆکی کۆمیسیۆنی ئاساییش و خۆگونجاندن و ناوخۆ و گوتەبێژی فراکسیۆن بۆ کاروباری سیاسی و بەربژێری پارتی چەپی ئەڵمانیا ( DIE LINKE) بۆ پەرلەمانی فیدراڵی ئەڵمانیا بۆندستاگ لە سێپتەمبەری ٢٠٢١ دا  سوپاسی پێشوازیی گەرمی پەیوەندییەکانی دەرەوەی (پ.د.ک) و ڕایگەیاند دوای گەڕانەوە پەیامی پارتی دیمۆکراتی کوردستان دەگەیەنێتە سەرکردایەتیی پارتەکەی و خۆشحاڵیی خۆشی دەربڕی کە لە ئایندەدا شاندی هەردوو لا بتوانن لە گەشە بە پەیوەندییەکانی نێوانیان بدەن و لێکگەییشتن و تێگەییشتنی باشتر لە نێوان هەردوو لا دروست ببێت بۆ خزمەتی بەرژەوەندی و دۆستایەتیی نێوان کۆماری ئەڵمانیای فیدراڵ و هەرێمی کوردستان.

هاکان تاش گوتی: لە نێو پارتەکەیدا دۆستانی زۆر هەن کە پشتگیری لە دۆزی ڕەوای گەلی کورد دەکەن و پارتەکەی دژی شەڕ و پێدانی چەکە بە  لایەنەکانی ناکۆک لە هەموو جیهان و لە پێناوی ئاشتی و مافەکانی مرۆڤ تێدەکۆشێت، بەڵام تایبەت بە پرسی کورد پارتەکەیان لەگەڵ ماف و ئازادییەکانی گەلی کوردە و پشتگیری لە گەشەپێدانی هەرێمی کوردستان و ئاسایش و سەقامگیری لە هەرێمدا دەکات و دژی شەڕ و پەلاماردانی هەرێمی کوردستانە و هیوای خواست لە ڕێگەی ئاشتی و دیالۆگەوە  کۆتایی بە شەڕ بێت.

شایانی باسە، میدیاکانی نزیک لە پەکەکە بە مەبەستی گێرەشێوێنی و بڵاوکردنەوەی هەواڵی ناڕآست، لە دوو ڕۆژی ڕابردوودا باسی دەستگیرکردنی بەڕێز هاکان تاشیان کردبوو لە نێو فڕۆکەخانەی هەولێر، لە کاتێکدا پەرلەمانتەر هاکان تاش میوانی پارتی بووە، کە بۆ ئاشنابوون بە دۆخی هەرێمی کوردستان و  ئەنجامدانی دیدار و کۆبوونەوە لەگەڵ دامەزراوەکانی پارتی و هەرێمی کوردستان بە تایبەتی، سەردانی هەولێری پایتەختی کردووە.

 




دوایین هەواڵەکان

نێچیرڤان بارزانى: به‌ریتانیا ده‌یه‌وێت له‌ زۆر بواردا هاوكاریى هه‌رێمى كوردستان بكات

FRIDAY, 17 SEPTEMBER 2021 21:09:21

له‌نده‌ن-KDP.info- پاش دوا وێستگه‌ى سه‌ردانى بۆ له‌نده‌ن و به‌سه‌ركردنه‌وه‌ى ئه‌كادیمیاى شاهانه‌ى ساندهێرستى سه‌ربازیى به‌ریتانى، ئێواره‌ى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆك هه‌رێمى كوردستان، له‌ لێدوانێكى ڕۆژنامه‌وانیدا گوتى:

نێچیرڤان بارزانى سه‌ردانى ئه‌كادیمیاى ساندهێرستى سه‌ربازى ده‌كات

FRIDAY, 17 SEPTEMBER 2021 20:09:32

له‌نده‌ن-KDP.info- له‌ دوا وێستگه‌ى سه‌ردانیدا بۆ له‌نده‌ن، ئێواره‌ى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان ئه‌كادیمیاى شاهانه‌ى ساندهێرستى سه‌ربازیى ناسراو له‌سه‌ر ئاستى جیهان به‌سه‌ركرده‌وه‌ كه‌ ژماره‌یه‌ك قوتابیى هه‌رێمى كوردستان و عیراق له‌ خوێندن و پێگه‌یاندن و خول و ڕاهێنانه‌كانیدا به‌شدارن و گه‌وره‌ترین ئه‌كادیماى سه‌ربازیى به‌ریتانییه‌.

سه‌رۆكى هه‌رێمى كوردستان له‌گه‌ڵ وه‌زیرى په‌روه‌رده‌ى به‌ریتانیا كۆبووه‌وه‌

FRIDAY, 17 SEPTEMBER 2021 18:09:31

له‌نده‌ن-KDP.info- پاشنیوه‌ڕۆى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان له‌ له‌نده‌ن له‌گه‌ڵ به‌ڕێز نه‌دیم زه‌هاوى، وه‌زیرى په‌روه‌رده‌ى به‌ریتانیا كۆبووه‌وه‌.

بۆچی گرنگە دەنگ بە پارتی بدەیت

FRIDAY, 17 SEPTEMBER 2021 17:09:54

بێستون مەسعوود ساڵەیی

نێچیرڤان بارزانى له‌گه‌ڵ بۆریس جۆنسۆن كۆبووه‌وه‌

FRIDAY, 17 SEPTEMBER 2021 16:09:46

له‌نده‌ن-KDP.info- پێشنیوه‌ڕۆى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان له‌ له‌نده‌ن به‌ گه‌رمى له‌لایه‌ن به‌ڕێز بۆریس جۆنسۆن سه‌رۆك وه‌زیرانى به‌ریتانیاوه‌ له‌ ئۆفیسى خۆى له‌ تێن داونینگ ستریت، پێشوازى لێكرا.



 
© 2021 Kurdistan Democratic Party, KDP

Contact