Kurdî  ■  كوردی  ■  عربي
SUN, 7 JUN 2020 09:57 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جێگری پارێزگاری مووسڵ: زیاتر لە ٤٥ ھەزار كەس داوای قەرەبوو لە بەغدا دەكەن
| KDP.info


مووسڵ-KDP.info- لە مووسڵ ٤٥ ھەزار كەس داوای قەرەبووی زیانەكانی سەردەمی شەڕی تیرۆریستانی داعش لە حكوومەتی فیدڕاڵ دەكەن، جێگری پارێزگاری مووسڵ بۆ كاروباری كارگێڕییش دەڵێ، بەغدا خەمساردە لە قەرەبووی زیانەكان و ھۆكاریشە بۆ نەگەڕانەوەی خەڵك.

رەفعەت سمو، جێگری پارێزگاری مووسڵ، بە ماڵپەڕی فەرمیی پارتی دیموكراتی كوردستانی راگەیاند، بە ھۆی داگیركردنی شاری مووسڵ لە لایەن گرووپی تیرۆریستیی داعشەوە لە ساڵی ٢٠١٤، زیانێكی زۆر بە ژێرخانی مووسڵ گەیشتووە و خەڵكێكی زۆر بێ ماڵ و حاڵ ماونەتەوە، چونكە شوێنی نیشتەجێبوونیان خاپوور كراوە و شوێن نییە تێدا بحەوێنەوە.

جێگری پارێزگاری مووسڵ دەشڵێت، بڕیار بوو خەڵكی زەرەرمەندی سەردەمی داعش قەرەبوو بكرێنەوە لە بەرامبەر ئەو زیانانەی بەریان كەوتووە، زیاتر لە ٤٥ ھەزار ھاووڵاتییش سكاڵایان تۆمار كردووە، بەڵام تا ئێستا حكوومەتی فیدڕاڵ وەك پێویست قەرەبووی ھاووڵاتیانی زەرەرمەند ناكاتەوە، زیانەكانیش زیاتر خاپووركردنی خانوو و تێكدانی ئۆتۆمبێل و زیانی دیكەی ماددین.

سمو ئاماژەی بۆ ئەوەش كرد، یەكێك لەو ھۆكارانەی بەشێكی زۆری ئاوارەكان ناگەڕێنەوە سەر ماڵ و حاڵی خۆیان، خەمساردیی بەغدایە لەوەی كاری بۆ ئاوەدانكردنەوەی ژێرخانی مووسڵ نەكردووە و ھاووڵاتیانیش بە بێ خزمەتگوزاری و بێ شوێن ناتوانن لە ناوچەكەدا بژین.

 

قائید میرۆ




دوایین هەواڵەکان

راگەیەندراوێک له‌ گوته‌بێژی حكومه‌تی هه‌رێمی كوردستان

SATURDAY, 06 JUNE 2020 22:06:18

هەولێر- KDP.info- رۆژی یه‌كشه‌ممه‌ ٧ حوزه‌یرانی ٢٠٢٠، ده‌وامی فه‌رمی له‌ داموده‌زگا‌كانی هه‌رێمی كوردستان به‌ میكانیزمی پابه‌ندبوون بە رێنماییه‌ ته‌ندروستییه‌كانی به‌ره‌نگاربوونه‌وه‌ی ڤایرۆسی كۆرۆنا ده‌ستپێده‌كاته‌وه‌.

"ئەمڕۆ نەخۆشخانەیەكی دیكەی تایبەت بە کۆرۆنا لە دھۆک دەکرێتەوە"

SATURDAY, 06 JUNE 2020 17:06:15

دهۆک – KDP.info-  ئەمڕۆ نەخۆشخانەی لالاڤی تایبەت بە کۆرۆنا لە شاری دھۆک دەکرێتەوە و گوتەبێژی تەندروستیی دھۆکیش دەڵێ، لە دھۆک سێ نەخۆشخانە تایبەتن بە چارەسەری ڤایرۆسی کۆرۆنا و ڕەوشێ سێ نەخۆشیش ناجێگیرە.

 

"بەرزبوونەوەی نرخی نەوت ئاماژەیەكی دلخۆشكەرە بۆ زیاتربوونی داهاتی كوردستان"

SATURDAY, 06 JUNE 2020 17:06:28

هەولێر- KDP.info-  ڕاوێژكاری نووسینگەی سەرۆكی حكوومەت بۆ كاروباری وزە لەبارەی بەرزبوونەوەی نرخی نەوت و دانانی وەزیری تازەی نەوت لە عێراق و هەمەچەشنكردنی داهاتی هەرێمی كوردستان، بۆ ماڵپەڕی فەرمیی پارتی دیموكراتی كوردستان گوتی، بەرزبوونەوەی نرخی نەوت بۆ سەرووی 40 دۆلار ئاماژەیەكی دڵخۆشكەرە بۆ زیاتربوونی داهاتی هەرێمی كوردستان و باشتربوونی ڕەوەشەكە.

 

"کاکەییەکان ئاینێک لەبەردەم مەترسیی هەڕەشەدا"

SATURDAY, 06 JUNE 2020 16:06:15

مووسڵ- KDP.info-  جگە لە هەرێمی کوردستان، لە تەواوی خاکی عێراقدا بستێک نییە ببێ بە شوێن و پەناگەیەکی ئارام بۆ ئایینێکی کۆن و ڕەسەن.

 

فوئاد حوسێن بە وەزیری دەرەوەی عێراق ھەڵبژێردرا

SATURDAY, 06 JUNE 2020 15:06:02

بەغدا-KDP. info-  ئەنجومەنی نوێنەرانی عێراق دەنگی بە بەربژێری ھەرێمی کوردستان د.فوئاد حوسێن بۆ وەزیری دەرەوەی عێراقی فیدڕاڵ دا.



 
© 2020 Kurdistan Democratic Party, KDP