Kurdî  ■  كوردی  ■  عربي
SAT, 30 MAY 2020 07:23 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لقی 14ی پارتی: هاووڵاتیان شاهیدن دەیانەوێ مەزهەب و ئایینی خەڵكی بە زۆر بگۆڕن
| KDP.info


مووسڵ-KDP.info- لقی چوارده‌ی پارتی دیموكراتی كوردستان له‌ مووسڵ ڕوونكردنه‌وه‌یه‌كی بڵاوكرده‌وه‌ و تێیدا هاتووه‌، ماوەی چەند ڕۆژە گردبوونەوەی دیموكراتیی شەبەك كە پێكهاتەیەكی سیاسیی سەر بە حەشدە پارتی دیموكراتی كوردستان بەوە تۆمەتبار دەكات كە دەیەوێ بە هاوكاریی ئەمەریكا حەشد لە دەشتی نەینەوا دەر بكات، به‌ڵام هاووڵاتیانی پارێزگای نەینەوا شاهیدن كه‌ لەو كاتەوه‌ی چەكدارەكانیان هاتوونەتە ئەو ناوچانە، ژیانی خەڵكیان تێكداوە و جگە لە دزی و ڕێگری و چەتەیی، سیاسەتی بەرتەسكی تاییفیش پەیڕەو دەكەن و دەیانەوێ مەزهەب و ئایینی خەڵكی ناوچەكە بە زۆر بگۆڕن.

ده‌قی ڕوونكردنەوەكه‌ی لقی چواردەی پارتی دیموكراتی كوردستان:

ماوەی چەند ڕۆژە گردبوونەوەی دیموكراتیی شەبەك كە پێكهاتەیەكی سیاسیی سەر بە حەشدە لە ڕاگەیاندنەكاندا پارتی دیموكراتی كوردستان بەوە تۆمەتبار دەكات كە دەیەوێ بە هاوكاریی ئەمەریكا حەشد لە دەشتی نەینەوا دەر بكات.

لێرەدا بە ئەوان ڕا دەگەیێنین كە ئەو بارودۆخەی ئێستا لەو ناوچانە هاتووەتە ئاراوە دەرئەنجامی سیاسەتی خۆسەپاندن و زوڵمی خۆیان بووە دەرهەق به‌ دانیشتوانی ناوچەكە. هەموو هاووڵاتیانی پارێزگای نەینەوا شاهیدن لەو كاتەی چەكدارەكانیان هاتوونەتە ئەو ناوچانە، ژیانی خەڵكیان تێكداوە و جگە لە دزی و ڕێگری و چەتەیی، سیاسەتی بەرتەسكی تاییفیش پەیڕەو دەكەن و دەیانەوێ مەزهەب و ئایینی خەڵكی ناوچەكە بە زۆر بگۆڕن. ئۆباڵی ئەوەی خەڵك لێتان ناڕازییە و خەڵك نایەوێ لە ناوچەكانیان بمێنن، ئەوە دەكەوێتە سەر شانی خۆتان نەك پارتی دیموكراتی كوردستان.

لقی چواردەی پارتی دیموكراتی كوردستان

10-2-2020

 




دوایین هەواڵەکان

پەیامێک لە سەرۆکی حکومەتی هەرێمی کوردستانەوە

FRIDAY, 29 MAY 2020 11:05:40

هەولێر-KDP.info- مەسروور بارزانی سەرۆکی حکومەتی هەرێمی کوردستان لە بارەی مەترسیی تەشەنەکردنی زیاتری پەتای کۆرۆنا پەیامێکی بڵاوكردەوە، ئەمەی خوارەوە دەقی پەیامەكەیە:

 
نێچیرڤان بارزانی سه‌ره‌خۆشی له‌ فه‌رهاد عه‌ونی و ساسان عه‌ونی ده‌کات

THURSDAY, 28 MAY 2020 19:05:00

جه‌نابی سه‌رۆک نێچیرڤان بارزانی له‌ په‌یوه‌ندییه‌کی ته‌له‌فۆنیدا پرسه‌ و سه‌ره‌خۆشی له‌ ڕۆژنامه‌نووس و نووسه‌ری دیار به‌ڕێز فه‌رهاد عه‌ونی و وه‌زیری شاره‌وانی به‌ڕێز ساسان عه‌ونی کرد بۆ کۆچی دواییی خوالێخۆشبووی برایان. 

وەزیری کارەبا: دوو حەفتەی دی، وێستگەی کارەبای خەبات تەواو دەکرێ

THURSDAY, 28 MAY 2020 16:05:23

هەولێر-KDP.info- وەزیری کارەبای حکوومەتی هەرێمی کوردستان ڕایگەیاند، تا ئیستا توانیویانە زیاتر لە ٢٠ سەعات کارەبا بە هاووڵاتییان بدەن و دۆخی کارەباش تا ئێستا جێگیرە.

 

فرسەت سۆفی: رێگەنادەین لەژێر هیچ ناونیشانێک ئارامیی هەولێر تێکبدرێت

THURSDAY, 28 MAY 2020 13:05:09

هەولێر-KDP.info- پارێزگاری هەولێر رایدەگەیێنێت، هەولێر ناوەندێکی سیاسی، ئابووری و بازرگانیی گەورەیە لە عێراق و ناوچەکە، "رێگەش نادەین هیچ کەسێک لەژێر هیچ ناونیشانێک سەقامگیریی ئەم شارە تێکبدات". 

 
دەستەی گشتی گەشتوگوزار ڕوونكردنه‌وه‌یه‌كی بڵاوكرده‌وه‌

THURSDAY, 28 MAY 2020 11:05:43

هەولێر-KDP.info- له‌ روونکردنەوەیەکدا دەستەی گشتی گەشتوگوزاری هه‌رێمی كوردستان له‌ باره‌ی  داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان ڕایگه‌یاند: داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان لە دەسەڵاتی دەستەی گشتی گەشتوگوزار نەبووە و نییە.



 
© 2020 Kurdistan Democratic Party, KDP