Kurdî  ■  كوردی  ■  عربي
FRI, 21 FEB 2020 13:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سیوەیلی : وڵاتان وه‌كو ناوچه‌یه‌كی ئارام و سه‌قامگیر ته‌ماشای هه‌رێمی كوردستان ده‌كه‌ن
| KDP.info


هه‌ولێر -KDP.info- به‌رپرسی مه‌كته‌بی ده‌ره‌وه‌ی پارتی دیموكراتی كوردستان گوتی، هه‌رێمی كوردستان له ‌ڕووی دیپلۆماسییەوە هه‌نگاوی زۆر باشی ناوه‌ و به‌ جۆرێك پێگه‌ی به‌هێز بووه‌ وڵاتان وه‌كو ناوچه‌یه‌كی ئارام و سه‌قامگیر ته‌ماشای ده‌كه‌ن و گرنگیی زۆری پێ ده‌ده‌ده‌ن، هه‌ربۆیه‌ به‌رده‌وام سه‌ردانی ده‌كه‌ن.

هۆشیار سیوەیلی، به‌رپرسی مه‌كته‌بی ده‌ره‌وه‌ی پارتی دیموكراتی كوردستان، بۆ ماڵپه‌ڕی فه‌رمیی پارتی دیموكراتی كوردستان گوتی: "په‌یوه‌ندییه‌كانی هه‌رێمی كوردستان له ‌ڕووی دیبلۆماسییه‌وه‌ له‌گه‌ڵ وڵاتانی جیهان و ده‌وروبه‌ریش له‌ ئاستێكی زۆر به‌رزدایه‌، به‌تایبه‌تیش بەهۆی ئەو ڕووداوانەوە کە ئێستا له‌ عێراقدا ڕوو ده‌ده‌ن و خۆپێشاندان به‌رده‌وامه‌ و حكوومه‌تی عێراق كاربه‌ڕێكه‌ره،‌ هه‌رێمی كوردستان وه‌كو ناوچه‌یه‌كی ئارام و سه‌قامگیر له‌لایه‌ن وڵاتانه‌وه زیاتر گرنگیی پێ ده‌درێت."

هۆشیار سیوه‌یلی گوتیشی: "نموونه‌ی گرنگیدانی وڵاتانی ده‌ره‌وه‌ به‌ هه‌رێمی كوردستان زۆره،‌ له‌وانه‌ دیداری سه‌رۆكی هه‌رێمی كوردستان له‌ كۆنگره‌ی داڤۆس، كه‌ كاردانه‌وه‌ی زۆری هه‌بوو و بووه‌ وه‌رچه‌رخانێكی مێژووی دیبلۆماسیی هه‌رێمی كوردستان."

سیوه‌یلی زیاتری ڕوون کردەوە و گوتی: "سه‌ردانی سه‌ركرده‌ی وڵاتان بۆ هه‌رێمی كوردستان ڕۆژ به‌ ڕۆژ له‌ زیادبووندایه‌ و به‌رده‌وام سه‌ردانی هه‌رێمی كوردستان ده‌كه‌ن، ئه‌مه‌ش واتای ئه‌وه‌یه‌ كه‌ هه‌رێمی كوردستان پێگه‌یه‌كی گرنگی له‌سه‌ر ئاستی ناوچه‌كه‌ و جیهانیش هه‌یه‌، هه‌ربۆیه‌ هه‌موو وڵاتان كه‌ دێن بۆ عێراق، سه‌ردانی هه‌رێمی كوردستانیش ده‌كه‌ن و به‌ گرنگیشەوە له‌ هه‌رێمی كوردستان ده‌ڕوانن."

بڵند ئیبراهیم




دوایین هەواڵەکان

"تەنیا بە گەڕانەوەی پێشمەرگە ئارامی بۆ ناوچە کوردستانییەکان دەگەڕێتەوە"

THURSDAY, 20 FEBRUARY 2020 19:02:30

سلێمانی -KDP.info- له‌پاش 16ی ئۆكتۆبه‌ری ٢٠١٧ه‌وه‌ بۆشاییی ئه‌منی له ‌ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستان پەیدا بووه‌ و ئه‌مه‌ش پاشماوه‌ و شانه‌ نوستووه‌كانی داعشی چالاك كردووەتەوە‌ و به‌رده‌وام كرده‌ی تیرۆریستی بەڕێوە دەبەن. به‌رپرسانی پارتی دیموكراتی كوردستانیش هۆشداری ده‌ده‌ن و ده‌ڵێن به ‌گه‌ڕانه‌وه‌ی پێشمه‌رگه‌ ئارامی بۆ ناوچه‌كه‌ ده‌گه‌ڕێته‌وه‌.

 
وه‌زیری كاره‌با بڕیارێک له‌ به‌رژوه‌ندیی هه‌موو پارێزگا و قه‌زاكان ده‌دات

THURSDAY, 20 FEBRUARY 2020 15:02:28

هه‌ولێر-KDP.info-گوته‌بێژی وه‌زاره‌تی كاره‌بای حكومه‌تی هه‌رێمی كوردستان گوتی، به‌ بڕیاری وه‌زیری كاره‌بای حكوومه‌تی هه‌رێمی كوردستان ده‌سه‌ڵات‌ به‌ هه‌موو پارێزگا و قه‌زاكان دراوه كه‌ له ‌داهاتی كاره‌با 8%ی بۆ شاره‌كانی خۆیان خه‌رج بكه‌ن.

 

سه‌فار: دووشه‌ممه‌ی داهاتوو ئه‌سته‌مه‌ ده‌نگ به‌ كابینه‌ی نوێ بدرێت

THURSDAY, 20 FEBRUARY 2020 15:02:34

به‌غدا-KDP.info- ئه‌ندامێكی ئه‌نجومه‌نی نوێنه‌رانی عێراق له ‌فراكسیۆنی پارتی دیموكراتی كوردستان گوتی، هیچ حكوومه‌تێك به‌بێ كورد و سوننه‌ سه‌ركه‌وتوو نابێت، بۆیه‌ زه‌حمه‌ته‌ ڕۆژی دووشه‌ممه‌ی داهاتوو بتواندرێت ده‌نگ به‌ كابینه‌ی نوێ بدرێت.

 

له‌ بواری كشتوكاڵدا 44 پڕۆژه‌ به‌ بڕی 73ملیار دینار جێبه‌جێ ده‌كرێن

THURSDAY, 20 FEBRUARY 2020 15:02:29

هه‌ولێر -KDP.info- گوته‌بێژی ڕاگه‌یاندنی وه‌زاره‌تی كشتوكاڵی حكوومه‌تی هه‌رێمی كوردستان گوتی، پلانێكیان ئاماده ‌كردووه‌ كه‌ 44 پڕۆژه‌ی بواری كشتوكاڵ له‌خۆ ده‌گرێت و به‌ بڕی زیاتر له ‌70ملیار دینار له‌ هه‌رێمی كوردستان جێبه‌جێ ده‌كرێن، بۆ ئه‌وه‌ی گرنگی به‌ به‌رهه‌می خۆماڵی بدرێت و هاوردكردنی به‌رهه‌می ده‌ره‌كی كه‌م بكرێته‌وه‌.

 

فراكسیۆ‌نە كوردستانییەكان: به‌ یه‌كهه‌ڵوێستیمان نامەیەكی بەهێزمان داوه‌ته‌ ناوەوه‌ و ده‌ره‌وه‌ی عێراق

THURSDAY, 20 FEBRUARY 2020 13:02:26

هەولێر-KDP.info- فراكسیۆ‌نە كوردستانییەكان له‌ ئه‌نجوومه‌نی نوێنه‌رانی عێراق ده‌ڵێن، لەم قۆناغەدا سوورین لەسەر ئەوەی یەكڕیزی و یەكدەنگی بپارێزین و بەردەوامیش ده‌بین له‌سه‌ر یه‌كڕیزی له‌ پێناو به‌رژه‌وه‌ندیه‌ باڵاكانی كوردستان ده‌شڵێن، لەسەر ڕاسپاردەی سەرۆكی هەرێمی كوردستان، لەگەڵ سەرۆكی ڕاسپێردراو بۆ حكوومەتی عێراق قسەمان كرد دەربارەی ئەو بابەتانەی پەیوەندییان بە كوردستانەوە هەیە."

 


 
© 2020 Kurdistan Democratic Party, KDP