Kurdî  ■  كوردی  ■  عربي
SUN, 12 JUL 2020 02:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەرلەمان: داعش سەری هەڵداوەتەوە.. له‌ راپۆرته‌كه‌ماندا مه‌ترسیه‌كانمان خستۆته‌ڕوو
| KDP.info


هەولێر-KDP.info- سەرۆكی لیژنەی ناوچە كوردستانییەكانی دەرەوەی ئیدارەی هەرێمی كوردستان لە پەرلەمان دەڵێ، ئەو راپۆرانەی لەسەر ئەو ناوچانە و مەترسییەكانی ئامادەیان كردووە، رادەستی unو كۆنسووڵخانەی وڵاتانیان لە هەولێر كردووە و چاوەڕێی وەڵامیانن، ئاماژەی بەوەش دا، كاتێك حكوومەتی نوێی عێراق دەستبەكار بوو، لەگەڵ ئەوانیش گفتوگۆكانیان دەست پێدەكەنەوە.

جوان یوونس رۆژبەیانی، لە لێدوانێكیدا بە ماڵپەڕی فەرمیی پارتی دیموكراتی كوردستانی راگەیاند: "وێڕای باسكردنی تەعریب و داگیركردنی زەویوزاری كورد لە كەركووك و ناوچەكانی دیكە لە راپۆرتەكانیاندا، بوونی مەترسییەكانی داعش لەو ناوچانە باسێكی گیرنگی نێو راپۆرتەكانیان بووە، كە تێیدا داویان كردووە هێزێكی پێشمەرگە بگەڕێتەوە ناوچەكە، بەو پێیەی هێزە ئەمنییەكانی عێراق ناتوانن ئەو ناوچانە بپارێزن، بۆیە داعش لەو سنوورانە سەر هەڵدەدەنەوە.

سەرۆكی لیژنەی ناوچە كوردستانییەكانی دەرەوەی ئیدارەی هەرێمی كوردستان، ئاماژە بەوەش دەكات، لە دوای دروستبوونی ئەو لیژنەیە، لەگەڵ لایەنە حیزبییەكان و بە تایبەتیش لەگەڵ پارتی لەسەر هێڵن، بەو پێیەی هەندێ حزبی دیكە لە كەركووكدا بوونیان هەیە، بەڵام كاریگەرییەكی ئەوتۆیان نییە، هاوكات چەند كۆبوونەوەیەكیشیان ئەنجام داوە، كاری باش لەسەر ئەو ناوچانە كراوە، جەختیشی لەوە كردەوە، لە داهاتوویەكی نزیكدا رەوشی ئەمنییەتی كەركووك باش دەبێت، ئیدی چ بە گەڕانەوەی هێزی پێشمەرگە، یا رێگەدان بە پاراستنی ناوچەكە لە رێی پێكهاتەكانییەوە، كە وەك خۆی گوتی: "لە راپۆرتەكانماندا ئەو داوایەمان كردووە".

ناوبراو تیشك دەخاتە سەر ئەوەی كە راپۆرتەكانیان ئاڕاستەی unو كۆنسووڵخانەی ئەو وڵاتانە كردووە، كە لە هەولێر بوونیان هەیە و چاوەڕێی وەڵامی ئەوان دەكەن، روونیشی كردەوە كە بە هۆی بارودۆخی ئێستای عێراق، گفتوگۆیان لەگەڵ بەغدا راوەستاوە و چاوەڕێی پێكهێنانی كابینەی نوێ دەكەن، تا دووبارە لەگەڵ لیژنەی دانوستانكاری هەرێمی كوردستان لەگەڵ بەغدا، گفتوگۆكانیان سەبارەت بەو ناوچانە دەست پێ بكەنەوە و لە رێی ئەو لیژنەیەشەوە داوا بكرێ هەرچی زووە، كار بۆ سەقامگیری باری ئەمنیی كەركووك و دەوروبەری بكرێت، بەو پێیەی داعش لەو سنوورانەدا سەری هەڵداوەتەوە.

 

خێڵان به‌ختیار

 




دوایین هەواڵەکان

راگه‌یندراوێك له‌ ژووری ئۆپه‌راسیۆنی پارێزگای هه‌ولێر

SATURDAY, 11 JULY 2020 20:07:05

هەولێر-KDP.info- دوای نیوه‌ڕی ئه‌مڕۆ شه‌ممه‌ 2020.7.11، به‌سه‌رپه‌رشتی د.فرسه‌ت سۆفی پارێزگاری هه‌ولێر و به‌ ئاماده‌بوونی د.عه‌لی ڕه‌شید سه‌رۆكی ئه‌نجومه‌نی پارێزگای هه‌ولێر، ژووری ئۆپه‌راسیۆنی پارێزگای هه‌ولێر كۆبۆوه‌ و كۆبوونه‌وه‌ گه‌یشته‌ ئه‌م ده‌رنجامانه‌ی خواره‌وه‌و بۆماوه‌ی یه‌ك هه‌فته‌ ڕێكاره‌كان به‌مشێوه‌یه‌ی خواره‌وه‌ ده‌بێت:-

به‌ردی بناغه‌ی پڕۆژه‌یه‌كی ستراتێژی له‌ سلێمانی داندرا

SATURDAY, 11 JULY 2020 17:07:22

سلێمانی -KDP.info-  ئه‌مڕۆ له ‌پارێزگای سلێمانی سه‌رۆكوه‌زیرانی هەرێمی کوردستان، مه‌سروور بارزانی، به‌ ئاماده‌بوونی، جێگری سه‌رۆكی حكوومه‌ت، قوباد تاڵه‌بانی و ساسان عه‌ون، وه‌زیری شاره‌وانی و گه‌شتوگوزار و هه‌ڤاڵ ئه‌بووبه‌كر پارێزگاری سلێمانی، به‌ردی بناغه‌ی شه‌قامی 100 مه‌تری له‌ سلێمانی دانا به ‌گوژمه‌ی 400 ملیار دینار.

کارگەی تەماتەی ھەریر: سبەی دەست بە وەرگرتنی تەماتە لە جووتیاران دەکەین

SATURDAY, 11 JULY 2020 16:07:25

ھەریر-KDP.info-  بەڕێوبەری کارگەی تەماتەی ھەرێر گوتی، لە سبەیەوە دەست بە وەرگرتنی تەماتەی جووتیارانی ھەرێمی کوردستان دەکەن و ڕۆژانە ٢٠ تۆن تەماتە وەردەگرن و بەگشتی دەتوانن ١٥٠ تۆن وەرگرن و عەمباری دەکەن تا کەوتنە کاری کارگەکە کە ئامادەکاری بۆ وەگەڕخستنەوەی دەکرێت و نرخی ھەر سندووقێک تەماتەش کە لە جووتیاران وەردەگیرێت ٣ھەزار دینار دەبێت کە لە بازاڕ گرانترە وەکو پاڵپشتییەک بۆ جووتیارانی ھەرێمی کوردستان."

 
مەسرور بارزانی: پرۆژەی شەقامی 100 مەتری یەکێکە لە پرۆژە گەورەکانی حکومەت

SATURDAY, 11 JULY 2020 15:07:35

سلێمانی-KDP. info-  مەسرور بارزانی لە مەراسیمی دانانی بەردی بناغەی شەقامی 100 مەتری لە سلێمانی رایگەیاند، پرۆژەکە یەکێکە لە پرۆژە گەورەکانی حکومەت و خەڵکی سلێمانی شایەنی پرۆژەی زیاترن.

پرسه‌نامه‌ى سه‌رۆك بارزانى بۆ سه‌رۆكى وه‌قفى سوننى

SATURDAY, 11 JULY 2020 15:07:11

به‌بۆنه‌ى كۆچكردنى خاتوو غه‌یدا كمبش، ئه‌ندامى ئه‌نجوومه‌نى نوێنه‌رانى عێراق و هاوژینى دكتۆر سه‌عد كمبش سه‌رۆكى وه‌قفى سوننى، سه‌رۆك مسعود بارزانى پرسه‌نامه‌یه‌كى ئاراسته‌ى سه‌رۆكى وه‌قفی سوننى كرد، ئه‌مه‌ ده‌قه‌كه‌یه‌تى :



 
© 2020 Kurdistan Democratic Party, KDP