Kurdî  ■  كوردی  ■  عربي
THU, 25 FEB 2021 13:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سیوه‌یلی: بۆ ئه‌وه‌ی سه‌رۆكوه‌زیرانی نوێ سه‌ركه‌وتوو بێت پێویسته‌ سێ خاڵ جێبه‌جێ بكات
| KDP.info


هه‌ولێر-KDP.info- به‌رپرسی مه‌كته‌بی په‌یوه‌ندییه‌كانی ده‌ره‌وه‌ی پارتی دیموكراتی كوردستان گوتی، بۆ ئه‌وه‌ی سه‌رۆكوه‌زیرانی نوێ سه‌ركه‌وتوو بێت، پێویسته‌ سێ خاڵ جێبه‌جێ بكات و خاڵی هه‌ره‌ گرنگی دانانی سنوورێك بۆ گرووپه‌ میلیشیاكان و پابه‌ندبوونە به‌ ده‌ستووری عێراقەوە .


به‌رپرسی مه‌كته‌بی په‌یوه‌ندییه‌كانی ده‌ره‌وه‌ی پارتی دیموكراتی كوردستان، هۆشیار سێوه‌یلی، بۆ ماڵپه‌ڕی فه‌رمیی پارتی دیموكراتی كوردستان گوتی: "پارتی دیموكراتی كوردستان ماوه‌یه‌كی زۆره‌ چاوه‌ڕێیە لایه‌نه‌كان له‌باره‌ی سه‌رۆكوه‌زیرانی داهاتوو بگه‌نه‌ ڕێككه‌وتن، بۆ ئه‌وه‌ی عێراق له‌ دۆخی ناهه‌مواری ئێستا ڕزگار بێت، به‌داخه‌وه‌ لایه‌نه‌ شیعه‌كان دواكه‌وتن تا مه‌رجعی شیعه‌كان نه‌هاته‌ سه‌رخه‌ت و داوای لێ كردن په‌له‌ی لێ بكه‌ن و بۆته‌ عورفێكی سیاسی كه‌ سه‌رۆككۆمار بۆ كورد و سه‌رۆكوه‌زیران بۆ شیعه‌ و سه‌رۆكی په‌رله‌مان بۆ سوننه ‌بێت، بۆیه‌ سه‌رۆكوه‌زیران مافی شیعه‌كان بوو، وه‌كو ئه‌وه‌ی ئێستا كردیان."

هۆشیار سیوه‌یلی گوتیشی: "دوای ڕاسپاردنی سه‌رۆكوه‌زیران، محه‌مه‌د عه‌لاوی پێویسته‌ له ‌ماوه‌ی مانگێكدا حكوومه‌ت پێک بێنێت و ڕه‌وانه‌ی په‌رله‌مانی بكات بۆ ئه‌وه‌ی متمانه‌ی پێ بدرێت، بۆیه‌ پێویسته‌ چاوه‌ڕێ بین تا بزانین له‌ په‌رله‌مان متمانه‌ی پێ ده‌درێت، یاخود نا و، سه‌رۆكوه‌زیرانی نوێش ڕاوێژ بۆ پێكهێنانی حكوومه‌تی نوێ له‌گه‌ڵ هه‌موو لایه‌نه‌كان ده‌كات."

سیوه‌یلی باسی له‌وه‌ش كرد: "چه‌ند مه‌رجێك هه‌یه‌ بۆ سه‌رۆكوه‌زیرانی نوێ بۆ ئه‌وه‌ی عێراق بگه‌ڕێته‌وه‌ بۆ دۆخێكی سه‌قامگیر و بتوانێ خزمه‌تی هاووڵاتیان بكات، یه‌كه‌م ده‌ستوور جێبه‌جێ بكات و هه‌ركه‌سێك ده‌ستوور پشتگوێ بخات عێراق تووشی هه‌مان قه‌یران ده‌بێت و، خاڵی دووه‌م  پێویسته‌ چه‌كدارانی میلیشیا سنووردار بكات  و ناكرێت ئه‌و گرووپانه ‌چه‌كیان لا بێت كه‌ یاسایی نین و نابێت كاریگه‌رییان له‌سه‌ر بڕیاری عێراق هه‌بێت، كه‌ له‌ ماوه‌ی ڕابردوودا هه‌بووه‌ و، خاڵی سێیه‌م پێویسته‌ داخوازیی خۆپێشانده‌ران جێبه‌جێ بكات بۆ ئه‌وه‌ی عێراق بگه‌ڕێته‌وه‌ بۆ دۆخێكی ئارام."

سه‌باره‌ت به‌ هه‌ڵوێستی پارتیش گوتی: "ئێمه‌ هیچ تێبینیمان له‌سه‌ر كاندیدی سه‌رۆكوه‌زیران نییه‌، به‌ڵام ئه‌گه‌ر ئه‌و خاڵانه‌ جێبه‌جێ بكات سه‌ركه‌وتوو ده‌بێت به‌ مه‌رجێك هه‌رسێ پێكهاته‌ی سه‌ره‌كیی كورد و سوننه‌ و شیعه‌ پشتگیریی بكه‌ن."

بڵند ئیبراهیم


 




دوایین هەواڵەکان

سەرۆکی حکوومەتی هەرێمی کوردستان پێشوازی لە جێگری وەزیری دەرەوەی ئەرمەنستان دەکات

THURSDAY, 25 FEBRUARY 2021 12:02:29

ھەولێر-KDP.info- سەرۆکی حکوومەتی هەرێمی کوردستان پێشوازیی لە جێگری وەزیری دەرەوەی ئەرمەنستان كرد و پیرۆزبایی کردنەوەی کونسوڵخانەی گشتیی و ناوەندی ڕۆشنبیریی ئەرمەنیی لە هەولێر کرد.

 
پەرلەمان بۆ KDP: داھاتی ھەرێمی كوردستان دوو تا سێ ھێندە زیادی كردووە

THURSDAY, 25 FEBRUARY 2021 12:02:45

ھەولێر-KDP.info- ئەندامێكی لیژنەی دارایی لە پەرلەمانی كوردستان رایدەگەیەنێت، بە ھۆی ئەوەی حكوومەتی ھەرێمی كوردستان چەند ھەنگاوێكی لە بواری ئابووری ناوە و چەند فاكتەرێكیش بوونەتە ھۆی ئەوەی دۆخی ئابووریی ھەرێمی كوردستان باشتر بێت، داھاتی ھەرێمی كوردستان لە چاو پێش ھاتنی كۆرۆنا، دوو تا سێ ھێندە زیادی كردووە.

 
87 كچی كوردی ئێزدی خولێكی سەربازییان تەواو كرد

THURSDAY, 25 FEBRUARY 2021 11:02:29

دھۆك-KDP.info- بەڕێوەبەری راگەیاندن و هۆشیاریی نیشتمانی لە وەزارەتی پێشمەرگەی حكوومەتی ھەرێمی كوردستان رایگەیاند، ئەمڕۆ لە سنووری قەزای شێخان مەراسیمێك بە بۆنەی تەواوكردنی خولی مەشق و راھێنانی 87 كچی كوردی ئێزدی ساز كرا، كە لە فەرماندەیی ھێزەكانی شنگال دەبنە پێشمەرگە.

 
سه‌رۆك وه‌زیرانی كوردستان نیگه‌رانیی خۆی له‌ دۆخی ناوچه‌ جێناكۆكه‌كان ده‌رده‌بڕێت

THURSDAY, 25 FEBRUARY 2021 11:02:29

ھەولێر-KDP.info- سه‌رۆكی حكوومه‌تی هه‌رێمی كوردستان، له‌ تویتێكیدا نیگه‌رانیی خۆی له‌ دۆخی ناوچه‌ جێناكۆكه‌كان له‌ هه‌ڵبژاردنی داهاتوودا ده‌رده‌بڕێت.

 
مەکتەبی سیاسی سەرەخۆشی لە خانەوادەی خوالێخۆشبوو (مەجید ئەتروشی) دەکات

THURSDAY, 25 FEBRUARY 2021 11:02:45

بەڕێزان خانەوادەی خوالێخۆشبوو (مەجید ئەتروشی)

بە داخ و پەژارەیەکی زۆرەوە ھەواڵی کۆچی دوایی کەسایەتیی رووناکبیر و تێکۆشەر (مەجید ئەتروشی)مان بیست، بەو بۆنە خەمناکەوە پرسە و سەرەخۆشیی خۆمان ئاڕاستەی ئێوەی بەڕێز و کەسوکار و بنەماڵەکەتان دەکەین، خۆمان بە شەریکی خەمتان دەزانین.



 
© 2020 Kurdistan Democratic Party, KDP

Contact