سەرۆك بارزانی پێشوازی لە سەرۆكوەزیرانی عێراق دەكات

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

SAT, 11 JAN 2020 16:33 | KDP.info

هەولێر-KDP.info- ڕۆژی شەممە 11ـی 1ـی 2020 لە شاری هەولێر سەرۆك مەسعود بارزانی پێشوازی لە عادل عەبدولمەهدی سەرۆكوەزیرانی عێراق و شاندێكی باڵای حكوومەتی عێراق كرد.

لە دیدارەكەدا بارودوخی سیاسیی عێراق و پێشهات و گرژیییەكانی ئەم دواییەی عێراق و ناوچەكە تاوتوێ كرا و سەرۆكوەزیرانی عێراق پێزانینی بۆ هەڵوێستی سەرۆك بارزانی و هەرێمی كوردستان لەمەڕ ڕووداوەكانی ئەم دواییەی عێراق هەبوو و بە هەڵوێستی هاوسەنگ و بەرز لەقەڵەمی دا و جەختیشی لە هەماهەنگی و برایەتی و پەیوەندیی بەردەوامی هەردوولا كردەوە.

هەر لەو دیدارەدا سەرۆك بارزانی ئەوەی دووپات كردەوە كە خوازیاری ئەوەیە كێشە و قەیرانەكانی عێراق چارەسەر ببن و لەگەڵ ئەوەدایە كە بۆ نەهێشتنی گرفتەكان، ڕێگەچارەی دوور لە موزایەدات و عەقڵانی و لە چوارچێوەی میكانیزمە دەستوورییەكان بگیرێتەبەر.

لە بەشێكی تری ئەو دیدارەدا هەردوولا جەختیان لەوە كردەوە كە پەیوەندییەكانی نێوان هەرێم و بەغدا كەوتووەتە قۆناغێكی ئیجابی و نوێ و بەردەوامیی ئەو كەشە ئیجابییەی نێوان هەردوولا بە پێویست زانرا.

هەڕەشە و مەترسییەكانی بەهێزبوونەوەی تیرۆریستانی داعش تەوەرێكی تری ئەو كۆبوونەوەیە بوو.

جێگەی ئاماژەپێكردنە لەو كۆبوونەوەیەدا فازڵ میرانی سكرتێر و د. ڕۆژ نووری شاوێس و هۆشیار زێباری و ئازاد بەرواری و مەحموود محەمەد و جەعفەر ئیمینكی ئەندامانی مەكتەبی سیاسیی پارتی دیموكراتی كوردستان ئامادەی بوون.

دوایین هەواڵەکان

پشووی فەرمانگەكان بۆ 16ی نیسان درێژكرایەوە

SATURDAY, 28 MARCH 2020 20:03:43

هه‌ولێر-KDP.info- گوته‌بێژی حكوومه‌تی هه‌رێمی كوردستان راگه‌یاندراوێكی‌ له‌باره‌ی‌ كۆتاییهاتنی‌ پشووی‌ فه‌رمانبه‌ران بڵاو كرده‌وه‌ و رایگه‌یاند، تا 16ی‌ نیسان پشووه‌كه‌ درێژكراوه‌ته‌وه‌.

لە ئاکرێ ھیچ حاڵەتێکی ھەڵگری ڤایرۆسەکە تۆمار نەکراوە

SATURDAY, 28 MARCH 2020 19:03:35

ئاکرێ-KDP.info- قایمقامی شارۆچکەی ئاکرێ دەڵێ، بڕیاری وەزارەتی ناوخۆ دەربارەی قەدەغەی ھاتوچۆی ھاووڵاتیان بۆ خۆپارێزی لەم پەتایە لەجێی خۆیەتی و لە سنووری قەزای ئاکرێ بڕیارەکە جێبەجێ کراوە و بەردەوامە. بەڕێوەبەری ڕاگەیاندنی تەندروستیی ئاکرێش ڕایگەیاند، ھیچ حاڵەتێکی ڤایرۆسی کۆرۆنا لە ئاکرێ تۆمار نەکراوە.

د. فازڵ نه‌بی: حكوومه‌تی هه‌رێم سێ ڕێكار بگرێته‌ به‌ر ئه‌م دۆخه‌ی ئێستا به‌ئاسانی تێ ده‌په‌ڕێنێت

SATURDAY, 28 MARCH 2020 16:03:57

هه‌ولێر -KDP.info- بریكاری پێشووی وه‌زاره‌تی داراییی حكوومه‌تی عێراق گوتی، حكوومه‌تی هه‌رێمی كوردستان سێ ڕێكار بگرێته‌ به‌ر تووشی قه‌یرانی دارایی نابێت و ئه‌م دۆخه‌ كاتییەی‌ هاتووەته‌ پێش به‌ئاسانی تێی ده‌پەڕێنێت، له‌وانه‌ مسته‌حه‌قاتی كۆمپانیا نه‌وتیه‌كان دوا بخات و دووه‌م زه‌ویه‌ گرانبه‌هاكان له‌جیاتی ئه‌وه‌ی به‌لاش بداته‌ وه‌به‌رهێنه‌ره‌كان به ‌پاره‌یه‌كی زۆر بیفرۆشێت و خاڵی سێیه‌م هه‌موو داهاتی گومرگه‌كان بگه‌ڕێته‌وه‌ بۆ حكوومه‌ت و ڕێكاره‌كان توندتر بكرێن، چونكه‌ ئه‌و قه‌یرانه‌ی پەیدا بووه‌، كاتییه‌.

"زۆربەی تووشبووانی کۆرۆنا لە ھەولێر ڕەوشی تەندروستییان جێگیرە"

SATURDAY, 28 MARCH 2020 16:03:46

هەولێر-KDP.info- بەڕێوەبەری نەخۆشخانەی ئیماراتی لە ھەولێر، کە تایبەتە بە چارەسەری کۆرۆنا ئاشکرای کرد، ڕەوشی تەندروستیی نەخۆشانی کۆرۆنا جێگیرە و بڕیارە دوو نەخۆشی دیکە بەھۆی باشبوونی ڕەوشی تەندروستیانەوە ڕەوانەی ماڵەوە بکرێنەوە و دەشڵێ، ئەگەر حکوومەتی ھەرێم زوو ھەنگاوی بەرەنگاربوونەوەی نەنابا کارەسات ڕووی دەدا.

سەندیکای کرێکاران: مافی کرێکاران نافەوتێت.. حکوومەت لەھەوڵدایە بۆ چارەسەرکردنی

SATURDAY, 28 MARCH 2020 13:03:43

هەولێر-KDP.info- ئەندامێکی مەکتەبی تەنفیزی سەندیکای کرێکاران دەڵێ، بەھۆی قەدەغەی ھاتووچۆوە ژمارەیەکی بەرچاوی کرێکاران ناتوانن بچنە سەرکارەکانیان، بەپێی یاساش تا دوو مانگ ئەرکی خاوەن کارە مووچە و کرێی کرێکاران خەرج بکات.

سه‌رۆك دۆناڵد تره‌مپ پیرۆزبایى له‌ رێزدار نێچیرڤان بارزانى ده‌كات

هەولێر-KDP.info- به‌ڕێز نێچیرڤان بارزانى، سه‌رۆكى هه‌رێمى كوردستان، به‌بۆنه‌ى جه‌ژنى نه‌ورۆزه‌وه‌ نامه‌یه‌كى پیرۆزبایى له‌ به‌ڕێز دۆناڵد تره‌مپ سه‌رۆكى ئه‌مه‌ریكاوه‌، پێگه‌یشت ئه‌مه‌ ده‌قه‌كه‌یه‌تى:

پەیامی سەرۆك بارزانی بەبۆنەی نەورۆز و سەری ساڵی تازەی كوردی

هه‌ولێر-KDP.info- سەرۆك بارزانی لە پەیامێكدا بەبۆنەی هاتنی جەژنی نەورۆز و، سەری ساڵی 2720ـی كوردی، پیرۆزبایی لە خانەوادەی سەربەرزی شەهیدان و پێشمەرگە قارەمانەكان و هەموو كوردستانیانی خۆشەویستی ناوەوە و دەرەوەی وڵات دەكات. ئەمەش دەقی پەیامەكەیە:

سه‌رۆكی هەرێمی کوردستان به‌دواداچوون بۆ دۆخى پارێزگاى دهۆك ده‌كات

هەولێر-KDP.info- به‌ڕێز نێچیرڤان بارزانى، سه‌رۆكى هه‌رێمى كوردستان به‌دواداچوون بۆ دۆخى لێقه‌وماوان و زیانه‌كانى باران و لافاوه‌كانى پارێزگاى دهۆك و پرۆسه‌ى به‌هاناوه‌چوون ده‌كات و هاوكارییه‌كى به‌په‌له‌ ده‌داته‌ ئیداره‌ى پارێزگاى دهۆك.