Kurdî  ■  كوردی  ■  عربي
MON, 4 JUL 2022 19:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیمانگایەکی چینی تایبەت بە دیراساتی رۆژهەڵاتی ناوین دەیەوێ پێوەندییەکانی لەگەڵ هەرێم پتەو بکات
| KDP.info


 

چین-KDP.info-  ئەمڕۆ هیوا ئەحمەد مستەفا ئەندامی ئەنجومەنی سەرکردایەتی پارتی لە شاری (شەنگهای) وڵاتی چین، بە نوێنەرایەتی پارتی دیموکراتی کوردستان بەشداری پانێڵی پەیمانگای شەنگهای بۆ توێژینەوە و دیراساتی ڕۆژهەڵاتی ناوین کرد.

پانێڵەکە لەلایەن سەرۆکی پەیمانگای شەنگهای و چەندین پسپۆڕی سیاسی تایبەت بە ڕۆژهەڵاتی ناوەڕاست لەلایەنی چین و شاندی لایەنە سیاسییەکانی وڵاتانی عەرەبی بەشداربوون.

سەرۆکی پەیمانگاکە (وای جین) بە تێر و تەسەلی باسی لە سیاسەتی وڵاتی چین بەرامبەر بە وڵاتانی زلهێز و ڕۆژهەڵاتی ناوەڕاست و وڵاتانی عەرەبی کرد و گفتوگۆی نێوان بەشداربووانی پانێڵەکە زیاتر لە ۳ کاتژمێری خایاند.

لەلایەن خۆیەوە هیوا ئەحمەد مستەفا بە ناوی پارتی دیموکراتی کوردستانەوە سوپاسی سەرۆک و ئەندامانی پەیمانگای شەنگەهای کرد. ئەوانیش لەلایەن خۆیانەوە باسیان لە بانگهێشتکردنی چەند سەنتەرێکی تایبەت بە شیکاری سیاسی لە عیراق و کوردستان کرد بۆ ئەوەی لە داهاتوویەکی نزیکدا سەردانی شاری شەنگەهای بکەن.
 




دوایین هەواڵەکان

پرسەنامەیەک لە سەرۆکی حکومەتی هەرێمی کوردستان

MONDAY, 04 JULY 2022 19:07:00

بۆ کۆچی دوایی شاعیر و نووسەری ناسراو نەوزاد رەفعەت، پرسە و سەرەخۆشی ئاراستەی کەسوکار و بنەماڵە بەڕیزەکەی و هاوڕێ و دۆستانی خوالێخۆشبوو دەکەم.

 
سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.



 
© 2021 Kurdistan Democratic Party, KDP

Contact