Kurdî  ■  كوردی  ■  عربي
TUE, 21 JAN 2020 18:03 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی: هیوادارین لێدوانی هیستریایی و ناوەخت و نامەسئولانەی وتەبێژی یەکێتی، هەوڵێک نەبێ بۆ شاردنەوە و پەردەپۆشی خروقات
| KDP.info


 

 
 
هه‌ولێر-KDP.info-  گوته‌بێژی فەرمیی پارتی دیموکراتی کوردستان سەرباری کەموکورتی و تێبینییان له‌ پرۆسەی هه‌ڵبژاردندا ڕایده‌گه‌ینێ، كه‌ گەلی کوردستان ئەم تەجرەبەیەشی سەرکەوتوانە تێپەڕاند. هاوكات له‌ ڕاگه‌یێندراوێكدا ڕایده‌گه‌یێنێ، پێش رووداوەکان ناكه‌ون و تۆمەتی پێشوەختەش نابه‌شنه‌وه‌، به‌ڵام ده‌ڵێ، ''ئەوەی جێی سەرسوڕمان و هەڵوەستەی ئێمەیە، لێدوانی هیستریایی و ناوەخت و نامەسئولانەی وتەبێژی یەکێتی نیشتمانی بوو، کە زۆر شپرزانە و بەرلەوەی هیچ ئەنجامێکی سەرەتاییش بەدەرکەوتبێ، کەوتە هەڵوێست وەرگرتن و سەنگەرگرتن لە کۆی پرۆسەکە و تۆمەتبارکردنی بێ بنەما و شەڕفرۆشتن بە پرۆسەکە لە هەردوو پارێزگای هەولێر و دهۆک.
 
 
ده‌قی راگەیاندراوێک لە وتەبێژی فەرمیی پارتی دیموکراتی کوردستانەوە
 
ئەمڕۆ خۆشبەختانە هەڵبژاردنی پەرلەمانی کوردستان بە هیممەتی دڵسۆزان لە کەشێکی ئارام و ئازاد و ئاشتییانەدا بەڕێوە چوو، سەرباری کەم و کورتی  و تێبینی کە لە هەر پرۆسەیەکی لەو جۆرەدا روو دەدەن، گەلی کوردستان ئەم تەجرەبەیەشی سەرکەوتوانە تێپەڕاند. 
 
ئێمە لە کاتێکدا سوپاسی ماندوویی و هەوڵەکانی کۆمسیۆنی باڵای هەڵبژاردن و راپرسی کوردستان و رۆڵی بەرچاوی هەموو لایەنە پەیوەنددارەکان و بەشداریی هاووڵاتیان  و بە تایبەت جەماوەری وەفاداری پارتیمان دەکەین، هەر لە سۆنگەی پابەندیی تەواومان بە رێنوماییەکانی کۆمسیۆن، رایدەگەیەنین کە سکاڵاکانمان لەسەر کۆی ئەو خروقات و سەرپێچیانەی لە هەندێ شوێن روویان دا بە رێگەی ئوسوڵی خۆیدا تۆمار کردووە و بە دوایدا دەچین و لەوەشدا نە پێش روداوەکان دەکەوین و نە تۆمەتی پێش وەختەش دەبەشینەوە. 
 
بۆیە ئەوەی جێی سەرسوڕمان و هەڵوەستەی ئێمەیە، لێدوانی هیستریایی و ناوەخت و نامەسئولانەی وتەبێژی یەکێتی نیشتمانی بوو، کە زۆر شپرزانە  و بەرلەوەی هیچ ئەنجامێکی سەرەتاییش بەدەرکەوتبێ، کەوتە هەڵوێست وەرگرتن و سەنگەرگرتن لە کۆی پرۆسەکە و تۆمەتبارکردنی بێ بنەما و شەڕفرۆشتن بە پرۆسەکە لە هەردوو پارێزگای هەولێر و دهۆک.
 
ئێمە لە پارتی دیموکراتی کوردستان، لە کاتێکدا سەرلەبەری ئەو تۆمەتانە و شێوازی رقاوی و هەڵەشانەی وتەبێژەکەی یەکێتی کە لە نێوخۆی حزبەکەی خۆشیدا زۆر بڕی نەکرد و بۆی راست کرایەوە، رەت دەکەینەوە، هیوادارین ئەو شڵەژان و توڕەییە، کاردانەوە نەبێت بەرامبەر رێکارە توند و رێنوماییە وردەکانی کۆمسیۆن کە مەجالی تەزویر و ساختەکاریی فراوان و مونەزەمی بەرتەسک کردەوە، یاخود هەوڵێک نەبێ بۆ شاردنەوە و پەردەپۆشی خروقات و سەرپێچییەکان لە رێی تۆمەتبارکردنی خەڵکی دیکەوە.
 
مەحمود محەمەد
وتەبێژی فەرمی پارتی دیموکراتی کوردستان
30/9/2018

 




دوایین هەواڵەکان

ژیان مستەفا: لە دھۆک چاکسازیی لیستی شەھیدان دەستی پێ کردووە

TUESDAY, 21 JANUARY 2020 16:01:38

دهۆک-KDP.info- لە سنووری پارێزگای دھۆک زیاتر لە ١٠ ھەزار شەھید و شەھیدی جینۆساید ھەن و بەڕێوەبەری گشتیی شەھیدانی دھۆکیش دەڵێ، پڕۆسەی پاکسازی لە ناوی وارسی شەھیدان دەستی پێ کردووە.

 

كۆمپانیا بیانییه‌كانی بواری نه‌وت له‌ كه‌ركووك ده‌كشێنه‌وه‌"

TUESDAY, 21 JANUARY 2020 16:01:41

كه‌ركووك -KDP.info- كۆمپانیا بیانییه‌كانی بواری نه‌وت له‌ کەرکووک ده‌كشێنه‌وه‌، له‌وانه‌ كۆمپانیایی (بی‌پی)ی به‌ریتانیایی. به‌رپرسێكی پارتی دیموكراتی كوردستانیش له‌ کەرکووک ده‌ڵێ، به‌هۆی خراپیی دۆخی ئه‌منییەوە ئه‌و كۆمپانیایانه‌ له‌و شاره‌ ده‌كشێنه‌وه‌، چونكه‌ ئه‌وانه‌ سه‌لامه‌تیی كارمه‌ندانی خۆیان له‌ هه‌موو شتێك لا گرنگتره.

 

لیوا تارق: ڕەوشی ئەمنیی دھۆک ئارامە و ژمارەیەک تۆمەتباری کوشتن دەستگیر کراون

TUESDAY, 21 JANUARY 2020 16:01:49

دهۆک-KDP.info- تەنیا لە ماوەی یەک حەفتەدا لە سنووری پارێزگای دھۆک شەش ڕووداوی کوشتن تۆمار کراون. بەڕێوەبەری گشتیی پۆلیسی دھۆکیش ھاووڵاتیان لە پاراستنی گیان و ماڵیان دڵنیا دەکاتەوە و دەشڵێ، سبەی وردەکاریی ھەر شەش ڕووداوەکە ئاشکرا دەکەن.

 

زه‌رده‌شت تۆفیق: كۆبوونه‌وه‌ی نێچیرڤان بارزانی و دۆناڵد ترامپ پێوه‌ندیی ئەمەریکا و كوردستان ده‌باته‌ قۆناخێكی نوێ

TUESDAY, 21 JANUARY 2020 16:01:48

ئەمەریکا - KDP.info - سه‌رۆك نێچیرڤان بارزانی له‌ کۆڕبه‌ندی ئابووریی جیهانیی داڤۆسدا به‌شداری ده‌كات و چاوی به‌ به‌رپرسانی باڵای وڵاتانی جیهان ده‌كه‌وێت، دیداری تایبه‌تی له‌گه‌ڵ سه‌رۆكی ئەمەریکا ده‌بێت.

 

پارتی سەرەخۆشیی لە تاڵیب ئەحمەد دەکات

TUESDAY, 21 JANUARY 2020 15:01:43

هەڤاڵی بەڕێز تاڵیب ئەحمەد

 



 
© 2020 Kurdistan Democratic Party, KDP