Kurdî  ■  كوردی  ■  عربي
SUN, 28 NOV 2021 05:56 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هاونیشتمانیان داوای سەربەخۆیی کوردستان دەکەن..سایکس‌پیکۆ‌ کۆتایی هات
| KDP.info


هەولێر-KDP.info-  ھاونیشتمانیان دەڵێن نەخشەی سایکس‌پیکۆ‌ هەڵوەشاوەتەوە و، کورد نابێ لەوە زیاتر ستەم قبووڵ بکات؛ ئەوە سەد ساڵە خاکی لێ زەوت کراوە و، وا هەندێکی بە خوێن گرتووەتەوە؛ کاتیەتی سەربەخۆیی ڕابگەیێنێ.

 

لە تەقتەقی سەر بە قەزای کۆیە (جومعە کانی لەلەیی) بەڕێوەبەری بەرگری شارستانی تەقتەق بە ماڵپەڕی فەرمیی پارتی دیموکراتی کوردستانی ڕاگەیاند: "لە ھەلومەرجێکدا ڕێکەوتننامەی سایکس‌پیکۆ‌ ئیمزا کرا ھێشتا ئاکامە خراپەکانی دابەشکردنی کوردستان بەپێی ڕێکەوتننامەی (چاڵدێران) بەسەر کوردەوە لا نەچووبوو، ھێشتا ساڕێژ نەبووبوو کەچی دیسان ڕێکەوتنێکی دابەشکارانە بەسەر کورددا سەپێنرا بێ ئەوەی کورد پێی ڕازیبێ؛ سایکس‌پیکۆ‌ تەنها دابەشکردنی خەڵک و خاکی کوردستان نەبوو، بەڵکو لێکدابڕاندنی دابونەریت و کەلتوور و زمان و شارستانیەتی میللەتێک بوو کە دواتر بە سیاسەتی (کردنەعەرەب و، کردنەتورک و، کردنەفارس) کەلێنی دابڕانەکەیان زۆر گەورەتر کرد."

 

(کانی لەلەیی) گوتیشی: "دوای تێپەربوونی سەدەیەک بەسەر ئەو ڕێکەوتننامەیەدا ئێستا کورد لە ڕۆژھەڵاتی ناوەڕاستدا پێگەیەکی گرینگی ھەیە؛ ھەم لە داڕشتنەوەی نەخشەی نوێی ناوچەکە ھەم لە بەرپەرچدانەوە و شکاندنی تیرۆر و تیرۆریستەکان. ئەوەی لەو سەدەی ڕابردووەدا لە کوردیان سەندووە وا ئێستا بە خوێن و قوربانی هەندێکی سەندووەتەوە و، نابێ لەکیسی بدات؛ کورد دەبێ خۆی بۆ ھەر باھۆزە گۆڕانێکی ئەو ڕۆژھەڵاتی ناوەڕاستە گورجەوە بکات؛ خۆی ھەنگاوی هەرە گرنگ ئەوەیە کە حکوومەتی ھەرێم و حزبە تێکۆشەرەکانی ھەرێم بە ماوەیەکی کەم گوتاری سیاسی و جەمسەری کورد یەک بخەن و بە یەک ئاراستە و یەک سیاسەت و، بە دیپلۆماسییەکی یەکگرتوو بەرەوڕووی ڕووداوەکان ببنەوە؛ بە خەباتی ھەموو لایەنەکان و، بەو هەرێمە دیفاکتۆیە و ئابوورییە سەربەخۆکەی بەشێک لە نەخشەی سایکس‌پیکۆ‌ ئاوەژوو کراوەتەوە؛ ھەنگاوی دووەم ڕیفراندۆم و کۆکردنەوەی دەنگی خەڵکە بۆ ڕاگەیاندنی سەربەخۆییی کوردستان."

 

لە گوێڕەوە فەرماندە (حاکم جەمال) ئاوەهای بە ماڵپەڕی فەرمیی پارتی دیموکراتی کوردستان گوت: "کەس ئەوەندەی ئیمەی کورد تاڵاوی ئەو ڕێککەوتنامەیەی نەنۆشت؛ ڕاستە بەو ڕێککەوتنامە 'ئیمپراتۆریەتی هۆسمانلی'ـیان هەڵوەشاندەوە بەڵام باجە زۆرەکە گەلی مەینەتدیدەی کورد دای و، کران بە چوار پارچەوە؛ خرانە سەر چوار دەوڵەت، هەر کامەیان بە دابونەریت و فەرھەنگ و زمانێکی جیاواز لە کورد؛ جا ئەو چوار دڕندەیە بە ھەموو شێوەیەک ھەوڵی سڕینەوەی میللەتی کوردیان داوە، تەنانەت هەر کامەیان و بە جۆرێک کەوتنە جینۆسایدکردنی خەڵکی کوردستان؛ خۆشبەختانە میللەتی کورد خۆی پێ ڕاگیراوە و، زمان و ناسنامە ڕەسەنەکەی خۆی پاراستووە؛ بە خوێنە گەش و ئاڵەکەی ژۆڵەکانی مێژوویەکی پڕ لە سەروەریی بۆ مرۆڤایەتییش تۆمار کردووە؛ ئێستا هەلێکی زێڕینمان بۆ هەڵکەوتووە؛ ئێستا پاڵپشتی نێودەوڵەتیمان پەیدا کردووە و، دۆستمان لە جاران زیاترە و، سەرۆک بارزانی تاکە زامنی ئەم دەسکەوتە دەبێت."

 

(گەردی سەرکار) فەرمانبەری وەزارەتی داد، لە هەولێرەوە بە ماڵپەڕی فەرمیی پارتی دیموکراتی کوردستانی ڕاگەیاند: "ئێمەی کورد، پاش ئەو ١٠٠ ساڵ زڵم‌وستەمە پێویستە بە خۆماندا بێینەوە و، کارێکی وا بکەین نەکا جارێکی دی بەبێ ویستی کورد بڕیار لە خاک و نیشتمان و نەتەوەکەمان بدرێت. واتە دوای (١٠٠) ساڵ لەو ڕووداوە، لەبری ئەوەی خاکەکەمان دابەش و نەتەوەکەمان پەرتەوازە بکرێت، (کوردستان) بەرەو سەربەخۆیی و (کورد)یش بۆ سەرفرازی ھەنگاو بنێت. واتە ئەو (دوو) دەوڵەتەی کوردستان و کوردیان دابەش کرد، دەوڵەتێکیان لە ناوچەکە بۆ دروست بکەن و چیدیکە نەیکەنە ژێردەستەی ئەو دەوڵەتە دروستکراوانەی لەو ماوەیەدا بە ئاگر و ئاسن وەڵامی بزووتنەوەی ڕزگاریخوازانەی کوردیان داوەتەوە. خۆ ئەگەر بەر لە (١٠٠) ساڵ تاوانی کوردستان ئەوە بووبێت کە سەر بە ئیمپراتۆریەتی عوسمانی بوو و لەگەڵ ئەو دەوڵەتەدا کەوتووەتە جەنگەوە لە دژی دەوڵەتانی ھاوپەیمان، ئەوا دوای (١٠٠) ساڵ، کورد و سەرکردایەتییەکەی لە بەرەی دەوڵەتانی ھاوپەیماندان لە جەنگی تیرۆریستانی داعش و شەڕی تیرۆریستان و دژمنانی ھاوپەیمانان دەکەن.

 

ئەوەش دوای ئەوەی ھاوپەیمانان لە گەورەییەکەی ھێزی کورد و دڵسۆزیان تێگەیشتوون و لەو نەتەوانە نییە کە بێوەفا بێت و دوای ئەوەی بوو بە دەوڵەت پشت بکاتە دۆستەکانی."

فایزە پاڵانی

 

 




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact