Kurdî  ■  كوردی  ■  عربي
SAT, 19 JUL 2025 01:47 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

شێخ به‌هائه‌دین نه‌قشبه‌ندی بۆ KDP: مرۆڤی فیتره‌ت پاك وڵاتی خۆی خۆشده‌وێت
| KDP.info


ھەولێر-KDP.info- كاتێک ناوی شێخانی كوردستان دێتە هزرمانەوە، بیرمان بۆ شێخ عەبدولسەلام بارزانی، شێخ عوبەیدوڵڵای نەهری، شێخ سەعیدی پیران، شێخ مەحموودی حەفید و دەیان نموونەی تر دەچێت كە سەركردایەتیی شۆڕش و بەرخودانی كوردستانیان كردووە، شێخ به‌هائه‌دین نه‌قشبه‌ندیی چه‌مپاراو، لەسەر ڕێچكەی ئەو مەزنانەی ڕابردوودا دەڵێت، ئێمه‌ی ئیمانداری ناو ڕێبازی پاكی ته‌ریقه‌تی نه‌قشبه‌ندی بنه‌مان، خۆشه‌ویستیی خوا و خاك و خه‌ڵك و هه‌ر موسڵمانێكی ڕاسته‌قینه‌ پێویسته‌ خۆشه‌ویستی ئه‌وانه‌ی له‌دڵدا بێت.

مامۆستا شێخ به‌هائه‌دین شێخ محیه‌دین نه‌قشبه‌ندی چه‌مپاراوی مورشیدی ته‌ریقه‌تی نه‌قشبه‌ندیی له‌ سلێمانی، له‌ ڕێگه‌ی ماڵپه‌ڕی فه‌رمیی پارتی دیموكراتی كوردستانه‌وه‌، باسی خۆشه‌ویستیی نیشتیمان ده‌كات و ده‌ڵێت، "له‌ ئایینی پاكی ئیسلامدا خۆشه‌ویستیی خاكی نیشتمان و خه‌ڵك ئه‌ركێكی ئاینیی پیرۆزه‌، شێخ بەهائەدین مەبەستییەتی بە ئایەتی قورئانی پیرۆز كە لای موسڵمانان هیچ گومانێك هەڵناگرێت، بەڵگە بۆ داكۆكی لە خاك و نیشتیمان بهێنێتەوە و ئایەتی هەشتی سووره‌تی مومتەحینه‌ ئاماژە پێدەكات كە خوای گه‌وره‌ ده‌فه‌رمووێت: (لا یَنْهَاكُمُ اللَّهُ عَنِ الَّذِینَ لَمْ یُقَاتِلُوكُمْ فِی الدِّینِ وَلَمْ یُخْرِجُوكُمْ مِنْ دِیَارِكُمْ أَنْ تَبَرُّوهُمْ وَتُقْسِطُوا إِلَیْهِمْ إِنَّ اللَّهَ یُحِبُّ الْمُقْسِطِینَ) واتە: خوا مه‌نعتان ناكات له‌ په‌یوه‌ندی له‌گه‌ڵ ئه‌و بێ باوه‌ڕانه‌ی كه‌ شه‌ڕیان له‌گه‌ڵ ئێوه‌ نه‌كرد له‌سه‌ر دینه‌كه‌تان و ده‌ریان نه‌كردن له‌ وڵاتی خۆتان، ڕایان نه‌گواستن له‌سه‌ر دین و خاكه‌كه‌تان، دادپه‌روه‌رانه‌ له‌گه‌ڵیان بجووڵێنه‌وه‌.

مامۆستا به‌هائه‌دین هه‌روه‌ها ئاماژه‌ به‌وه‌ ده‌كات كه‌ ئایینی ئیسلام، ئایینی میهره‌بانییه‌، ئایینی خۆشه‌ویستییه‌، به‌ تایبه‌تی له‌ ناو پوخته‌ و پالێوته‌كه‌ی كه‌ ته‌ریقه‌تی ته‌سه‌ووفی نه‌قشبه‌ندییه‌ كه‌ یه‌كێك له‌ ڕوكن و پایه‌كانی ته‌ریقه‌تی نه‌قشبه‌ندیی خۆشه‌ویستییه‌ بۆ خوا، خۆشه‌ویستییه‌ بۆ پێغه‌مبه‌ری خوا (ص) خۆشه‌ویستی بۆ خاك بۆ خه‌ڵكی كوردستان و خۆشه‌ویستی بۆ خۆت و بۆ بوونه‌وه‌ره‌كان، بۆیه‌ خۆشه‌ویستی نیشتمان واجبه‌ له‌سه‌ر ته‌واوی موسڵمانان، چونكه‌ ئه‌گه‌ر خۆشه‌ویستیت بۆ نیشتمان نه‌بوو به‌رگری لێ ناكه‌یت و كه‌ به‌رگریت لێ نه‌كرد ناتوانی ئه‌ركه‌ ئایینی و ئینسانییه‌كانت به‌ڕێوه‌ ببه‌یت و ئه‌نجام بده‌یت. 

هەروەها ئەوەش دەخاتەڕوو كە خۆشه‌ویستیی نیشتیمان، جیهانێكه‌ له‌ جیهانی مه‌عنه‌وی و ڕوحی، خۆشه‌ویستی نیشتیمان یه‌كێكه‌ له‌ سیفاته‌ پیرۆزه‌كانی مرۆڤی كامڵ و عارف و ئه‌هلی ته‌سه‌وف و ئه‌گه‌ر سه‌یری مێژووی ئه‌ولیایانی كورد بكه‌یت ده‌بینین پاشناوه‌كانیان ناوی وه‌ته‌نیانی پێوه‌یه‌ و به‌ نیشتیمانه‌كه‌یانه‌وه‌ به‌ناوبانگ بوون، نموونه‌كانی حه‌زره‌تی مه‌ولانا (خالیدی نه‌قشبه‌ندیی شاره‌زووری)، حه‌زره‌تی (سیراجه‌دینی ته‌وێڵه‌) حه‌زره‌تی (زیائه‌دین عمر بیاره‌یی) حه‌زره‌تی شێخ مه‌لا (عه‌بدولقادری چه‌مپاراوی) حه‌زره‌تی (شێخ عێزه‌دین و شێخ محیه‌دین چه‌مپاراوی) ئه‌مانه‌ ئه‌ولیا و پیاوچاكانی عارفی كوردستان بوون كه‌ پاشناوه‌كانیان ناوی وه‌ته‌نی پێوه‌یه‌، كه‌ حه‌زره‌تی شێخ محیه‌دین و شێخ عێزه‌دینی چه‌مپاراو مورشیدانی گه‌وره‌ی ته‌ریقه‌تی نه‌قشبه‌ندیی ده‌ڵێن، "ده‌بێ هه‌میشه‌ سێ پیتی (خ) له‌ ناخماندا چه‌كه‌ره‌ بكات، یه‌كه‌میان خۆشویستی خوا، دووهه‌میان خۆشه‌ویستی خاك و سێهه‌میان خۆشه‌ویستی خه‌ڵك"، كاتێك پێغه‌مبه‌ری خوا له‌ مه‌کكه‌ به‌ ناچاری هیجره‌تی كرد، كاتی ڕۆیشتنی ئاوڕی دایه‌وه‌ و وتی "ئه‌ی خاكی پیرۆزی نیشتیمان شاری مه‌ككه‌ی ئازیز، زۆرم خۆشده‌وێی به‌ڵام قه‌ومه‌كه‌م ناچاریان كردم به‌جێت بهێڵم" و دوعا ده‌كات ده‌ڵێ "خوایه‌ خۆشه‌ویستی مه‌دینه‌ بخه‌ره‌ دڵمانه‌وه‌ وه‌ك خۆشه‌ویستییه‌ك كه‌ بۆ مه‌کكه‌ی نیشتمانی خۆم هه‌مه‌ كه‌ ئه‌م فه‌رمووده‌یه‌ له‌ بوغاریدا هاتووه‌ به‌ ژماره‌ 994". 

شێخ به‌هائه‌دین هه‌روه‌ها سه‌باره‌ت به‌ خۆشه‌ویستی خاك و خه‌ڵك له‌ مانگی ڕه‌مه‌زاندا گوتی، "مانگی ڕه‌مه‌زان مانگی خۆشه‌ویستییه‌ بۆ خوا، بۆ خه‌ڵكی هه‌ژاری خوا و مانگی ڕەمه‌زان مانگی خۆشه‌ویستییه‌ بۆ خاكی كوردستان، چونكه‌ له‌ ڕەمه‌زاندا هاتووچۆی مزگه‌وت زۆر ده‌كرێ، ئه‌و مزگه‌وته‌ی خۆشتده‌وێ له‌سه‌ر خاكی پیرۆزی كوردستان دروست كراوه‌ كه‌ تۆ ده‌رفه‌تت هه‌یه‌ عیباده‌تی تێدا بكه‌یت، بۆیه‌ مرۆڤی فیتره‌ت پاك وڵاتی خۆی خۆشده‌وێت، بۆیه‌ له‌سه‌رمانه‌ ئه‌م خاكه‌مان خۆش بوێت ئه‌م خاكه‌ خوای مه‌زن پێی داوین و خێری هیچ كه‌س نییه‌، وه‌ك چۆن خاكی به‌ گه‌لانیتریش به‌خشیووه‌، نیشتیمان ئه‌و خاكه‌یه‌ كه‌ له‌ سه‌ری ده‌ژین و پاش مه‌رگیش ده‌چینه‌وه‌ باوه‌شی ئه‌و نیشتیمانه‌ و له‌ عاله‌می به‌رزه‌خیش له‌ ناو گۆڕه‌كانمان تێیداین و باو و باپیرانیشمان له‌و خاكه‌دا نێژراون.

 

سەڵاح جەلال

 




دوایین هەواڵەکان

سەرۆکی ھەرێمی کوردستان پیرۆزبایی لە یانەکانی دهۆک و زاخۆ دەکات

SATURDAY, 19 JULY 2025 00:07:00

ھەولێر-KDP.info- سەرۆکی ھەرێمی کوردستان پیرۆزبایی لە یانەکانی دھۆک و زاخۆ دەکات بەبۆنەی بەدەستھێنانی پلەی یەکەم و دووەمی جامی عێراق و دەڵێت، "ھەر ھەبن و ھەر سەرکەوتوو بن."

 
مەسروور بارزانی پیرۆزبایی لە یانەکانی تۆپی پێی دهۆک و زاخۆ دەکات

FRIDAY, 18 JULY 2025 23:07:15

ھەولێر-KDP.info- سەرۆکی حکوومەتی هەرێمی کوردستان، پیرۆزبایی لە یانەکانی تۆپی پێی دهۆک و زاخۆ کرد، بە بۆنەی بەدەستهێنانی پلەی یەکەم و دووەمی جامی عێراق.

 
گوتەبێژی حکوومەت بۆ KDP باسی جێبەجێکردنی ڕێککەوتنه‌كه‌ و ناردنی مووچە دەکات

FRIDAY, 18 JULY 2025 22:07:06

ھەولێر-KDP.info- گوتەبێژی حکوومەتی ھەرێمی کوردستان ڕایدەگەیەنێت، لە سەرەتای ئەم ھەفتەیەدا ڕێککەوتنی نێوان حکوومەتی ھەرێمی کوردستان و بەغدا دەکەوێتە بواری جێبەجێکردنەوە و بەغدا دەست بە ناردنی مووچەی مانگی پێنجی فەرمانبەران دەکات.

 
بارزانی خەونی نەتەوەیەك، کە بەرەو ڕوناکی هەنگاو دەنێت

FRIDAY, 18 JULY 2025 14:07:34

دکتۆر سامان سۆرانی 

 
هەڵگورد شێخ نەجیب بۆ KDP: دیزاینی ماستەرپلانی تازەی هاوینەهەواری بێخاڵ تەواوبووە

FRIDAY, 18 JULY 2025 11:07:42

ھەولێر-KDP.info- سەرپەرشتیاری ئیدارەی سەربەخۆی سۆران ڕایگه‌یاند، لە هاوینەهەواری بێخاڵ،‌ بنیادنانی ژێرخانێكی پته‌وی گه‌شتیاری له‌ده‌ڤه‌ره‌كه‌ ده‌ستپێده‌كات، بۆ ڕازیكردنی  كاسبكارانی بێخاڵیش حكوومه‌تی هه‌رێمی كوردستان پلانی هه‌یه‌.

 


 
© 2023 Kurdistan Democratic Party, KDP

Contact