Kurdî  ■  كوردی  ■  عربي
SUN, 16 FEB 2025 12:48 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

کۆمەڵکوژیی یەکی شوبات فکر و میکانیزم
| KDP.info


فازڵ میرانی

زۆرن ئەو ڕووداوانەی بۆ سۆراخ و پشکنینیان مەرج نییە چاوەڕێی ساڵیادیان بکەین، لەوانە تەقینەوەکانی شوباتی 2004 لە ھەولێر، کە ئامانجیان بنکەی حیزبەکەمان و یەکێتیی نیشتمانیی کوردستان بوو. دوو تەقینەوەی بەدوای یەکدا کە ژمارەیەک شەهید و برینداری لێ کەوتەوە، ڕووداوەکان لە کاتێکدا ڕوویاندا کە ساڵێک تەواو نەبووبوو بەسەر ڕووخانی ڕژێمی پێشووتردا و لە ناوچەیەکی زۆر ئارام و سەقامگیر، واتا کوردستانی عێراق، لە ھەولێری پایتەخت، لە ڕێوڕەسمێکی حیزبی کۆمەڵایەتی لە کاتی جەژندا، ڕوویان دا.

فکری کوشتن کۆنە و ئامرازەکانی جۆراوجۆرن و لە چۆنیەتیی گەیشتن بە ئامانج بە شێوەیەکی چاوەڕواننەکراو دەسوڕێتەوە. زۆر لە دەسەڵاتداران و ڕێکخراوەکان و تاکەکەسانیش ڕێگەی کوشتن و تیرۆریان گرتووەتەبەر، بێ ئەوەی گرنگی بە بەربەستی ئەخلاقی بدەن کە ڕێگر بێت لە ناوچوونی لۆژیکی توندوتیژی، بەتایبەتی کاتێک تاوانەکە کەسانی بێتاوان دەگرێتەوە. لێرەدا ھەوڵدانی بەراوردکردن و پاساودان بۆ ئەنجامدانی کردەوەیەک تاوانێکی مەحکوومکراوە، چونکە ڕێگەدانە بە قوربانیدانی کەسانی تر، چ بە تاک یان بە کۆمەڵ، شکاندنی بەندی شەرع و یاسایە، کە پارێزەری ئاسایشی مرۆڤن. تەنانەت ئامادەکردنی عەقڵی تاکێک بۆ دروستکردنی وەها کارێک تاوانێکی گەورەیە، تەنانەت ڕەخساندنی ژینگەیەکی وەهاش پرسێکە پێویستی بە پێداچوونەوە و ڕێوشوێن گرتنەبەر و ھەنگاوەکانی وشککردنەوەی ئەم بوارە ھەیە.

دەقی شەرعی

تاوانێکی تر، لێکدانەوەی دەقێکی پیرۆزە و بەرزکردنەوەی بۆچوونێکی سیاسی و بزووتنەوەییە بۆ ئەوەی شوێنی دەقی شەرعی بگرێتەوە. دینی حەنیف و سوننەتی پاکی پێغەمبەر پایەیەکی بەرزتر و مانایەکی بەرزتریان ھەیە لەوەی بە ڕەوا بزانن خوێنی کەسێک بڕژێت، یان تۆقاندنی خەڵک به مەستی هیچوپووچ دەستی بۆ ببرێت. ئەو لایەنەی دەست و فکری بە تەقینەوەکانی ھەولێر پیس بوو، لایەنێک بوو کە بانگەشەی دامەزراوەی بنەمای ئیسلامی دەکرد و ئێستایش نەوەکانی بانگەشەی ئەوە دەکەن، بەڵام ئایەتی پیرۆزی خوای گەورەیان بیر چووەتەوە کە دەفەرمووێت: “ھەرکەسێک باوەڕدارێک بە ئەنقەست بکوژێت، سزای ئەو دۆزەخە و ھەتاھەتایە تیایدا دەمێنێتەوە و خوای گەورە لێی توڕە دەبێت و نەفرەتی لێ دەکات و سزایەکی گەورەی بۆ ئامادە کردووە”، و فەرمودەی پێغەمبەری خوا کە دەفەرموێت: “الایمان قید الفتك”.

ڕۆیشتن بە ڕێگای کوشتن، وەک پێشتر باسم کرد، تەنیا بە قوتابخانەیەکی عەقیدەیی، یان سیستەمێکی دیاریکراو و سنووردار نییه، بەڵکوو ئەو تاکەکەس و کۆمەڵ و سیستەمانەی کە بانگەشەی لەدایکبوونیان لە ڕەحمی پەیوەندیدار بە بیری ئاسمانی دەکەن، دەبێت پێش ھەموو کەسێک لە دادپەروەریی خالق و پاراستن و بەرگریکردنی مافی دروستکراوەکانی تێبگەن، نەک تەنیا بۆ مرۆڤ، بەڵکوو بۆ سروشت و دروستکراوەکانی.

لێکدانەوەی بیری توندڕەوی دەریدەخات کە خاوەنەکەی ئامادەیی ھەیە بۆ پاساودانی کردەوە دەستدرێژیکارەکانی، ئەمەیش تێکەڵ بە ئەنقەست یان بە نەزانی بێت لە نێوان باوەڕی دروست و تێڕوانینی بەتاڵ. مێژوو ئەوەی پێشی و دوایی تۆمارکرد لە نموونەی ئەو ڕووداوەی لە ھەولێر ڕووی دا، لەو دەستدرێژییەی کە گیانی کەسانێکی تێدا ڕۆیشت و چەندانی بریندار کرد و لەشی چەندانیشی شێواند، ئەمە لەلایەن ئەو لایەنانەوە پەسەند کرا کە لەگەڵ یەکتردا لە کردەوەدا بەشدار بوون، ھەندێکیان بانگەشەی جیاکردنەوەی ئایین لە سیاسەت دەکەن و ئەوانی تریان سیاسەت بە ئایین و پێچەوانەکەی دادەنێن، بەشدار بوون لە کوشتنی دەستەیەک لە گەلەکەمان، ھەروەک پێشتریش هەزارانیان بە ڕێگەی جۆراوجۆر شەهید کرد.




دوایین هەواڵەکان

سەرۆکی هەرێمی کوردستان لەگەڵ وەزیری دەوڵەت لە وەزارەتی دەرەوەی ئەڵمانیا کۆبووه‌وه‌

SUNDAY, 16 FEBRUARY 2025 12:02:24

میونشن-KDP.info- هه‌ر لە به‌رده‌وامیی دیدار و کۆبوونه‌وه‌کانیدا له‌ کۆنفرانسی ئاسایشی میونشن، به‌یانیی ئەمڕۆ یەکشەممە 2025/2/16 بەڕێز نێچیرڤان بارزانی، سەرۆکی هەرێمی کوردستان، لەگەڵ بەڕێز د. تۆبیاس لیندنەر، وەزیری دەوڵەت لە وەزارەتی دەرەوەی ئەڵمانیا کۆبووەوە.

 
پارێزگار بۆ KDP: ئەمڕۆ سەرۆک بارزانی لەگەڵ شاندی ئیمراڵی كۆدەبێتەوە

SUNDAY, 16 FEBRUARY 2025 10:02:38

هه‌ولێر-KDP.info- پارێزگاری ھەولێر گوتی، دوای گەیشتنی شاندی ئیمراڵی بۆ ھەولێر بڕیارە ئەمڕۆ لەگەڵ سەرۆک بارزانی کۆببنەوە و ڕای سەرۆک بارزانی لەبارەی پڕۆسەی ئاشتی وەردەگرن و بۆ ئیمراڵی دەبەنەوە.

 
نێچیرڤان بارزانی لەگەڵ وەزیری دەرەوەی تورکیا کۆبووەوە

SATURDAY, 15 FEBRUARY 2025 22:02:29

میونشن-KDP.info- ھەر لە درێژەی بەرنامەکەیدا لە کۆنفرانسی ئاسایشی میونشن، ئێوارەی ئەمڕۆ شەممە ٢٠٢٥/٢/١٥، نێچیرڤان بارزانی، سەرۆکی ھەرێمی کوردستان، لەگەڵ ھاکان فیدان، وەزیری دەرەوەی تورکیا کۆبووەوە.

پسپۆڕێكی یاسای نێودەوڵەتی بۆ KDP: داھاتوویەکی پڕشنگدار چاوەڕێی ھەرێمی کوردستان دەکات

SATURDAY, 15 FEBRUARY 2025 22:02:08

ھەولێر-KDP.info- پسپۆڕێکی یاسای نێودەوڵەتی پێی وایە کە شێوازی پێشوازی‌ سەرۆکی ھەرێم و سەرۆکی حکوومەت لە کۆنگرە نێودەوڵەتییەکاندا ئیعترافێکی زمنیە بە ھەرێمی کوردستان کە ھاوشێوەی دەوڵەت مامەڵەی لەگەڵ دەکرێت و ئەمە داھاتوویەکی پڕشنگدار بۆ ھەرێمی کوردستان دیار دەخات.

هه‌فته‌یه‌كی پڕ جموجۆڵ له‌ دیپلۆماسیه‌تی كوردستاندا

SATURDAY, 15 FEBRUARY 2025 20:02:41

د. نه‌هله‌ ئه‌فه‌ندی

 


 
© 2023 Kurdistan Democratic Party, KDP

Contact