Kurdî  ■  كوردی  ■  عربي
SAT, 5 JUL 2025 21:46 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

شاندێکی پارتی بەشداری کۆنفرانسی پارتی کریستیانی دیموکراتی ئەڵمانیا دەکات
| KDP.info


ھەولێر-KDP.info- شاندێکی پارتی دیموکراتی کوردستان لە کۆنفرانسی ساڵانەی پارتی کریستیانی دیموکراتی ئەڵمانیا (CDU) لە بەرلین بەشداری کرد.

شاندی پارتی پێکھاتبوو لە بەڕێزان (دڵشاد بارزانی، ھۆشیار سیوەیلی بەرپرسی مەکتەبی پەیوەندییەکانی دەرەوە پارتی دیموکراتی کوردستان، بەھجەت مەسیفی و کارکەر تۆڤی)

‎پارتی کریسیتانی دیموکرات یەکێکە لە پارتە دەسەڵاتدارەکانی چەند دەیەی ڕابردوو و پێگەیەکی بەھێزی لە ئەڵمانیا و ئەوروپا ھەیە، پەیوەندییەکی باش و نزیکی لەگەڵ پارتی دیموکراتی کوردستان ھەیە، لە کۆتایی ئەم مانگە دانیشتوانی ئەڵمانیا ڕوو لە سندوقی دەنگدان دەکەن بۆ ھەڵبژاردنی حکوومەتی داھاتووی ئەو وڵاتە، لە کاتێکدا ئەوروپا و جیھان بەگشتی ڕووبەڕووی کۆمەڵێک گرفت و کێشە بوونەتەوە، ئەڵمانیا وەکو بەھێزترین وڵاتی ئەوروپا خاوەنی پێگە و سەنگی خۆیەتی و کاریگەریی نەک تەنیا لە ئەوروپا بەڵکو لەسەر جیھان ھەیە. 

کۆنفرانسی ئەمساڵیان ھاوکاتە لەگەڵ بەڕێوەچوونی ھەڵبژاردن، بەپێی ڕاپرسییەکان پارتی کریستیانی دیموکرات براوەی یەکەمە و سەرکردایەتی حکوومەتی داھاتووی ئەڵمانیا دەکات، ئەڵمانیا ڕۆڵی گرینگی بینیووە لە ھاوکاریکردنی ھەرێمی کودستان، خاتوو ئەنگێلا مێرکل، چانسلەری پێشوو لە کاتی جەنگی دژی داعش ڕۆڵی دیار و بەرچاوبووھەبوو.

ئەوەی جێگای ئاماژەیە پارتی کریستیانی دیموکراتی لە ماوەی ڕابردوودا بە سەرۆکایەتی ئانجیلە مێرکەڵ پشتیوانێکی بەھێزی ھەرێمی کوردستان و گەلی کوردستان بووە، بە دڵنیاییەوە ئەو پشتیوانییە بەردەوام دەبێت و پەیوەندی نێوان پارتی دیموکراتی کوردستان و پارتی کریستیانی دیموکراتی لەسەر بنەمای باوەڕ بوونە بە بەھا و بەرژەوەندی ھاوبەش و ڕووبەڕووبوونەوەی ھەڕەشە و مەترسیەکانی سەر بەرژەوەندییەکانی گەلی کوردستان و گەلی ئەڵمانیا. 

شاندی پارتی دیموکراتی کوردستان لە ڕۆژانی کۆنفرانس چاویان بە چەندین بەرپرس و ئەندامی باڵای پارتی کریستیانی دیموکراتی کەوت و گفتوگۆیان لەسەر دوایین پێشھات و گۆڕانکارییەکانی ڕۆژھەڵاتی ناوەڕاست بەگشتی و کۆماری عێراق و ھەرێمی کوردستان بەتایبەتی کرد. 

ھەردوولا ھاوڕابوون کە ھەماھەنگی و ھاوکاری نێوان پارتە سیاسیەکان بۆ زیاتر بەرقەراربوونی ئارامی، بەدەستھێنانی خۆشگوزەرانی، فەراھەمکرنی ئاشتی و سەرخستنی پڕۆسەی دیموکراسی پێویستە.

شاندی پارتی لەگەڵ پیرۆزبایی بۆ سەرکەوتنی کۆنفرانس و ھیوای بەردەوامییان بۆ پارتی سی دی یو خواست. 




دوایین هەواڵەکان

ڕوونكردنەوەیەک لە وەزارەتی ناوخۆی حکومەتی هەرێمی کوردستانەوە

SATURDAY, 05 JULY 2025 19:07:46

ھەولێر-KDP.info-  وەزارەتی ناوخۆی حکومەتی هەرێمی کوردستان روونکردنەوەیەکی رایگەیاند 

سەرۆکی ھەرێمی کوردستان بەشداریی لە پرسەی موحسین ساڵح ئامێدی کرد

SATURDAY, 05 JULY 2025 19:07:58

ئامێدی-KDP.info- نێچیرڤان بارزانی سەرۆکی ھەرێمی کوردستان، بەشداری لە پرسەی موحسین ئامێدی، تێکۆشەر و کەسایەتی ناسراوی بادینان کرد.

 

سەرۆك بارزانی پێشوازی لە ئەنجوومەنی پشتیوانیی پارێزگای هەڵەبجە دەكات

SATURDAY, 05 JULY 2025 18:07:59

ھەولێر-KDP.info-  ڕۆژی شەممە 5ی تەمموزی 2025 لە سەلاحەددین سەرۆك مەسعود بارزانی پێشوازی لە ئەندامانی ئەنجوومەنی پشتیوانیی پارێزگای هەڵەبجە كرد.

زۆربەی كارەكانی تۆڕی ئاو لە زۆنی ڕێگەی كۆیە، كەركووك و مووسڵ تەواو بووە

SATURDAY, 05 JULY 2025 13:07:30

هه‌ولێر-KDP.info- ئەمڕۆ شەممە 5/7/2025 ساسان عەونی، وەزیری شارەوانی و گەشتوگوزار بۆ لە نزیكەوە ئاگاداربوون لە كارەكانی پڕۆژەی تۆڕی ئاوی هەولێر و بەستنەوەی بە پڕۆژەی فریاگوزاریی خێرای ئاوی هەولێر، پڕۆژەی تۆڕی ئاوی هەولێری لە زۆنی ڕێگەی كۆیە و كەركووك و مووسڵ و ڕەشكین و شەقامی زانكۆی بەسەركردەوە.

 

ئەکبەر حەیدەر: ئەو بڕیارە بۆ مەرامی سیاسی و بچووککردنەوەی خانەقینه‌

SATURDAY, 05 JULY 2025 12:07:45

خانەقین-KDP.info- بەرپرسی لقی ١٥ی پارتی دیموکراتی کوردستان لە خانەقین ڕایگەیاند، حکوومەتی عێراق بۆ مەرامی سیاسی و بچووکردنەوەی خانەقین، دەیەوێ قەرەته‌پە بکاتە قەزا و ھەردوو ناحیەی جەبارە و کۆکز بخاتە سەر ئەو قەزایە، کە ئەمەش بە ھیچ شێوەیەک لە بەرژەوەندیی کورددا نییە و پێویستە ڕێگری لێ بکرێت.

 


 
© 2023 Kurdistan Democratic Party, KDP

Contact